Numerology: ನಿಮ್ಮ ಜನ್ಮದಿನಾಂಕದಲ್ಲಿ ಈ ಡೇಟ್‌ಗಳಿದ್ರೆ ನಿಮ್ಮ ಲೆಕ್ಕ ಪಕ್ಕಾ! ನೀವು ಬ್ಯುಸಿನೆಸ್‌ಮೆನ್ ಆಗೇ ಆಗ್ತೀರಿ!

ನೀವು ವ್ಯಾಪಾರದಲ್ಲಿ ಯಶಸ್ಸುಗಳಿಸಬೇಕು ಎಂದರೆ ಹಾಗೂ ವ್ಯವಹಾರದಲ್ಲಿ ಬೆಳವಣಿಗೆ ಆಗಬೇಕು ಎಂದರೆ ನಿಮ್ಮ ಜನ್ಮ ದಿನಾಂಕದಲ್ಲಿ ನೀವು ನೇರವಾಗಿ ಅಥವಾ ಪರೋಕ್ಷವಾಗಿ 1,5,6 ಮತ್ತು 8 ಸಂಖ್ಯೆಗಳನ್ನು ಹೊಂದಿರಬೇಕು.

ವ್ಯವಹಾರವನ್ನು ನಡೆಸಲು ವಿವಿಧ ರೀತಿಯ ಜನರೊಂದಿಗೆ ವ್ಯವಹರಿಸುವುದು ಬಹಳ ಮುಖ್ಯ, ಕೆಲಸವನ್ನು ಪೂರ್ಣಗೊಳಿಸಲು ಮುಖ್ಯವಾಗಿ ಮಾತನಾಡುವ ಕಲೆಯನ್ನು ಹೊಂದಿರಬೇಕು ಅದು ಸಂಖ್ಯೆ 1 ರಿಂದ ಬರುತ್ತದೆ.

ಸಂಖ್ಯೆ 1 ಅಭಿವ್ಯಕ್ತಿ ಮತ್ತು ಕಮ್ಯೂನಿಕೇಷನ್​ಗಾಗಿ ಇರುವ ನಂಬರ್ ಎಂದು ಹೇಳಲಾಗುತ್ತದೆ. ಇದು ಪರಿಣಾಮಕಾರಿಯಾಗಿ ಕಮ್ಯೂನಿಕೇಟ್ ಮಾಡುವ ಸಾಮರ್ಥ್ಯವನ್ನು ನೀಡುತ್ತದೆ. ಹಾಗಾಗಿ ನಿಮ್ಮ ಜನ್ಮ ದಿನಾಂಕದಲ್ಲಿ ಈ ಸಂಖ್ಯೆ ಇದ್ದರೆ ಅದೃಷ್ಟವಂತೆ.

ಸಂಖ್ಯೆ 5 ವ್ಯಕ್ತಿಗೆ ಪಾಸಿಟಿವ್ ವೈಬ್ ನೀಡುತ್ತದೆ, ಇದು ಜೀವನಕ್ಕೆ ಹೊಸ ದಿಕ್ಕನ್ನು ಮತ್ತು ಅದೃಷ್ಟವನ್ನು ನೀಡುತ್ತದೆ. ಯಾವುದೇ ವ್ಯಾಪಾರ ವ್ಯವಹಾರವನ್ನು ಯಶಸ್ವಿಯಾಗಿ ನಡೆಸಲು ಕಡ್ಡಾಯವಾಗಿರುವ ನಿಮ್ಮ ಅದೃಷ್ಟವನ್ನು ಬದಲಾಯಿಸುವಲ್ಲಿ ಸಂಖ್ಯೆ 5 ಮುಖ್ಯ ಪಾತ್ರವನ್ನು ವಹಿಸುತ್ತದೆ.

ವ್ಯಾಪಾರಕ್ಕೆ ಚಿಂತನೆ ಮಾಡುವ ಸಾಮರ್ಥ್ಯ ಮತ್ತು ಸ್ಥಿರತೆಯ ಅಗತ್ಯವಿರುತ್ತದೆ, ಜೊತೆಗೆ ಅಪಾಯವನ್ನು ಸರಿಯಾಗಿ ಎದುರಿಸುವ ಶಕ್ತಿಯನ್ನು ಸಹ ಈ ನಂಬರ್ ನೀಡುತ್ತದೆ. ಸಂಖ್ಯೆ 5 ನಿಮ್ಮನ್ನು ಆಕರ್ಷಕ ವ್ಯಕ್ತಿಯಾಗಿಸುತ್ತದೆ ಮತ್ತು ಜವಾಬ್ದಾರಿಯನ್ನು ನಿರ್ವಹಿಸಲು ಸಹಾಯ ಮಾಡುತ್ತದೆ.

6 ನೇ ಸಂಖ್ಯೆಯು ಅವಕಾಶಗಳ ಸಂಖ್ಯೆ ಎಂದು ಪ್ರಸಿದ್ಧಿ ಪಡೆದಿದೆ. ಒಬ್ಬ ವ್ಯಕ್ತಿಯು ಪ್ರತಿಭಾವಂತನಾಗಿದ್ದರೂ ಸಹ, ಅವಕಾಶದ ಕೊರತೆಯು ಯಶಸ್ಸಿಗೆ ಒಂದು ತಡೆಗೋಡೆ ಆಗುತ್ತದೆ. ಈ ಅವಕಾಶವನ್ನು ಸಂಖ್ಯೆ 6 ರಿಂದ ಒದಗಿಸುತ್ತದೆ. ಲಾಭ ಪಡೆಯಲು ಮತ್ತು ಯಶಸ್ಸು ಪಡೆಯಲು ಸಂಖ್ಯೆ 6 ಅತ್ಯಗತ್ಯ.

ಸಂಖ್ಯೆ 8 ಕಠಿಣ ಪರಿಶ್ರಮದ ಸಂಖ್ಯೆ ಎನ್ನಲಾಗುತ್ತದೆ. ಜ್ಞಾನ ಮತ್ತು ಅನುಭವದಿಂದ ವ್ಯಕ್ತಿಯು ಸಾಧನೆ ಮಾಡಲು ಸಾಧ್ಯ. ಅದಕ್ಕೆ ಪರಿಶ್ರಮ ಕೂಡ ಅಗತ್ಯ. ಈ ಸಂಖ್ಯೆ ಬೇರೆಯವರನ್ನು ಸುಲಭವಾಗಿ ನಂಬಲು ಬಿಡುವುದಿಲ್ಲ,  ಈ ನಂಬರ್ 8 ಅನಗತ್ಯ ಖರ್ಚು ಮಾಡಲು ಅವಕಾಶ ನೀಡುವುದಿಲ್ಲ ಮತ್ತು ಸುರಕ್ಷಿತ ಹೂಡಿಕೆಯನ್ನು ಮಾತ್ರ ಪ್ರೋತ್ಸಾಹಿಸುತ್ತದೆ.

ಲಕ್ಕಿ ಬಣ್ಣ: ಹಸಿರು ಮತ್ತು ಕಿತ್ತಳೆ, ಅದೃಷ್ಟ ಸಂಖ್ಯೆ 5. ಈ ಸಂಖ್ಯೆಯನ್ನು ಜನ್ಮ ದಿನಾಂಕದಲ್ಲಿ ಹೊಂದಿರುವವರು ದಯವಿಟ್ಟು ಜಾನುವಾರುಗಳಿಗೆ ಹಾಲು ದಾನ ಮಾಡಿ. ಅಲ್ಲದೇ, ಕಛೇರಿಯ ಮೇಜಿನ ಮೇಲೆ ಸ್ಫಟಿಕ ಕಮಲವನ್ನು ಇಟ್ಟುಕೊಳ್ಳಿ.