Shani: ಈ ರಾಶಿಯವರು ಶನಿವಾರ ದಾನ-ಧರ್ಮ ಮಾಡ್ಲೇಬಾರದು, ಸಮಸ್ಯೆ ಕಟ್ಟಿಟ್ಟ ಬುತ್ತಿ

ಪ್ರತಿಯೊಬ್ಬ ವ್ಯಕ್ತಿಯ ಜೀವನದಲ್ಲಿ ಶನಿಯ ಪಾತ್ರವು ಬಹಳ ಮುಖ್ಯವಾಗಿದೆ. ಶನಿಯನ್ನು ಕರ್ಮ ಮತ್ತು ನ್ಯಾಯದ ದೇವತೆ ಎಂದು ಪರಿಗಣಿಸಲಾಗುತ್ತದೆ. ದೇವತೆಯಾಗಲಿ ಅಥವಾ ಸಾಮಾನ್ಯ ವ್ಯಕ್ತಿಯಾಗಲಿ ಎಲ್ಲರೂ ಶನಿಯ ಕೋಪಕ್ಕೆ ಗುರಿಯಾಗಬೇಕಾಗುತ್ತದೆ. ಪರಿಸ್ಥಿತಿ ಹದಗೆಟ್ಟರೆ ಶನಿದೇವನ ಕಣ್ಣಿಗೆ ಬೀಳದ ಮನುಷ್ಯರೇ ಇಲ್ಲ. ಕರ್ಮಫಲಗಳನ್ನು ಕೊಡುವವನಾದ ಶನಿದೇವನು ಶುಭಕಾರ್ಯ ಮಾಡುವವರಿಗೆ ಶುಭಫಲವನ್ನೂ, ಅಶುಭಕಾರ್ಯ ಮಾಡಿದವರಿಗೆ ಅಶುಭವನ್ನೂ ಕೊಡುತ್ತಾನೆ.

ಶನಿ ದೆಸೆಯೇ ಆಗಿರಲಿ ಅಥವಾ ಸಾಡೇಸತಿಯೇ ಆಗಿರಲಿ, ಮನುಷ್ಯನಿಗೆ ಎರಡೂ ಅವಧಿಗಳಲ್ಲಿ ಹೆಚ್ಚು ಸಮಸ್ಯೆಗಳಿರುತ್ತವೆ. ಶನಿ ದೋಷ ನಿವಾರಣೆಗೆ ಪೂಜೆ, ದಾನ ಹೆಚ್ಚು ಮಾಡಬೇಕು. ಆದರೆ ಶನಿವಾರದಂದು ಯಾರು ದಾನ ಮಾಡಬಾರದು ಮತ್ತು ಯಾರು ಏನು ದಾನ ಮಾಡಬೇಕು ಎಂಬುದರ ಬಗ್ಗೆ ಕೆಲ ಮಾಹಿತಿ ಇಲ್ಲಿದೆ.

ಶನಿ ದಶಾ ಎರಡೂವರೆ ವರ್ಷ, ಶನಿ ಸಾಡೇಸತಿ ಏಳೂವರೆ ವರ್ಷ, ಶನಿ ಮಹಾದಶಾ 19 ವರ್ಷ. ಶನಿಯು ಎಲ್ಲಾ ಗ್ರಹಗಳಿಗೆ ಹೋಲಿಸಿದರೆ ನಿಧಾನವಾಗಿ ಚಲಿಸುವ ಗ್ರಹವಾಗಿದೆ. ಶನಿಯ ಕೋಪವನ್ನು ಕಡಿಮೆ ಮಾಡಲು ಶನಿವಾರದಂದು ಶನಿಗೆ ಸಂಬಂಧಿಸಿದ ವಸ್ತುಗಳನ್ನು ದಾನ ಮಾಡಬೇಕು ಎಂದು ಜ್ಯೋತಿಷಿಗಳು ಹೇಳುತ್ತಾರೆ. ಆದರೆ ಶನಿವಾರದಂದು ಶನಿ ದೋಷ ಇರುವವರು ಮಾತ್ರ ಶನಿಗೆ ಸಂಬಂಧಿಸಿದ ವಸ್ತುಗಳನ್ನು ದಾನ ಮಾಡಬೇಕು.

ಯಾರಿಗೆ ಮತ್ತು ಹೇಗೆ ದಾನ ಮಾಡಬೇಕು? ಶನಿಯ ಪ್ರಭಾವವನ್ನು ಕಡಿಮೆ ಮಾಡಲು ನಿಮ್ಮ ಸಾಮರ್ಥ್ಯಕ್ಕೆ ಅನುಗುಣವಾಗಿ ಅಗತ್ಯವಿರುವವರಿಗೆ ದಾನ ಮಾಡಿ. ಅಸಹಾಯಕರಿಗೆ ಸಹಾಯ ಮಾಡುವ ಮೂಲಕ ಶನಿಯ ಕೋಪ ಕಡಿಮೆ ಮಾಡಬಹುದು. ಶನಿಯ ಪ್ರಭಾವವನ್ನು ಕಡಿಮೆ ಮಾಡಲು ನೀವು ದಾನ ಮಾಡುತ್ತಿದ್ದರೆ, ಸೂರ್ಯಾಸ್ತದ ನಂತರ ದಾನ ಮಾಡಬೇಕು.

ಜ್ಯೋತಿಷ್ಯದ ಪ್ರಕಾರ, ವೃಷಭ, ಕನ್ಯಾ, ತುಲಾ ಮತ್ತು ಮಕರ ರಾಶಿಯವರು ಶನಿವಾರದಂದು ಯಾವುದೇ ದಾನ ಮಾಡಬಾರದು. ಹಾಗೆಯೇ, ಶನಿ ಜಾತಕದಲ್ಲಿ ಚೆನ್ನಾಗಿದ್ದರೆ ಶನಿವಾರದಂದು ದಾನ ಮಾಡಬಾರದು. ನೀವು ಶನಿವಾರದಂದು ದಾನ ಮಾಡುವಾಗ, ನಿಮ್ಮ ಮನಸ್ಸಿನಲ್ಲಿ ಯಾವುದೇ ತಪ್ಪು ಆಲೋಚನೆಗಳನ್ನು ಮಾಡುವುದು ಅಥವಾ ನೀವು ಮಾಡುವ ದಾನದ ಬಗ್ಗೆ ಹೆಮ್ಮೆ ಪಡಬಾರದು.

ಏನು ದಾನ ಮಾಡಬೇಕು? ಶನಿವಾರದಂದು ಶನಿಗೆ ಸಂಬಂಧಿಸಿದ ವಸ್ತುಗಳನ್ನು ದಾನ ಮಾಡುವುದು ತುಂಬಾ ಮಂಗಳಕರ. ನೀವು ಆರ್ಥಿಕವಾಗಿ ಕಷ್ಟದಲ್ಲಿದ್ದರೆ ಬಡವರಿಗೆ ಕಪ್ಪು ಬಟ್ಟೆಯನ್ನು ದಾನ ಮಾಡುವುದು ಉತ್ತಮ ಎನ್ನಲಾಗುತ್ತದೆ. ಕಾಳು ಮತ್ತು ಬೇಳೆಯನ್ನು ದಾನ ಮಾಡಬಹುದು. ನಿಮಗೆ ಕೆಲಸವಿಲ್ಲದಿದ್ದರೆ, ನಿಮ್ಮ ಕೆಲಸದಲ್ಲಿ ತೊಂದರೆಗಳಿದ್ದರೆ, ಶನಿವಾರದಂದು ಕಬ್ಬಿಣವನ್ನು ದಾನ ಮಾಡಿ.

ಹಾಗೆಯೇ ಈ ದಿನ ಶನಿಗೆ ಸಂಬಂಧಿಸಿದ ಕೆಲವು ವಸ್ತುಗಳನ್ನು ಖರೀದಿಸಬಾರದು ಎಂದು ಹೇಳಲಾಗುತ್ತದೆ. ಕಪ್ಪು ಸಾಸಿವೆ, ಕಪ್ಪು ಎಳ್ಳು, ಯಾವುದೇ ಎಣ್ಣೆ, ಕಬ್ಬಿಣದ ವಸ್ತುಗಳು, ಉಪ್ಪು, ಕಪ್ಪು ಚಪ್ಪಲಿಗಳನ್ನು ಖರೀದಿಸಬೇಡಿ. ಈ ವಸ್ತುಗಳನ್ನು ಶನಿವಾರ ದಾನ ಮಾಡಬಾರದು ಕೂಡ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)