Shaking Legs: ಕುಳಿತಲ್ಲೇ ಕಾಲು ಅಲುಗಾಡಿಸುವ ಅಭ್ಯಾಸ ಇದೆಯಾ? ಈ ಎಲ್ಲಾ ಸಮಸ್ಯೆ ಆಗುತ್ತೆ ಎಚ್ಚರ

ನಾವೆಲ್ಲರೂ ಒಂದೆಲ್ಲಾ ಒಂದು ಸಾರಿ ಕಾಲು ಅಲುಗಾಡಿಸುವ ವಿಚಾರಕ್ಕೆ ನಾವು ಪೋಷಕರಿಂದ ಬೈಸಿಕೊಂಡಿರುತ್ತೇವೆ. ಅದು ಕೆಟ್ಟ ಅಭ್ಯಾಸ ಎಂದು ಹಿರಿಯರು ಹೇಳುತ್ತಾರೆ. ಆದರೆ ನಮಗೆ ಇದರಿಂದ ಏನೆಲ್ಲಾ ಸಮಸ್ಯೆ ಆಗುತ್ತದೆ ಎಂಬುದರ ಬಗ್ಗೆ ಮಾಹಿತಿ ಇರುವುದಿಲ್ಲ.

ಕೆಲವರಂತೂ ಅದೆಷ್ಟೇ ಬೈಸಿಕೊಂಡರೂ ಸಹ ಕಾಲು ಅಲುಗಾಡಿಸುವುದನ್ನ ಬಿಡುವುದಿಲ್ಲ.ಈ ಕಾಲು ಅಲುಗಾಡಿಸುವುದು ನೋಡಲು ಸಹ ಒಳ್ಳೆಯದಲ್ಲ. ಸಾವಿರ ಜನರ ಮಧ್ಯೆ ಕುಳಿತುಕೊಂಡಾಗ ಕಾಲು ಅಲುಗಾಡಿಸಿದರೆ ಮರ್ಯಾದೆ ಸಹ ಹೋಗುತ್ತದೆ.

ಇನ್ನು ಈ ರೀತಿ ಕಾಲು ಅಲುಗಾಡಿಸುವುದು ಹಿರಿಯರಿಗೆ ಅಗೌರವ ಕೊಟ್ಟಂತೆ ಎನ್ನಲಾಗುತ್ತದೆ. ಆದರೂ ಸಹ ಅನೇಕ ಜನರು ಹೇಳಿದ ಮಾತು ಕೇಳುವುದಿಲ್ಲ. ಹಾಗಾದ್ರೆ ಜ್ಯೋತಿಷ್ಯದ ಪ್ರಕಾರ ಈ ರೀತಿ ಕಾಲು ಅಲುಗಾಡಿಸುವುದರಿಂದ ಯಾವೆಲ್ಲಾ ಸಮಸ್ಯೆ ಆಗುತ್ತದೆ ಎಂಬುದು ಇಲ್ಲಿದೆ.

ಕಾಲು ಅಲುಗಾಡಿಸುವುದರಿಂದ ಲಕ್ಷ್ಮಿ ದೇವಿಗೆ ಕೋಪ ಬರುತ್ತದೆ ಎನ್ನಲಾಗುತ್ತದೆ. ಇದರಿಂದ ಆರ್ಥಿಕವಾಗಿ ಅನೇಕ ಸಮಸ್ಯೆಗಳನ್ನು ಅನುಸರಿಸಬೇಕಾಗುತ್ತದೆ. ಅಲ್ಲದೇ, ಈ ರೀತಿ ಅಲುಗಾಡಿಸುವುದರಿಂದ ಸಾಲದ ಸಮಸ್ಯೆಗೆ ಸಹ ಸಿಲುಕಿಕೊಳ್ಳುವ ಸಾಧ್ಯತೆ ಇರುತ್ತದೆ.

ಸಂಜೆ ಅಥವಾ ರಾತ್ರಿ ಮಲಗುವಾಗ ಕಾಲು ಅಲುಗಾಡಿಸಿದರೆ ಅದನ್ನು ಅಶುಭ ಎನ್ನಲಾಗುತ್ತದೆ. ಇದರಿಂದ ನಿಮ್ಮ ವೃತ್ತಿ ಜೀವನದ ಮೇಲೆ ಪರಿಣಾಮ ಬೀರುತ್ತದೆ. ಅಲ್ಲದೇ, ಇದರಿಂದ ನಿಮ್ಮ ಆರೋಗ್ಯ ಸಹ ಹಾಳಾಗುತ್ತದೆ ಎನ್ನುತ್ತದೆ ಜ್ಯೋತಿಷ್ಯ ಶಾಸ್ತ್ರ

ಅಲ್ಲದೇ, ಇದರಿಂದ ಸಂಸಾರದಲ್ಲಿ ಸಹ ಬಿರುಕು ಮೂಡುತ್ತದೆ. ಈ ರೀತಿ ಕಾಲು ಅಲುಗಾಡಿಸುವುದರಿಂದ ಗಂಡ-ಹೆಂಡತಿ ಮಧ್ಯೆ ಪದೇ ಪದೇ ಜಗಳ ಆಗುತ್ತದೆ. ಅಲ್ಲದೇ, ನೆಮ್ಮದಿ ಸಹ ಇರುವುದಿಲ್ಲ. ಹಾಗಾಗಿ ಕಾಲು ಅಲುಗಾಡಿಸಬಾರದು ಎನ್ನಲಾಗುತ್ತದೆ.

ಊಟ ಮಾಡುವಾಗ ಕಾಲು ಅಲುಗಾಡಿಸುವುದು ನಿಜಕ್ಕೂ ತುಂಬಾ ಅಶುಭ ಎನ್ನಲಾಗುತ್ತದೆ. ಈ ರೀತಿ ಅಲುಗಾಡಿಸುವುದರಿಂದ ಬಡತನ ಆವರಿಸುತ್ತದೆ. ಅಲ್ಲದೇ, ಇದರ ಜೊತೆಗೆ ಬೇರೆಯವರ ಮನೆಗೆ ಹೋದಾಗ ಈ ರೀತಿ ಅಲುಗಾಡಿಸಿದರೆ ಅವರಿಗೆ ಸಹ ಸಮಸ್ಯೆಗಳಾಗುತ್ತದೆ. (ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)