Sade Sati Remedies 2023: ಸಾಡೇಸಾತಿ‌ ದೋಷ ನಿವಾರಣೆಗೆ ಈ ಪರಿಹಾರಗಳನ್ನು ತಪ್ಪದೇ ಮಾಡಿ

ಪ್ರತಿದಿನ ಶನಿವಾರ ನೀವು ಶನಿ ಸ್ತೋತ್ರ ಪಠಣೆ ಮಾಡುವುದು ಸಾಡೇಸಾತಿ ಸಮಸ್ಯೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.  11 ಬಾರಿ ಇದನ್ನು ಪಠಣೆ ಮಾಡುವುದರಿಂದ ಸಾಡೇಸಾತಿಯಿಂದ ಉಂಟಾಗುವ ಪರಿಣಾಮವನ್ನು ಕಡಿಮೆ ಮಾಡಬಹುದು.

ಶನಿವಾರ ಆಹಾರವನ್ನು ದಾನ ಮಾಡುವುದರಿಂದ ಒಳ್ಳೆಯದಾಗುತ್ತದೆ. ಅದರಲ್ಲೂ ಕ್ಲೀನಿಂಗ್ ಕೆಲಸ ಮಾಡುವ ಸಿಬ್ಬಂದಿಗಳಿಗೆ ನೀವು ಅನ್ನ ಹಾಗೂ ಹಾಲು ದಾನ ಮಾಡಿದರೆ ಸಾಡೇಸಾತಿ ಸಮಸ್ಯೆಯಿಂದ ಸ್ವಲ್ಪ ಮುಕ್ತಿ ಪಡೆಯಬಹುದು.

ಇನ್ನು ಸಾಡೇಸಾತಿ ಸಮಸ್ಯೆ ಇರುವವರು ಕೋಕಿಲ ವನಕ್ಕೆ ಅಥವಾ ಶನಿಧಾಮಕ್ಕೆ ಭೇಟಿ ನೀಡುವುದು ಒಳ್ಳೆಯದು ಎನ್ನಲಾಗುತ್ತದೆ. ಈ ಸಮಯದಲ್ಲಿ ಹಾಲು ಹಾಗೂ ನೀರನ್ನು ಮಿಶ್ರಣ ಮಾಡಿ ಅರಳಿ ಮರಕ್ಕೆ ಹಾಕಬೇಕು.

ಹಾಗೆಯೇ ಪ್ರತಿದಿನ ಸಾಧ್ಯವಾದರೆ ಅರಳಿ ಮರವನ್ನು ಪೂಜಿಸಬೇಕು. ಕಪ್ಪು ಎಳ್ಳು ಹಾಗೂ ಸಕ್ಕರೆಯನ್ನು ಮಿಶ್ರಣ ಮಾಡಿ ಅರಳಿ ಮರದ ಬಳಿ ಇಡಬೇಕು. ಹಾಗೆಯೆ ಸಕ್ಕರೆ ಹಾಗೂ ಹಿಟ್ಟಿನ ಮಿಶ್ರಣವನ್ನು ಇರುವೆಗಳಿಗೆ ಆಹಾರವಾಗಿ ನೀಡುವುದರಿಂದ ಸಹ ಸಹಾಯವಾಗುತ್ತದೆ.

ಇನ್ನು ಸಾಡೇಸಾತಿ ಇದ್ದ ಸಮಯದಲ್ಲಿ ಕೆಲವೊಂದು ಮುನ್ನಚ್ಚೆರಿಕೆ ತೆಗೆದುಕೊಳ್ಳುವುದು ಹಾಗೂ ಕೆಲ ಕೆಲಸವನ್ನು ಮಾಡದೇ ಇರುವುದು ಸಹ ಒಳ್ಳೆಯದು. ಉದಾಹರಣೆಗೆ ಮಂಗಳವಾರ ಕಪ್ಪು ಬಟ್ಟೆ ಧರಿಸಬಾರದು.

ಇನ್ನು ಶನಿವಾರ ನೀವು ಕಪ್ಪು ಬಟ್ಟೆ ಧರಿಸಬಹುದಾದರೂ ಸಹ ಆ ದಿನ ಯಾವುದೇ ಕಾರಣಕ್ಕೂ ಕಪ್ಪು ಬಟ್ಟೆ ಖರೀದಿ ಮಾಡಬೇಡಿ. ಹಾಗೆಯೇ ಈ ದಿನ ಶನಿಯ ವಾಹನ ಕಾಗೆಗೆ ಯಾವುದೇ ಸಮಸ್ಯೆ ಮಾಡಲು ಹೋಗಬೇಡಿ.

ಸಾಡೇಸಾತಿಯ ಸಮಯದಲ್ಲಿ ಕಪ್ಪು ಎಳ್ಳು, ಕಬ್ಬಿಣ ಹಾಗೂ ಎಣ್ಣೆಯನ್ನು ಯಾರಿಂದಲೂ ಸಾಲ ಪಡೆಯಬಾರದು. ಆದರೆ ಇದೇ ವಸ್ತುಗಳನ್ನು ನೀವು ಈ ಸಮಯದಲ್ಲಿ ದಾನ ಮಾಡುವುದರಿಂದ ಶನಿಯ ಕೃಪೆಗೆ ಪಾತ್ರರಾಗಬಹುದು.

ಎಲ್ಲದಕ್ಕಿಂತ ಮುಖ್ಯವಾಗಿ ಈ ಸಮಯದಲ್ಲಿ ಜಗಳ ಮಾಡುವುದು, ಕಾನೂನು ಹೋರಾಟ, ಹಿರಿಯರ ಮಾತು ಕೇಳದಿರುವುದು ಇವುಗಳನೆಲ್ಲಾ ಮಾಡಲೇಬೇಡಿ. (Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)