Shani Effect: ಇಂದಿನಿಂದ ಈ ರಾಶಿಯವರ ಒಳ್ಳೆಯ ಟೈಮ್ ಸ್ಟಾರ್ಟ್​, ಬೇಡ ಬೇಡ ಅಂದ್ರೂ ಶನಿ ಕೊಡ್ತಾನೆ ಹಣ

ಜ್ಯೋತಿಷ್ಯದಲ್ಲಿ ಗ್ರಹಗಳ ಉದಯ ಹಾಗೂ ಅಸ್ತಮ ಎಲ್ಲಾ ರಾಶಿಗಳ ಮೇಲೆ ಪರಿಣಾಮ ಬೀರುತ್ತದೆ. ಶನಿ ಜನವರಿ 30, 2023 ರಂದು, ಕುಂಭ ರಾಶಿಯಲ್ಲಿ ಅಸ್ತಮಿಸಿದ್ದು, ಇಂದು ಮತ್ತೆ ಶನಿ ಉದಯಿಸಿದ್ದಾನೆ. ಶನಿಯ ಉದಯ ಕಟಕ ಮತ್ತು ವೃಶ್ಚಿಕ ರಾಶಿಗೆ ಸಮಸ್ಯೆ ತಂದೊಡ್ಡಿದೆ. ಆದರೆ ಕೆಲ ರಾಶಿಯವರಿಗೆ  ಈ ಶನಿಯ ಉದುದಿಂದ ಒಳ್ಳೆಯ ಸಮಯ ಆರಂಭವಾಗಲಿದೆ.

ಶನಿಯು ಮತ್ತೆ ಉದಯಿಸಿದ ನಂತರ ಕೆಲವು ರಾಶಿಗಳ ಬದುಕು ಬದಲಾಗಲಿದೆ. ಶನಿ ಉದಯದಿಂದ ಅವರ ಆರ್ಥಿಕ ಪರಿಸ್ಥಿತಿಯಲ್ಲಿ ಸುಧಾರಣೆ ಆಗುತ್ತದೆ. ಈ ರಾಶಿಯವರ ಮೇಲೆ ಶನಿ ಕೃಪೆ ಇರುತ್ತದೆ. ಮಾರ್ಚ್ 6 ರಂದು ಬೆಳಗ್ಗೆ 11:36 ಕ್ಕೆ ಶನಿಯು ಉದಯಿಸಿದ್ದು, ಯಾರಿಗೆ ಲಾಭ ಎಂಬುದು ಇಲ್ಲಿದೆ.

ಕುಂಭ: ಕುಂಭ ರಾಶಿಯವರಿಗೆ ಶನಿಯ ಉದಯ ಶುಭವಾಗಲಿದೆ. ಕಚೇರಿಯಲ್ಲಿ ಮೆಚ್ಚುಗೆ ಸಿಗಲಿದ್ದು, ಈ ರಾಶಿಯವರಿಗೆ ಶನಿ ಉದಯದಿಂದ ಸಮಾಜದಲ್ಲಿ ಗೌರವ ಸಿಗುತ್ತದೆ. ಅಲ್ಲದೇ, ಹೊಸ ಉದ್ಯೋಗಾವಕಾಶಗಳು ದೊರೆಯಲಿವೆ. ನೀವು ಸಂಗಾತಿಯ ಬೆಂಬಲ ಸಹ ಈ ಸಮಯದಲ್ಲಿ ನಿಮ್ಮದಾಗಲಿದೆ. ನಿಮ್ಮ ಆತ್ಮವಿಶ್ವಾಸ ಹೆಚ್ಚುತ್ತದೆ. ಅವಿವಾಹಿತರಿಗೆ ಮದುವೆ ಪ್ರಸ್ತಾಪಗಳು ಬರಬಹುದು

ಸಿಂಹ: ಸಿಂಹ ರಾಶಿಯವರಿಗೆ ಈ ಶನಿಯ ಉದಯದಿಂದ ದೊಡ್ಡ ಲಾಭ ಆಗಲಿದೆ, ಕೆಲ ಸಮಸ್ಯೆಗಳು ಮುಗಿದು, ಹೊಸ ಜೀವನ ಆರಂಭಿಸಲು ಇದು ಸೂಕ್ತವಾದ ಸಮಯ. ಶನಿಯ ಕೃಪೆಯಿಂದ ಈ ರಾಶಿಯವರ ಆರ್ಥಿಕ ಪರಿಸ್ಥಿತಿ ಸುಧಾರಣೆ ಆಗುತ್ತದೆ. ಅಲ್ಲದೇ, ಮನೆಯಲ್ಲಿ ಸಹ ನೆಮ್ಮದಿ ಇರುತ್ತದೆ.

ಸಿಂಹ ರಾಶಿಯ ಅಧಿಪತಿ ಸೂರ್ಯ. ಸೂರ್ಯ ಮತ್ತು ಶನಿಯ ನಡುವೆ ಸಂಬಂಧ ಚೆನ್ನಾಗಿದ್ದು, ಈ ಕಾರಣದಿಂದ ಶನಿಯ ಉದಯದಿಂದ ಈ ರಾಶಿಯವರು ಬಹಳ ಸಂತೋಷವನ್ನು ಅನುಭವಿಸುತ್ತಾರೆ. ಬಹಳ ದಿನಗಳಿಂದ ಅನುಭವಿಸಿದ್ದ ಕಷ್ಟಕ್ಕೆ ಈ ಸಮಯದಲ್ಲಿ ಮುಕ್ತಿ ಸಿಗುತ್ತದೆ.

ವೃಷಭ: ಶನಿಗ್ರಹದ ಉದಯ ಕಾರಣದಿಂದ ಅದೃಷ್ಟ ಹೆಚ್ಚಾಗುತ್ತದೆ. ಈ ರಾಶಿಯವರು ಈ ಸಮಯದಲ್ಲಿ ಶ್ರೀಮಂತರಾಗುತ್ತಾರೆ ಎನ್ನಲಾಗುತ್ತದೆ. ಅಲ್ಲದೇ, ಬಹಳ ದಿನಗಳಿಂದ ಕಾಡಿದ್ದ ಆರೋಗ್ಯ ಸಮಸ್ಯೆಗೆ ಪರಿಹಾರ ಸಿಗುತ್ತದೆ. ಒಟ್ಟಾರೆಯಾಗಿ ಶನಿ ಈ ರಾಶಿಯವರಿಗೆ ಲಾಭ ನೀಡುತ್ತಾನೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)