Saturn Mars Conjunction 2023: ಬರೋಬ್ಬರಿ 30 ವರ್ಷದ ನಂತರ ಕೆಟ್ಟ ಯೋಗ, ಈ 4 ರಾಶಿಯವರ ಜೀವನ ಹಾಳು

ಜ್ಯೋತಿಷ್ಯದ ಶನಿ ಗ್ರಹವನ್ನು ಕರ್ಮದ ಫಲಗಳನ್ನು ನೀಡುವ ದೇವರು ಎನ್ನಲಾಗುತ್ತದೆ. ನಾವು ಮಾಡುವ ಕೆಟ್ಟ ಕೆಲಸಗಳಿಗೆ ಶನಿ ಶಿಕ್ಷೆ ಕೊಡುತ್ತಾನೆ. ಹಾಗಾಗಿ ಶನಿ ಎಂದರೆ ಎಲ್ಲರಿಗೂ ಭಯವಾಗುತ್ತದೆ. ಶನಿ ಸಂಯೋಗವಾದರೆ ಅದರಿಂದ ಕಷ್ಟವಾಗುತ್ತದೆ.

ಶನಿ ಯಾವುದೇ ರಾಶಿಗಳ ಜೊತೆ ಸಂಯೋಗವಾದರೆ ಶುಭ ಹಾಗು ಅಶುಭ ಯೋಗಗಳು ಉಂಟಾಗುತ್ತದೆ. ಆದರೆ ಹೆಚ್ಚಾಗಿ ಶನಿಯಿಂದ ಕಷ್ಟಗಳು ಹೆಚ್ಚಾಗುತ್ತದೆ. ಅಲ್ಲದೇ, ಶನಿ ಯಾವ ಗ್ರಹದ ಜೊತೆ ಸಂಯೋಗವಾಗುತ್ತದೆ ಎಂಬುದು ಸಹ ಮುಖ್ಯವಾಗುತ್ತದೆ.

ಸದ್ಯದಲ್ಲಿ ಶನಿ ಹಾಗೂ ಮಂಗಳ ಸಂಯೋಗವಾಗಲಿದ್ದು, ಅದರಿಂದ 3 ತಿಂಗಳು ಕೆಲ ರಾಶಿಯವರಿಗೆ ಸಮಸ್ಯೆ ಆಗುತ್ತದೆ. ಯಾವೆಲ್ಲಾ ರಾಶಿಯವರಿಗೆ ಈ ಶನಿ ಹಾಗೂ ಮಂಗಳನ ಸಂಯೋಗದಿಂದ ತೊಂದರೆ ಆಗುತ್ತದೆ ಎಂಬುದು ಇಲ್ಲಿದೆ.

ಧನಸ್ಸು: ಈ ರಾಶಿಯವರಿಗೆ ಶನಿ ಹಾಗೂ ಮಂಗಳ ಸಂಯೋಗದಿಂದ ಆರ್ಥಿಕ ಸಮಸ್ಯೆಗಳು ಬರುತ್ತದೆ. ಆದಾಯ ಕಡಿಮೆ ಆಗುತ್ತದೆ, ಆದರೆ ನಿಮ್ಮ ಖರ್ಚು ಮಾತ್ರ ಹೆಚ್ಚಾಗುತ್ತದೆ. ಹಾಗೆಯೇ ಹಲವಾರು ಕೆಲಸಗಳು ಮಧ್ಯದಲ್ಲಿಯೇ ನಿಂತು ಬಿಡುತ್ತದೆ.

ಕಟಕ ರಾಶಿ: ಶನಿ ಹಾಗೂ ಮಂಗಳ ಸಂಚಾರದಿಂದ ಕಟಕ ರಾಶಿಯವರು ಬಹಳಷ್ಟು ಕಷ್ಟಗಳನ್ನು ಅನುಭವಿಸಬೇಕಾಗುತ್ತದೆ. ಹೂಡಿಕೆ ಮಾಡುವಾಗ ಈ ಸಮಯದಲ್ಲಿ ಬಹಳ ಜಾಗರೂಕರಾಗಿರಬೇಕು. ಇಲ್ಲದಿದ್ದರೆ ನಷ್ಟವಾಗುತ್ತದೆ. ಹಾಗೆಯೇ, ಮಾತಿನ ಮೇಲೆ ನಿಗಾ ಇರಲಿ.

ಕುಂಭ: ಶನಿ ಹಾಗೂ ಮಂಗಳ ಸಂಯೋಗದಿಂದ ಕುಂಭ ರಾಶಿಯವರ ವೈಯಕ್ತಿಕ ಜೀವನದಲ್ಲಿ ಸಮಸ್ಯೆ ಆಗುತ್ತದೆ. ಸಂಗಾತಿ ಜೊತೆ ಸಣ್ಣ ಸಣ್ಣ ವಿಚಾರಕ್ಕೂ ಜಗಳ ಆಗುತ್ತದೆ. ಅವಿವಾಹಿತರು ಈ ಸಮಯದಲ್ಲಿ ಮದುವೆ ಆಗದಿದ್ದರೆ ಬಹಳ ಉತ್ತಮ. ಇದರ ಜೊತೆ ಸಮಾಜದಲ್ಲಿ ಸಹ ಗೌರವ ಕಡಿಮೆ ಆಗುತ್ತದೆ.

ಸಿಂಹ ರಾಶಿ: ಈ ಸಂಯೋಗ ಸಿಂಹ ರಾಶಿಯವರ ವೃತ್ತಿ ಜೀವನದ ಮೇಲೆ ಪರಿಣಾಮ ಬೀರಲಿದ್ದು, ಯಾವುದೇ ಕೆಲಸಗಳು ಸರಿಯಾದ ಸಮಯಕ್ಕೆ ಆಗುವುದಿಲ್ಲ. ಅಲ್ಲದೇ, ಈ ಸಮಯದಲ್ಲಿ ಆರೋಗ್ಯ ಸಹ ಕೈ ಕೊಡುತ್ತದೆ. ಮನೆಯಲ್ಲಿ ಕಿರಿಕಿರಿ ಹಾಗೂ ಆಫೀಸ್​ನಲ್ಲಿನ ಸಮಸ್ಯೆಗಳ ಕಾರಣದಿಂದ ಒತ್ತಡ ಹೆಚ್ಚಾಗುತ್ತದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)