Lord Ganesha: ಗಣೇಶನಿಗೆ ಬುಧವಾರ ಈ ವಸ್ತು ಅರ್ಪಿಸಿದ್ರೆ ಕಷ್ಟಗಳೆಲ್ಲಾ ನಿವಾರಣೆಯಾಗುತ್ತೆ

ವಿಘ್ನ ನಿವಾರಿಸುವ ಗಣೇಶನನ್ನು ಪೂಜಿಸದೆ ಯಾವುದೇ ಪೂಜೆಯನ್ನು ಮಾಡಲಾಗುವುದಿಲ್ಲ. ಹಿಂದೂ ಧರ್ಮದಲ್ಲಿ, ಗಣೇಶನನ್ನು ಆದಿದೇವ ಎಂದು ಕರೆಯಲಾಗುತ್ತದೆ, ಅಂದರೆ ಗಣೇಶನನ್ನು ಮೊದಲು ಪೂಜಿಸಲಾಗುತ್ತದೆ. ಗಣಪತಿಯ ಕೃಪೆಯಿಂದ ಭಕ್ತರ ಜೀವನದಲ್ಲಿ ಎಲ್ಲ ದುಃಖಗಳು ದೂರವಾಗಿ ಶಕ್ತಿ, ಬುದ್ಧಿ, ಜ್ಞಾನ ಪ್ರಾಪ್ತಿಯಾಗುತ್ತದೆ. ಗಣೇಶನ ಆಶೀರ್ವಾದದಿಂದ ದೊಡ್ಡ ಕೆಲಸಗಳೂ ಯಾವುದೇ ಅಡೆತಡೆಯಿಲ್ಲದೆ ಪೂರ್ಣಗೊಳ್ಳುತ್ತವೆ ಎನ್ನುವ ನಂಬಿಕೆ ಇದೆ.

ಗ್ರಂಥಗಳಲ್ಲಿ ಮತ್ತು ಜ್ಯೋತಿಷ್ಯ ಶಾಸ್ತ್ರದಲ್ಲಿಯೂ ಬುಧವಾರ ಗಣೇಶನಿಗೆ ಸಮರ್ಪಿತವಾಗಿದೆ ಎನ್ನಲಾಗುತ್ತದೆ. ಹಾಗಾಗಿ ಈ ದಿನ ವಿಶೇಷವಾಗಿ ಕೆಲ ವಸ್ತುಗಳನ್ನು ದಾನ ಮಾಡುವುದು ಹಾಗೂ ಗಣೇಶನಿಗೆ ಅರ್ಪಿಸುವುದರಿಂದ ಬಹಳ ಪ್ರಯೋಜನಗಳಿದೆ.

ಗರಿಕೆ: ಗಣಪತಿಗೆ ಗರಿಕೆ ಎಂದರೆ ತುಂಬಾ ಇಷ್ಟ, ಗಣಪತಿಗೆ ಗರಿಕೆಯನ್ನು ಅರ್ಪಿಸುವ ವಿಶೇಷ ಪ್ರಾಮುಖ್ಯತೆಯ ಬಗ್ಗೆ ವೇದ ಮತ್ತು ಶಾಸ್ತ್ರಗಳಲ್ಲಿ ಉಲ್ಲೇಖಿಸಲಾಗಿದೆ. ವಿಶೇಷವಾಗಿ ಬುಧವಾರದಂದು ಗಣೇಶನಿಗೆ ಗರಿಕೆಯನ್ನು ಅರ್ಪಿಸುವುದರಿಂದ ಜೀವನದಲ್ಲಿ ಯಶಸ್ಸು ಸಿಗುತ್ತದೆ.

ಮೋದಕ: ನಮಗೆಲ್ಲರಿಗೂ ತಿಳಿದಿರುವಂತೆ, ಗಣೇಶನಿಗೆ ಎಲ್ಲಾ ನೈವೇದ್ಯಗಳಲ್ಲಿ ಮೋದಕ ತುಂಬಾ ಇಷ್ಟ. ಕಾರಣ ಪರಶುರಾಮನ ಜೊತೆ ಕಾದಾಡುವಾಗ ಹಲ್ಲು ಮುರಿದಿದ್ದರಿಂದ ಗಣೇಶನಿಗೆ ಏನನ್ನೂ ತಿನ್ನಲು ಸಾಧ್ಯವಾಗಲಿಲ್ಲ. ಆಗ ತಾಯಿ ಪಾರ್ವತಿ ಮಗನಿಗೆ ಅಕ್ಕಿಹಿಟ್ಟಿನಿಂದ ಮೃದುವಾದ ಮೋದಕಗಳನ್ನು ಮಾಡಿ ಕೊಟ್ಟಿದ್ದಳು. ಈ ಕಾರನದಿಂದ ಗಣೇಶಇಗೆ ಮೋದಕ ಎಂದರೆ ಬಹಳ ಇಷ್ಟವಂತೆ.

ಮೋತಿಚೂರ್ ಲಡ್ಡು: ಗಣೇಶನಿಗೆ ಸಿಹಿತಿಂಡಿಗಳೆಂದರೆ ತುಂಬಾ ಇಷ್ಟ, ಆದ್ದರಿಂದ ಮಹರ್ಷಿ ಅತ್ರಿ ಅವರ ಪತ್ನಿ ಅನಸೂಯ ಒಮ್ಮೆ ಗಣೇಶನನ್ನು ತನ್ನ ಮನೆಗೆ ಊಟಕ್ಕೆ ಆಹ್ವಾನಿಸಿ ಅನೇಕ ಸಿಹಿತಿಂಡಿಗಳನ್ನು ತಿನ್ನಿಸಿದ್ದರು, ಅದರಲ್ಲಿ ದೇಸಿ ತುಪ್ಪದಿಂದ ಮಾಡಿದ ಮೋತಿಚೂರ್ ಲಡ್ಡು ಬಹಳ ಇಷ್ಟವಾಯಿತಂತೆ. ಹಾಗಾಗಿ ಗಣೇಶನಿಗೆ ಬುಧವಾರ ಮೋತಿಚೂರ್ ಲಡ್ಡುಅರ್ಪಣೆ ಮಾಡಬೇಕಂತೆ.

ವೀಳ್ಯದೆಲೆ: ಗಣೇಶನಿಗೆ ತಾಂಬೂಲವನ್ನು ಅಂದರೆ ವೀಳ್ಯದೆಯಲ್ಲಿ ಅರ್ಪಿಸುವುದು ವಿಶೇಷ ಮಹತ್ವವನ್ನು ಹೊಂದಿದೆ, ಇದನ್ನು ಅರ್ಪಣೆ ಮಾಡುವುದರಿಂದ ಐಶ್ವರ್ಯ ಹೆಚ್ಚಾಗುತ್ತದೆ. ಅಲ್ಲದೇ ಸಮಾಜದಲ್ಲಿ ಗೌರವ ಸಹ ಹೆಚ್ಚಾಗಲಿದೆ.

ಕುಂಕುಮ: ಗಣೇಶನಿಗೆ ಸಿಂಧೂರವನ್ನು ಅಂದರೆ ಕುಂಕುಮವನ್ನು ಅರ್ಪಿಸುವುದರಿಂದ ಅನೇಕ ಶುಭ ಫಲಗಳು ದೊರೆಯುತ್ತವೆ ಎನ್ನಲಾಗುತ್ತದೆ. ಅಲ್ಲದೇ ಇದರಿಂದ ಜೀವನದಲ್ಲಿನ ಅನೇಕ ಸಮಸ್ಯೆಗಳು ಸಹ ಪರಿಹಾರವಾಗುತ್ತದೆ ಎನ್ನುವ ನಂಬಿಕೆ ಇದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)