Vastu Tips: ಶನಿ ದೋಷ ನಿವಾರಣೆಗೆ ಮನೆಯಲ್ಲಿ ಇರಿಸಿ ನವಿಲು ಗರಿ

ಅತ್ಯಂತ ಸುಂದರವಾದ ಪಕ್ಷಿಗಳಲ್ಲಿ ನವಿಲು ಒಂದು. ನವಿಲಿನ ಗರಿಯನ್ನು ಪುಸ್ತಕದಲ್ಲಿಡುವುದು, ಮನೆಯಲ್ಲಿಡುವುದು ಸಾಮಾನ್ಯ. ಇದರ ಹಿಂದೆ ಇರುವ ಲಾಭದ ಉದ್ದೇಶ ಜೊತೆಗೆ ಧಾರ್ಮಿಕ ನಂಬಿಕೆಗಳು ಅನೇಕರಿಗೆ ತಿಳಿದಿರುವುದಿಲ್ಲ. 

ಸುಬ್ರಹ್ಮಣ್ಯ ದೇವರ ವಾಹನವಾಗಿರುವ ನವಿಲಿನ ಗರಿಗಳನ್ನು ಸುಬ್ರಹ್ಮಣ್ಯನರ ಆಶೀರ್ವಾದ ಪಡೆಯಲು ಮನೆಯಲ್ಲಿ ಇಡಲಾಗುತ್ತದೆ ಎಂದು ಹೇಳಲಾಗುತ್ತದೆ. ನವಿಲು ಗರಿಗಳಿಂದ ಪೂಜಿಸುವುದು ಸುಬ್ರಹ್ಮಣ್ಯ ದೇವರನ್ನು ಪೂಜಿಸುವುದಕ್ಕೆ ಸಮಾನವಾಗಿದೆ. ಹಾಗಾಗಿ ಮನೆಯಲ್ಲಿ ನವಿಲು ಗರಿಗಳನ್ನು ಧಾರಾಳವಾಗಿ ಇಟ್ಟುಕೊಳ್ಳಬಹುದು. ಹಾಗಾಗಿ ಒಳ್ಳೆಯದೇ ಆಗುವುದು ಬಿಟ್ಟರೆ ಕೆಟ್ಟದ್ದೇನೂ ಆಗುವುದಿಲ್ಲ. ವಿಶೇಷವಾಗಿ ಪ್ರಾರ್ಥನಾ ಕೋಣೆಯಲ್ಲಿ ದೇವರ ಚಿತ್ರದ ಪಕ್ಕದಲ್ಲಿ ನವಿಲು ಗರಿಯನ್ನು ಇಟ್ಟು ಪೂಜಿಸಬಹುದು.

ಶನಿ ದೋಷದಿಂದ ಮುಕ್ತಿ ಪಡೆಯಲು: ಮೂರು ನವಿಲು ಗರಿಗಳನ್ನು ಕಪ್ಪು ಹಗ್ಗದಿಂದ ಕಟ್ಟಿ ಅದರಲ್ಲಿ ಸ್ವಲ್ಪ ನೀರು ಹಾಕಿ ನೀರು ಸಿಂಪಡಿಸಿ ‘ಓಂ ಶನೀಶ್ವರಾಯ ನಮಃ’ ಎಂದು 21 ಬಾರಿ ಉಚ್ಛರಿಸಿ. ಹೀಗೆ ಮಾಡುವುದರಿಂದ ಶನಿಯ ಅನಿಷ್ಟ ದೂರವಾಗುತ್ತದೆ.

ಸಂಪತ್ತು ಅಭಿವೃದ್ಧಿಗೆ: ಆಭರಣ ಮತ್ತು ಹಣವನ್ನು ಇಡುವ ಕಪಾಟಿನಲ್ಲಿ ನವಿಲು ಗರಿಯನ್ನು ಇರಿಸಿ. ಇದು ಗೆ ಹೆಚ್ಚಿನ ಸಂಪತ್ತನ್ನು ಹೆಚ್ಚಿಸುವುದರ ಜೊತೆಗೆ ಸಂಪತ್ತು ದೀರ್ಘ ಕಾಲ ಉಳಿಯುತ್ತದೆ. ನವಿಲು ಗರಿಯನ್ನು ಮನೆಯ ಮುಂದೆ ಇಡುವುದರಿಂದ ನಕಾರಾತ್ಮಕ ಶಕ್ತಿಗಳು ದೂರವಾಗುತ್ತವೆ..

ಮನೆಯ ವಾಸ್ತು ದೋಷ: ಮನೆಯ ವಾಸ್ತು ದೋಷವನ್ನು ಹೋಗಲಾಡಿಸಲು ಎಂಟು ನವಿಲು ಗರಿಗಳನ್ನು ಒಟ್ಟಿಗೆ ಬಿಳಿ ಹಗ್ಗದಿಂದ ಕಟ್ಟಿ ಪ್ರಾರ್ಥನಾ ಮಂದಿರದಲ್ಲಿಡಬೇಕು. ಇದರ ಮುಂದೆ ‘ಓಂ ಸೋಮಾಯ ನಮಃ’ ಎಂಬ ಮಂತ್ರವನ್ನು ಜಪಿಸಬೇಕು.

ಕಚೇರಿಯಲ್ಲಿ ಕುಳಿತುಕೊಳ್ಳುವ ಸ್ಥಳದಲ್ಲಿ ನವಿಲು ಗರಿಗಳನ್ನು ಇಡುವುದರಿಂದ ವ್ಯಕ್ತಿಯ ಕೆಲಸದಲ್ಲಿ ಅಭಿವೃದ್ಧಿ ಸಾಧಿಸಿ, ಜಯಗಳಿಸಬಹುದಾಗಿದೆ. ಜೊತೆಗೆ ಉದ್ಯೋಗ ಸಂಬಂಧ ತೊಡಕುಗಳು ನಿವಾರಣೆ ಆಗಲಿದೆ.

ದಾಂಪತ್ಯ ಸಮಸ್ಯೆ ದೂರ: ದಂಪತಿಗಳು ತಮ್ಮ ಕೋಣೆಯಲ್ಲಿ ನವಿಲು ಗರಿಗಳನ್ನು ಇಡುವುದರಿಂದ ಅವರ ಮಧ್ಯೆ ಇರಬಹುದಾದ ಸಮಸ್ಯೆಗಳನ್ನು ನಿವಾರಿಸಬಹುದು. ಜೊತೆಗೆ ಇಬ್ಬರ ನಡುವೆ ಪರಸ್ಪರ ಮತ್ತು ತಿಳುವಳಿಕೆ ಹೆಚ್ಚಲಿದೆ.