Vastu Tips: ಹೊಸವರ್ಷಕ್ಕೆ ಈ ಸಿಂಪಲ್ ವಾಸ್ತು ಟಿಪ್ಸ್ ಫಾಲೋ ಮಾಡಿದ್ರೆ ಹಣದ ಸಮಸ್ಯೆ ಕಾಡಲ್ಲ

ವಾಸ್ತು ಸಮಸ್ಯೆಗಳ ಕಾರಣದಿಂದ ನಾವು ಜೀವನದಲ್ಲಿ ವಿವಿಧ ರೀತಿಯ ತೊಂದರೆಯನ್ನು ಅನುಭವಿಸುತ್ತೇವೆ. ಆರ್ಥಿಕವಾಗಿ ಹಾಗೂ ಆರೋಗ್ಯದ ವಿಚಾರವಾಗಿ ಸಹ ನಿಮಗೆ ಈ ಸಮಯದಲ್ಲಿ ಸಮಸ್ಯೆಗಳು ಉಂಟಾಗುತ್ತದೆ. ಈ ಸಮಸ್ಯೆಗಳಿಗೆ ಪರಿಹಾರ ಪಡೆಯುವುದು ಬಹಳ ಮುಖ್ಯ.

ಹೊಸವರ್ಷಕ್ಕೆ ಕೇವಲ ಒಂದು ದಿನ ಬಾಕಿ, ಈ ಸಮಯದಲ್ಲಿ ನಮ್ಮ ಜೀವನದಲ್ಲಿ ಹೊಸತನವನ್ನು ನಾವು ಬಯಸುತ್ತೇವೆ. ಅದಕ್ಕೆ ನಾವು ನವಿಲುಗರಿಯನ್ನು ಬಳಸಿ ವಾಸ್ತು ಸಮಸ್ಯೆಗೆ ಪರಿಹಾರ ಪಡೆಯಬಹುದು. ಇದರಿಂದ ಆರ್ಥಿಕವಾಗಿ ಸದೃಢರಾಗಲು ಸಹಾಯವಾಗುತ್ತದೆ.

ಈ ನವಿಲು ಗರಿಯನ್ನು ಭಗವಾನ್ ಶ್ರೀಕೃಷ್ಣನ ಆಭರಣ ಎಂದು ಪರಿಗಣಿಸಲಾಗಿದೆ. ಇದನ್ನು ಮನೆಯಲ್ಲಿ ಇಟ್ಟುಕೊಳ್ಳುವುದರಿಂದ ಹಲವಾರು ಲಾಭಗಳಿದೆ ಎನ್ನಲಾಗುತ್ತದೆ. ಅಲ್ಲದೇ, ಈ ನವಿಲು ಗರಿ ಇಲ್ಲದೇ ಕೃಷ್ಣನ ಅಲಂಕಾರ ಪೂರ್ಣವಾಗುವುದಿಲ್ಲ ಎಂದು ಸಹ ಹೇಳಲಾಗುತ್ತದೆ. ಅಷ್ಟರ ಮಟ್ಟಿಗೆ ಅಗತ್ಯ ಈ ನವಿಲು ಗರಿ

ಇಷ್ಟೇ ಅಲ್ಲದೇ, ಈ ನವಿಲು ಗರಿಯು ಲಕ್ಷ್ಮೀ, ಸರಸ್ವತಿ, ಇಂದ್ರ ಹಾಗೂ ಕಾರ್ತಿಕೇಯನಿಗೆ ಸಹ ಬಹಳ ಇಷ್ಟವಾದ ವಸ್ತು ಎನ್ನಲಾಗುತ್ತದೆ. ಈ ದೇವರಿಗೆ ನವಿಲು ಗರಿಯನ್ನು ಅರ್ಪಿಸುವುದರಿಂದ ಜೀವನದ ತೊಡಕುಗಳು ನಿವಾರಣೆಯಾಗುತ್ತದೆ ಎನ್ನುವ ನಂಬಿಕೆ ಇದೆ.

ವಾಸ್ತು ಶಾಸ್ತ್ರದ ಪ್ರಕಾರ ಮನೆಯಲ್ಲಿ ನವಿಲು ಗರಿ ಇದ್ದರೆ ಬಹಳ ಒಳ್ಳೆಯದು, ಆದರೆ ಅದನ್ನು ಇಡುವ ದಿಕ್ಕು ಸಹ ಮುಖ್ಯವಾಗುತ್ತದೆ. ನೀವು ಈ ನವಿಲು ಗರಿಯನ್ನು ಮನೆಯ ಆಗ್ನೇಯ ದಿಕ್ಕಿನಲ್ಲಿ ಇಟ್ಟರೆ ಆರ್ಥಿಕ ಸಮಸ್ಯೆಗಳು ದೂರವಾಗುತ್ತದೆ ಎನ್ನಲಾಗುತ್ತದೆ.

ಅಲ್ಲದೇ, ನವಿಲು ಗರಿಯನ್ನು ಈ ದಿಕ್ಕಿನಲ್ಲಿ ಇಡುವುದರಿಂದ ಮನೆಯ ಸದಸ್ಯರ ನಡುವೆ ಇದ್ದ ವೈಮನಸ್ಸು ದೂರವಾಗಿ ವ್ಯಾಪಾರ ಹಾಗೂ ವ್ಯವಹಾರದಲ್ಲಿ ಲಾಭ ಸಿಗುತ್ತದೆ. ಇಷ್ಟೇ ಅಲ್ಲದೇ ನೆಗೆಟಿವ್ ಎನರ್ಜಿ ಹರಡದಂತೆ ತಡೆಯುತ್ತದೆ.

ನವಿಲು ಗರಿಯಲ್ಲಿ 9 ಗ್ರಹಗಳು ವಾಸಿಸುತ್ತದೆ ಎನ್ನುವ ನಂಬಿಕೆ ಇದೆ ಹಾಗಾಗಿ ನಿಮಗೆ ಆರೋಗ್ಯ ಸಮಸ್ಯೆಗಳು ಇದ್ದರೆ ಇದನ್ನು ಮನೆಯಲ್ಲಿ ಇಟ್ಟುಕೊಳ್ಳುವುದು ಶುಭ ಎಂದು ಹೇಳಲಾಗುತ್ತದೆ. ಹೊಸವರ್ಷದ ಈ ಸಮಯದಲ್ಲಿ ನೀವು ನವಿಲುಗರಿಯನ್ನು ಮನೆಗೆ ತನ್ನಿ ಮನೆಯ ಶಾಂತಿ ಕಾಪಾಡಿಕೊಳ್ಳಿ.

ಹಲವಾರು ಜನರು ಈ ಸಮಯದಲ್ಲಿ ಹಣದ ಸಮಸ್ಯೆ ಎದುರಿಸುತ್ತಿರುತ್ತಾರೆ, ಜೊತೆಗೆ ಅವರಿಗೆ ತಿಳಿಯದೇ ಹಣ ವ್ಯರ್ಥವಾಗುತ್ತಿರುತ್ತದೆ. ಅದನ್ನು ಈ ವರ್ಷ ನಿಲ್ಲಿಸಬೇಕು ಎಂದರೆ ನವಿಲುಗರಿಯನ್ನು ಪೂಜೆಯ ಕೋಣೆಯಲ್ಲಿ ಇಡುವುದು ಒಳ್ಳೆಯದು.