Numerology: ಈ ಸಂಖ್ಯೆಯವರಿಗೆ ದೇಶ ರಕ್ಷಣೆ ಮಾಡುವ ಅವಕಾಶ ಸಿಗಲಿದೆ, ನ್ಯೂಮರಾಲಜಿ ಈ ಬಗ್ಗೆ ಏನ್ ಹೇಳುತ್ತೆ?

ನಿಮಗೆ ರಕ್ಷಣಾ ಕ್ಷೇತ್ರದಲ್ಲಿಕೆಲಸ ಮಾಡಲು ಆಸಕ್ತಿ ಇದ್ದರೆ, ಸಂಖ್ಯಾಶಾಸ್ತ್ರದ ಪರಿಣಿತರ ಪ್ರಕಾರ ನಿಮ್ಮ ಜನ್ಮ ದಿನಾಂಕದಲ್ಲಿ ನೀವು ನೇರವಾಗಿ ಅಥವಾ ಪರೋಕ್ಷವಾಗಿ 4,2,6 ಮತ್ತು 7 ಸಂಖ್ಯೆಗಳನ್ನು ಹೊಂದಿರಬೇಕು. ಆಗ ಮಾತ್ರ ನಿಮ್ಮ ಕನಸು ನನಸಾಗಲು ಸಾಧ್ಯವಂತೆ.

ಸಂಖ್ಯೆ 4 ಬಹಳ ಶಿಸ್ತಿನ ಸಂಖ್ಯೆ ಎಂದು ಹೇಳಲಾಗುತ್ತದೆ, ಅದು ನಿಮ್ಮ ಯೋಜನೆಗಳನ್ನು ನನಸಾಗಿಸಲು ಸಹಾಯ ಮಾಡುತ್ತದೆ ಮತ್ತು ಕಷ್ಟಪಟ್ಟು ಕೆಲಸ ಮಾಡುವುದರ ಸಂಕೇತ ಸಹ ಆಗಿದೆ ಎನ್ನುತ್ತಾರೆ ತಜ್ಞರು. ಕಾನೂನು ಮತ್ತು ಸುವ್ಯವಸ್ಥೆಯನ್ನು ಕಾಪಾಡಲು ಮತ್ತು ನಿಯಮಗಳನ್ನು ಉಲ್ಲಂಘಿಸದಿರಲು ಈ ನಾಲ್ಕನೇ ಸಂಖ್ಯೆ ಬಹಳ ಮುಖ್ಯವಂತೆ.

ಮೊದಲೇ ಹೇಳಿದಂತೆ ಈ ನಂಬರ್ ಹೊಂದಿರುವ ಜನರು ಬಹಳ ಶಿಸ್ತಿನ ಜೀವನ ನಡೆಸುವುದರಿಂದ ರಕ್ಷಣಾ ಕ್ಷೇತ್ರದಲ್ಲಿ ಕಾರ್ಯನಿರ್ವಹಿಸಲು ಅವರು ಸೂಕ್ತ ಎನ್ನಬಹುದು. ಹಾಗಾಗಿ ಜನ್ಮ ದಿನಾಂಕದಲ್ಲಿ 4ನೇ ನಂಬರ್  ಹೊಂದಿರುವ ಜನರಿಗೆ ಈ ಕ್ಷೇತ್ರ ಸೂಟ್​ ಆಗುತ್ತದೆ.

ಸಂಖ್ಯೆ 2 ನಿಮ್ಮ ಜನ್ಮ ದಿನಾಂಕದಲ್ಲಿ ಇದ್ದರೆ ಯಾವುದೇ ರೀತಿಯ ಸಂದರ್ಭಗಳನ್ನು ಹಾಗೂ ಕಷ್ಟಗಳನ್ನು ಎದುರಿಸಲು ತಾಳ್ಮೆಯನ್ನು ನೀಡುತ್ತದೆ ಎನ್ನುತ್ತದೆ ಈ ಸಂಖ್ಯಾಶಾಸ್ತ್ರ. ಈ ನಂಬರ್ ಹೊಂದಿರುವ ವ್ಯಕ್ತಿಯು ಬಹಳ ಸಕ್ರಿಯ ಜೀವನಶೈಲಿಯನ್ನು ಹೊಂದಿರುತ್ತಾರೆ.

ಈ ನಂಬರ್ ಹೊಂದಿರುವ ಜನರು ಉದ್ವಿಗ್ನ ಪರಿಸ್ಥಿತಿಯಲ್ಲಿ ಯೋಜನೆ, ತಂತ್ರ ಮತ್ತು ತಕ್ಷಣ ಪ್ರತಿಕ್ರಿಯೆ ನೀಡುವ ಮೂಲಕ ಪರಿಸ್ಥಿತಿಯನ್ನು ನಿಯಂತ್ರಣ ಮಾಡುವುದಕ್ಕೆ ಸಾಧ್ಯವಾಗುತ್ತದೆ. ಅಲ್ಲದೇ, ಗುಂಪಾಗಿ ಕೆಲಸ ಮಾಡುವಾಗ ಜೊತೆಗಾರರ ಜೊತೆ ಒಳ್ಳೆಯ ಸಂಬಂಧ ಬೆಳೆಸುವ ವ್ಯಕ್ತಿತ್ವ ಈ ಸಂಖ್ಯೆಯವರದ್ದು.

ಜನ್ಮ ದಿನಾಂಕದಲ್ಲಿ ಸಂಖ್ಯೆ 6 ಅನ್ನು ಹೊಂದಿರುವ ಜನರು ಬಹಳ ದೃಢ ವ್ಯಕ್ತಿತ್ವವನ್ನು ಹೊಂದಿರುತ್ತಾರೆ. ಈ ಸಂಖ್ಯೆ 6 ಬಹಳ ಮುಖ್ಯವಾದ ಸಂಖ್ಯೆ. ದೃಢಸಂಕಲ್ಪದಿಂದ ಮಾತ್ರ ಕಷ್ಟಕರವಾದ ಯುದ್ಧಗಳನ್ನು ಗೆಲ್ಲಲು ಸಾಧ್ಯ ಎಂಬುದನ್ನ ಈ ಸಂಖ್ಯೆಯವರು ಸಾಬೀತು ಮಾಡುತ್ತಾರೆ.

ನಿಮ್ಮ ಜನ್ಮ ದಿನಾಂಕದಲ್ಲಿ ಸಂಖ್ಯೆ 7 ಅನ್ನು ಹೊಂದಿದ್ದರೆ ದೇಶದೊಳಗೆ ಮಾತ್ರವಲ್ಲದೆ ದೇಶದ ಹೊರಗೂ ಯಶಸ್ಸನ್ನು ಸಿಗುತ್ತದೆ. ಇದು ರಕ್ಷಣಾ ಕ್ಷೇತ್ರದಲ್ಲಿ ಇರುವ ವ್ಯಕ್ತಿಯ ಜೀವನದ ಅವಿಭಾಜ್ಯ ಅಂಗವಾಗಿರುವ ಸ್ಥಳಕ್ಕೆ ವರ್ಗಾವಣೆ ಅಥವಾ ಪ್ರಯಾಣದಲ್ಲಿ ಬದಲಾವಣೆಯನ್ನು ನೀಡುವ ಸಂಖ್ಯೆ ಎನ್ನಲಾಗುತ್ತದೆ.

ಇನ್ನು ನಿಮ್ಮ ಜನ್ಮದಿನಾಂಕದಲ್ಲಿ ಈ ಸಂಖ್ಯೆಗಳಿಲ್ಲದಿದ್ದರೆ ನಿಮ್ಮ ಮೊಬೈಲ್ ಸಂಖ್ಯೆಯ ಅನುಸಾರ ಈ ಸಂಖ್ಯೆಗಳನ್ನು ನೀವು ಅಳವಡಿಸಿಕೊಳ್ಳಬೇಕು ಇದರಿಂದ ನೀವು ಉತ್ತಮ ಶಕ್ತಿಯನ್ನು ಪಡೆದುಕೊಳ್ಳುತ್ತೀರಿ ಮತ್ತು ನಿಮ್ಮ ವೃತ್ತಿಜೀವನದಲ್ಲಿ ಯಶಸ್ವಿಯಾಗುವುದು ಖಚಿತ.

ಇನ್ನು ಈ ಸಂಖ್ಯೆಯವರಿಗೆ ಅದೃಷ್ಟದ ಬಣ್ಣ ಹಸಿರಾಗಿದ್ದು, ದನಗಳಿಗೆ ಹಾಲು ಮತ್ತು ಹಸಿರು ಹುಲ್ಲನ್ನು ದಾನ ಮಾಡಿ. ಅಲ್ಲದೇ ಜೊತೆಗೆ ಸೂರ್ಯನಿಗೆ ನೀರನ್ನು ಅರ್ಪಿಸುವುದು ಉತ್ತಮ.