Hindu God Flowers: ಯಾವ ದೇವರಿಗೆ ಯಾವ ಹೂವು ಪ್ರಿಯ; ಇಲ್ಲಿದೆ ಮಾಹಿತಿ

ಮಲ್ಲಿಗೆ ಹೂವು ಎಂದರೆ ಹನುಮಂತನಿಗೆ ತುಂಬಾ ಪ್ರಿಯ. ಎಲ್ಲೆಡೆ ಪರಿಮಳ ಬೀರುವ ಈ ಮಲ್ಲಿಗೆಯಿಂದ ಆಂಜನೇಯ ಪೂಜಿಸಿದರೆ ಶುಭ ಎನ್ನಲಾಗುವುದು. ಅತ್ಯಂತ ಸುಗಂಧದಿಂದ ಕೂಡಿರುವ ಈ ಹೂವನ್ನು ಔಷಧ ಸಸ್ಯ ಎಂದು ಪರಿಗಣಿಸಲಾಗಿದೆ

ಪಲಾಶ ಹೂವು ತಾಯಿ ಸರಸ್ವತಿಯ ಕೃಪೆಗೆ ಪಾತ್ರರಾಗಬೇಕು ಎಂದರೆ ಪೂಜೆಯಲ್ಲಿಪಲಾಶ ಪುಷ್ಪಗಳನ್ನು ಅರ್ಪಿಸಿ. ಈ ಹೂವುಗಳನ್ನು ಜ್ಞಾನದ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಈ ಹೂವಿನ ಮೂಲಕ ಆರಾಧಿಸಿದರೆ ದೇವಿ ಸಂಪನ್ನಗೊಳ್ಳುತ್ತಾಳೆ ಎನ್ನಲಾಗಿದೆ.

ಎಕ್ಕದ ಹೂವು: ಗಣೇಶನಿಗೆ ಈ ಹೂವು ಬಲು ಪ್ರಿಯ. ಗರಿಕೆಯ ಜೊತೆ ಗಣೇಶನಿಗೆ ಎಕ್ಕೆ ಹೂವು ಸಮರ್ಪಿಸಿದರೆ ಆತ ಸಂತೋಷಗೊಳ್ಳುತ್ತಾನೆ. ಔಷಧ ಗುಣವನ್ನು ಹೊಂದಿರುವ ಈ ಎಕ್ಕದ ಹೂವ ವಾಸ್ತು ದೋಷ ನಿವಾರಣೆಯಲ್ಲೂ ಪ್ರಮುಖ ಪಾತ್ರವಹಿಸುತ್ತದೆ.

ತುಳಸಿ: ವಿಷ್ಣು, ಕೃಷ್ಣ ಪೂಜೆಗೆ ತಪ್ಪದೇ ತುಳಸಿ ಅರ್ಪಣೆ ಮಾಡಬೇಕು. ತುಳಸಿ ಅರ್ಪಣೆಯಿಂದಲೇ ವಿಷ್ಣುವಿನ ಪೂಜೆ ಸಂಪನ್ನಗೊಳ್ಳುತ್ತದೆ. ಅದರಲ್ಲೂ ಕಾರ್ತಿಕ ಮಾಸದ ಪೂಜೆಯಲ್ಲಿ ತಪ್ಪದೇ ತುಳಸಿ ಬಳಸಿ.

ಕೆಂಪು ದಾಸವಾಳ: ಕಾಳಿ, ಚಾಮುಂಡೇಶ್ವರಿ ಆರಾಧನೆಯಲ್ಲಿ ಕೆಂಪು ದಾಸವಾಳ ಇರಲಿ. ಕಾಳಿ ದೇವರ ಪೂಜೆಯನ್ನು ಮಾಡುವಾಗ 108 ದಾಸವಾಳದ ಹೂವನ್ನು ಜೋಡಿಸುವುದರ ಮೂಲಕ ಹಾರವನ್ನು ಹಾಕಿದರೆ ದೇವಿ ಸಂತುಷ್ಟಳಾಗುತ್ತಾಳೆ

ಕಮಲ: ಲಕ್ಷ್ಮೀಪೂಜೆಯ ವೇಳೆ ಕಮಲದ ಹೂವಿಗೆ ಅಗ್ರ ಸ್ಥಾನ. ವೈಭವ ಲಕ್ಷ್ಮಿ ಕಮಲದ ಮೇಲೆ ಕುಳಿತಿರುವ ಹಿನ್ನಲೆ ಆಕೆಗೆ ತಪ್ಪದೇ ಈ ಹೂವು ಅರ್ಪಿಸಬೇಕು. ಕಮಲ ಸಂಪತ್ತು ಮತ್ತು ಸಮೃದ್ದಿ ಪ್ರತೀಕ ಎಂದು ನಂಬಲಾಗಿದೆ.

ಪಾರಿಜಾತ ಪಾರಿಜಾತ ಪುಷ್ಪ ವಿಷ್ಣುವಿನ ನೆಚ್ಚಿನ ಹೂವು ಆಗಿದೆ. ಸಾಗರ ಮಂಥನದ ಸಮಯದಲ್ಲಿ ಈ ಮರ ಹೊರಬಂದಿತು. ಇದನ್ನು ವಿಷ್ಣುವು ಸ್ವರ್ಗಕ್ಕೆ ತಂದನು ಎಂದು ಪುರಾಣದಲ್ಲಿ ತಿಳಿಸಲಾಗಿದೆ, ಆದ್ದರಿಂದ ಇದು ಅವನ ನೆಚ್ಚಿನ ಹೂವು ಆಗಿದೆ.