ಕಂಗ್ರಾ ಜಿಲ್ಲೆಯ ಡೆಹ್ರಾದ ವಂಖಂಡಿಯಲ್ಲಿ ಸಿದ್ಧ ಪೀಠವು ಭೂಮಿಯ ಮೇಲಿನ ತಾಯಿ ಬಾಗ್ಲಾಮುಖಿಯ ಏಕೈಕ ಸಿದ್ಧ ಪೀಠವಾಗಿದೆ. ಅತ್ಯಂತ ಶಕ್ತಿ ಪೀಠವಾಗಿರುವ ಈ ದೇಗುಲಕ್ಕೆ ಅನೇಕ ರಾಜಕಾರಣಿ, ಸಿನಿಮಾ ನಟರು ಕೂಡ ಹರಕೆ ಹೊರುತ್ತಾರೆ. ಈ ದೇವಿಗೆ ನಮಿಸಿದರೆ, ರಾಜಯೋಗ, ಶತ್ರುನಾಶ, ಶತ್ರುಭಯ, ಪ್ರಯೋಗ ಜಯ, ಸಕಲ ಸಿದ್ಧಿಸಿಗುತ್ತದೆ ಎಂಬ ನಂಬಿಕೆ ಇದೆ.
2/ 7
ಹಿಮಾಚಲ ಪ್ರದೇಶದ ಕಾಂಗ್ರಾ ಜಿಲ್ಲೆಯ ಡೆಹ್ರಾದಲ್ಲಿ ಎತ್ತರದ ಪರ್ವತಗಳ ಮೇಲೆ ನೆಲೆಸಿರುವ ಈ ತಾಯಿ ಶತ್ರುನಾಶಿನಿ ದೇವಿ ಮಾ ಬಗ್ಲಾಮುಖಿ ಎಂದೇ ಪ್ರಸಿದ್ದಿ ಪಡೆದಿದ್ದಾರೆ. ಕೋವಿಡ್ ಹಿನ್ನಲೆ ಎರಡು ವರ್ಷಗಳ ಬಳಿಕ ದೇಗುಲದ ಬಾಗಿಲು ತೆಗೆದಿದ್ದು, ಭಕ್ತಸಾಗರವೇ ಹರಿದು ಬಂದಿದೆ.
3/ 7
1977ರ ಚುನಾವಣೆಯ ಸೋಲಿನ ನಂತರ ಮಾಜಿ ಪ್ರಧಾನಿ ಶ್ರೀಮತಿ ಇಂದಿರಾಗಾಂಧಿ ಅವರು ರಾಜ್ಯದ ಈ ಪುರಾತನ ದೇವಾಲಯದ ಮೊರೆ ಹೋಗಿದ್ದರು. ನಂತರ ಅವರು ಮತ್ತೆ ಅಧಿಕಾರಕ್ಕೆ ಬಂದು, 1980 ರಲ್ಲಿ ದೇಶದ ಪ್ರಧಾನಿಯಾದರು.
4/ 7
ಎರಡು ವರ್ಷಗಳ ಬಳಿಕ ತೆರೆದ ದೇಗುಲದಲ್ಲಿ ಮಹಂತ್ ರಜತ್ ಗಿರಿ ಮತ್ತು ಪುರೋಹಿತರು ದೇವಾಲಯದ ದೈವಿಕ ಹವನ್ ಕುಂಡ್‌ನಲ್ಲಿ ಕರೋನಾ ಸಾಂಕ್ರಾಮಿಕದ ಅಂತ್ಯಕ್ಕಾಗಿ ತಾಂತ್ರಿಕ ಆಚರಣೆಗಳನ್ನು ನಡೆಸಿದರು. ದೇವಸ್ಥಾನದಲ್ಲಿ ಪಂಡಿತ್ ಸಚಿನ್ ಶರ್ಮಾ ಮತ್ತು ಜೀವನ್ ಶರ್ಮಾ ಅವರಿಂದ ಆರತಿ ನಡೆಸಿದರು. .
5/ 7
ಪುರಾಣಗಳ ಪ್ರಕಾರ, ಸತ್ಯಯುಗದ ಬ್ರಹ್ಮಾಂಡ ಅಪಾಯದಲ್ಲಿದೆ ಎಂದು ಅರಿತುವಿಷ್ಣುವು ಗುಜರಾತ್ನ ಹರಿದರ್ ಸರೋವರದಲ್ಲಿ ಭಗವತಿಯನ್ನು ಮೆಚ್ಚಿಸಲು ತಪಸ್ಸು ಮಾಡಿದನು, ತಾಯಿ ಭಗವತಿ ಆ ಸರೋವರದಿಂದ ವಿಷ್ಣುವಿಗೆ ಕಾಣಿಸಿಕೊಂಡಳು.
6/ 7
ನಂಬಿಕೆಗಳ ಪ್ರಕಾರ, ದೇವಿಯು ತ್ರಿನೇತ್ರ, ಅವಳ ಹಣೆಯ ಮೇಲೆ ಅರ್ಧಚಂದ್ರನನ್ನು ಧರಿಸಿದ್ದಾಳೆ. ದೇವಿ ಹಳದಿ ಮೈಬಣ್ಣವನ್ನು ಹೊಂದಿದ್ದು, ಆಕೆ ಅರಿಶಿಣ ಪ್ರಿಯೆ ಆಗಿದ್ದಾಳೆ
7/ 7
ಅಲೌಕಿಕ ಸೌಂದರ್ಯದಿಂದಾಗಿ ಈಕೆ ಬಗ್ಲಾಮುಖಿ ಎಂಬ ಹೆಸರು ಬಂದಿದೆ. ಶತ್ರುಗಳ ನಾಶ, ಯಶಸ್ಸು ಹಾಗೂ ಇಷ್ಟಾರ್ಥ ಸಾಧನೆಗಾಗಿ ಮಾತಾ ಬಗ್ಲಾಮುಖಿಯನ್ನು ಪೂಜಿಸಲಾಗುತ್ತದೆ ಎನ್ನುತ್ತಾರೆ. ಮಹಾಭಾರತ ಯುದ್ಧದ ಮೊದಲು ದ್ವಾಪರ ಯುಗದಲ್ಲಿ ಶ್ರೀ ಕೃಷ್ಣ ಮತ್ತು ಅರ್ಜುನರಿಂದ ತಾಯಿ ಬಗ್ಲಾಮುಖಿಯನ್ನು ಪೂಜಿಸಿದರು ಎಂಬ ನಂಬಿಕೆ ಇದೆ.
