Mangal Margi: ಕುಜ ದೋಷದಿಂದ ಮುಕ್ತಿ ಬೇಕು ಅಂದ್ರೆ ಇಷ್ಟು ಮಾಡಿ ಸಾಕು

ಜ್ಯೋತಿಷ್ಯದ ಪ್ರಕಾರ ಜನವರಿ ತಿಂಗಳಲ್ಲಿ ಹಲವಾರು ಗ್ರಹಗಳ ಬದಲಾವಣೆಯಾಗಲಿದೆ. ಈ ಸಮಯದಲ್ಲಿ ಮಂಗಳ ಗ್ರಹ ಸಹ ಸ್ಥಾನ ಬದಲಾವಣೆ ಮಾಡುತ್ತಿದ್ದು, ಇದು ಅನೇಕರಿಗೆ ಕುಜ ದೋಷವನ್ನು ಉಂಟುಮಾಡುತ್ತದೆ. ಈ ಕುಜ ದೋಷದಿಂದ ಅನೇಕ ಸಮಸ್ಯೆಗಳು ಬರುತ್ತದೆ.

ಈ ಮಂಗಳ ಗ್ರಹ ಜನವರಿ 13ರಂದು ಅಂದರೆ ನಾಳೆ ಜನವರಿ 13ರಂದು ತನ್ನ ರಾಶಿ ಬದಲಾವಣೆ ಮಾಡಲಿದ್ದು, ಇದರಿಂದ ನವವಿವಾಹಿತ ದಂಪತಿಗಳಿಗೆ ಈ ಸಮಯದಲ್ಲಿ ಸಮಸ್ಯೆಗಳು ಹೆಚ್ಚಾಗುತ್ತದೆ. ಈ ಕುಜದೋಷದಿಂದ ಸಂಸಾರದಲ್ಲಿ ಬಿರುಕು ಸಹ ಉಂಟಾಗುತ್ತದೆ.

ಇನ್ನು ಈ ಕುಜ ದೋಷ ಮದುವೆಯ ಮೇಲೆ ಸಹ ಪರಿಣಾಮ ಬೀರುತ್ತದೆ. ಮದುವೆ ವಿಳಂಬವಾಗುವುದು, ಸಂಬಂಧ ಮುರಿದು ಬೀಳುವುದು ಹೀಗೆ ವಿವಿಧ ರೀತಿಯಲ್ಲಿ ಈ ಕುಜ ನಿಮಗೆ ಸಮಸ್ಯೆ ಉಂಟು ಮಾಡುತ್ತದೆ. ಹಾಗಾಗಿ ಅದಕ್ಕೆ ಕೆಲ ಪರಿಹಾರವನ್ನು ಪಡೆಯುವುದು ಸೂಕ್ತ.

ಈ ಸಮಯದಲ್ಲಿ ಹೊಸದಾಗಿ ಮದುವೆಯಾದ ದಂಪತಿಗಳು ಯಾವುದೇ ಪ್ರಮುಖ ನಿರ್ಧಾರವನ್ನು ತೆಗೆದುಕೊಳ್ಳಬಾರದು. ಅಪ್ಪಿ-ತಪ್ಪಿ ತೆಗೆದುಕೊಮಡರೂ ಸಹ ಇದರಿಂದ ಸಮಸ್ಯೆ ಸಹ ಉಂಟಾಗುತ್ತದೆ. ಹಾಗಾಗಿ ಸ್ವಲ್ಪ ಎಚ್ಚರಿಕೆ ಅಗತ್ಯ.

ಇನ್ನು ಈ ಸಮಯದಲ್ಲಿ ಆರೋಗ್ಯದ ಬಗ್ಗೆ ಕಾಳಜಿ ಅವಶ್ಯಕತೆ ಇರುತ್ತದೆ. ಅದರಲ್ಲೂ ಸಂಗಾತಿಯ ಆರೋಗ್ಯದ ಬಗ್ಗೆ ಸ್ವಲ್ಪ ಎಚ್ಚರಿಕೆ ಅಗತ್ಯವಿದ್ದು, ಯಾವುದೇ ರೀತಿಯ ನಿರ್ಲಕ್ಷ್ಯ ಮಾಡಿದರೆ ದೊಡ್ಡ ಬೆಲೆ ತೆರಬೇಕಾಗುತ್ತದೆ.

ಇದಕ್ಕೆ ಪರಿಹಾರ ಬೇಕು ಎಂದರೆ ಸಂಗಾತಿಯ ಜೊತೆ ಹನುಮಂತನ ದೇವಸ್ಥಾನಕ್ಕೆ ಹೋಗಿ ಆರಾಧನೆ ಮಾಡಿ, ಸಾಕು ಪ್ರತಿದಿನ ಕನಿಷ್ಠ 2 ಬಾರಿಯಾದರೂ ಹನುಮಾನ ಚಾಲೀಸ್ ಪಠಣೆ ಮಾಡಬೇಕು. ಇದರಿಂದ ಕುಜನ ಕೆಟ್ಟ ಪರಿಣಾಮವನ್ನು ಕಡಿಮೆ ಮಾಡಬಹುದು.

ಇನ್ನು ಜೋಡಿ ಹಂಸ ಇರುವ ಫೋಟೋವನ್ನು ಸಹ ನಿಮಮ್ ಬೆಡ್​ ರೂಂನಲ್ಲಿ ಇಟ್ಟುಕೊಳ್ಳುವುದು ಶುಭ ಎನ್ನಲಾಗುತ್ತದೆ. ಇದರ ಜೊತೆಗೆ ತುಳಸಿಯನ್ನು ಸಹ ಪೂಜಿಸುವುದರಿಂದ ಕುಜ ದೋಷ ಕಡಿಮೆಯಾಗುತ್ತದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)