Red Tilak: ಈ ರಾಶಿಯವರು ಕೆಂಪು ತಿಲಕವನ್ನು ಹಚ್ಚಿಕೊಂಡ್ರೆ ಶನಿ ಕಾಟ ಗ್ಯಾರಂಟಿ

ನಾವು ಸಾಮಾನ್ಯವಾಗಿ ದೇವರ ಪೂಜೆ ಮಾಡಿದ ನಂತರ ತಿಲಕವನ್ನು ಇಟ್ಟುಕೊಳ್ಳುತ್ತೇವೆ. ಅದರಲ್ಲೂ ಶ್ರೀಗಂಧ, ಸಿಂಧೂರ, ಭಸ್ಮ ಹೀಗೆ ವಿವಿಧ ರೀತಿಯ ತಿಲಕವನ್ನು ಇಟ್ಟುಕೊಳ್ಳುವ ಅಭ್ಯಾಸವಿದೆ. ಈ ರೀತಿ ತಿಲಕ ಇಟ್ಟುಕೊಳ್ಳುವುದರಿಂದ ಮಾನಸಿಕ ಶಕ್ತಿ ಬಲವಾಗುತ್ತದೆ ಎನ್ನಲಾಗುತ್ತದೆ. ಆದರೆ ನಾವು ಹೆಚ್ಚಾಗಿ ನಮ್ಮ ಹಣೆಯ ಮೇಲೆ ಕೆಂಪು ಬಣ್ಣದ ತಿಲಕವನ್ನು ಹಚ್ಚಿಕೊಳ್ಳುತ್ತೇವೆ.

ಕೆಂಪು ಬಣ್ಣದ ತಿಲಕ ಹಚ್ಚುವುದು ಎಲ್ಲರಿಗೂ ಒಳ್ಳೆಯದಲ್ಲ ಎನ್ನಲಾಗುತ್ತದೆ. ಇದರಿಂದ ಸಮಸ್ಯೆಗಳು ಉಂಟಾಗಬಹುದು ಎನ್ನುವ ನಂಬಿಕೆ ಇದೆ. ಕೆಂಪು ಬಣ್ಣವನ್ನು ಮಂಗಳ ಗ್ರಹದ ಬಣ್ಣ ಎನ್ನಲಾಗುತ್ತದೆ. ಅಲ್ಲದೇ, ಇದು ಕೋಪದ ಸಂಕೇತ ಕೂಡ.

ಜ್ಯೋತಿಷ್ಯದ ಪ್ರಕಾರ ಮಂಗಳ ಗ್ರಹವನ್ನು ವೃಶ್ಚಿಕ ಮತ್ತು ಮೇಷ ರಾಶಿಯ ಅಧಿಪತಿ ಎಂದು ಪರಿಗಣಿಸಲಾಗುತ್ತದೆ, ಈ ಎರಡೂ ರಾಶಿಯ ಜನರು ಕೆಂಪು ಬಣ್ಣದ ತಿಲಕವನ್ನು ಹಚ್ಚುವುದರಿಂದ ಒಳ್ಳೆಯದಾಗುತ್ತದೆ ಎನ್ನುವ ನಂಬಿಕೆ ಇದೆ.

ಹಾಗೆಯೇ, ನಿಮ್ಮ ಜಾತಕದಲ್ಲಿ ಮಂಗಳ ನೀಚ ಸ್ಥಾನದಲ್ಲಿದ್ದರೆ, ನೀವು ಕೆಂಪು ಬಣ್ಣದಿಂದ ದೂರವಿರಬೇಕು. ಶನಿ ಮತ್ತು ಮಂಗಳ ಗ್ರಹದ ನಡುವೆ ಶತ್ರುತ್ವವಿದೆ. ಹಾಗಾಗಿ ಈ ಕಾರಣದಿಂದ ಮೇಷ ಹಾಗೂ ವೃಶ್ಚಿಕ ರಾಶಿಯವರು ಜಾತಕದಲ್ಲಿ ಮಂಗಳ ಹಾಗೂ ಶನಿಯ ಸ್ಥಾನ ನೋಡಿಕೊಳ್ಳಬೇಕು.

ಇನ್ನು ಶನಿಯು ಮಕರ ಮತ್ತು ಕುಂಭ ರಾಶಿಯವರಿಗೆ ಅಧಿಪತಿಯಾಗಿದ್ದು, ಈ ಎರಡು ರಾಶಿಗಳ ಜನರು ಕೆಂಪು ಬಣ್ಣದ ಬಟ್ಟೆಯಿಂದ ದೂರ ಇರಬೇಕು ಮಾತ್ರವಲ್ಲದೇ ಕೆಂಪು ತಿಲಕವನ್ನು ಸಹ ಇಟ್ಟುಕೊಳ್ಳಬಾರದು.

ಇನ್ನು ಸಾಡೇಸಾತಿ ಸಮಸ್ಯೆಯಿಂದ ಬಳಲುತ್ತಿದ್ದರೆ ಅಪ್ಪಿ-ತಪ್ಪಿಯೂ ಕೆಂಪು ತಿಲಕವನ್ನು ಧರಿಸಲೇಬಾರದು. ಇದರಿಂದ ಶನಿಗೆ ಹೆಚ್ಚು ಕೋಪ ಬರುತ್ತದೆ ಎನ್ನಲಾಗುತ್ತದೆ. ಅಲ್ಲದೇ, ಕೆಂಪು ಬಟ್ಟೆಯನ್ನು ಸಹ ಧರಿಸಬಾರದು.

ಅಲ್ಲದೇ ಯಾವ ರಾಶಿಯ ಜಾತಕದಲ್ಲಿ ಶನಿಯ ಸ್ಥಾನ ಬಲವಾಗಿರುತ್ತದೆಯೋ, ಆ ರಾಶಿಯ ಜನರು ಸಹ ಕೆಂಪು ಬಣ್ಣದಿಂದ ಸಹ ದೂರ ಇರುವುದು ಬಹಳ ಮುಖ್ಯವಾಗುತ್ತದೆ ಇಲ್ಲದಿದ್ದರೆ ಸಮಸ್ಯೆಗಳಿಗೆ ನಾವೇ ಆಹ್ವಾನ ಕೊಟ್ಟಂತೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)