Main Door Vastu: ಮನೆಯ ಮುಖ್ಯ ಬಾಗಿಲ ಬಳಿ ಈ ವಸ್ತು ಇಟ್ರೆ ಬಡತನ ಹುಡುಕಿ ಬರುತ್ತೆ, ಎಚ್ಚರ

ಕಸ ಇರಬಾರದು: ಯಾವುದೇ ಕಾರಣಕ್ಕೂ ಮನೆಯ ಮುಖ್ಯ ಬಾಗಿಲ ಬಳಿ ಕಸ ಇರಬಾರದು. ಇದ್ದರೆ ನಿಮಗೆ ಹಣದ ಸಮಸ್ಯೆ ಆಗುತ್ತದೆ. ಅಲ್ಲದೇ, ಇದು ಶೋಕದ ಸಂಕೇತ ಎಂದು ಹೇಳಲಾಗುತ್ತದೆ. ಹಾಗಾಗಿ ಯಾವುದೇ ಕಾರಣಕ್ಕೂ ಈ ತಪ್ಪು ಮಾಡಬೇಡಿ.

ಮರ ಹಾಗೂ ಗಿಡ: ಮನೆಯ ಮುಖ್ಯ ಬಾಗಿಲ ಬಳಿ ಯಾವುದೇ ಕಾರಣಕ್ಕೂ ಮರ-ಗಿಡಗಳು ಇರಬಾರದು. ಇದು ಮಕ್ಕಳ ಜೀವನದ ಮೇಲೆ ಪರಿಣಾಮ ಬೀರುತ್ತದೆ ಎನ್ನಲಾಗುತ್ತದೆ. ಇದು ಬಾಲ ದೋಷಕ್ಕೆ ಕಾರಣವಾಗುತ್ತದೆ.

ನೇರ ದಾರಿ: ಮನೆಯ ಗೇಟ್​ ಎದುರಿಗೆ ಯಾವುದೇ ನೇರ ದಾರಿ ಇರಬಾರದು. ಅದರಲ್ಲೂ ಆ ರಸ್ತೆ ಕೊನೆಗೊಳ್ಳಬಾರದು. ಹಾಗೇನಾದರೂ ಆದರೆ ಮನೆಯ ಸದಸ್ಯರ ನಡುವಿನ ಸಂಬಂಧ ಹಾಳಾಗುತ್ತದೆ. ಪ್ರೀತಿ ಕಡಿಮೆ ಆಗುತ್ತದೆ ಎನ್ನಲಾಗುತ್ತದೆ.

ಒಳ ಚರಂಡಿ ಇರಬಾರದು: ಮನೆಯಲ್ಲಿ ಹೆಚ್ಚಿನ ವಾ ಸ್ತು ದೋಷಕ್ಕೆ ಕಾರಣಕ್ಕೆ ಮನೆಯ ಎದುರಿಗಿರುವ ಒಳಚರಂಡಿ ಎನ್ನಲಾಗುತ್ತದೆ. ಈ ರೀತಿ ಚರಂಡಿ ಇದ್ದರೆ ಅದು ಮನೆಯ ಸದಸ್ಯರ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ

ವಿದ್ಯುತ್ ಕಂಬ: ಯಾವುದೇ ಕಾರಣಕ್ಕೂ ಮನೆಯ ಮುಂದೆ ವಿದ್ಯುತ್ ಕಂಬ ಇರಬಾರದು. ಇದು ಮನೆಯ ಮಹಿಳೆಯ ಮೇಲೆ ಪರಿಣಾಮ ಬೀರುತ್ತದೆ. ಆರ್ಥಿಕವಾಗಿ ಅಥವಾ ಆರೋಗ್ಯದ ವಿಚಾರವಾಗಿ ಸಮಸ್ಯೆ ಬರಬಹುದು.

ದೇವಸ್ಥಾನ ಇರಬಾರದು: ವಾಸ್ತು ಪ್ರಕಾರ ಮನೆಯ ಮುಂದೆ ದೇವಸ್ಥಾನ ಇರಬಾರದಂತೆ. ಕೇವಲ ದೇವಸ್ಥಾನ ಮಾತ್ರ ಅಲ್ಲ ಯಾವುದೇ ಧಾರ್ಮಿಕ ಸ್ಥಳ ಇರಬಾರದು ಎನ್ನಲಾಗುತ್ತದೆ. ಇದರಿಂದ ಸಮಸ್ಯೆಗಳು ಬರಬಹುದು ಎನ್ನುವ ನಂಬಿಕೆ ಇದೆ.

ಬಾಗಿಲ ಮುಂದೆ ಮತ್ತೊಂದು ಬಾಗಿಲು: ಇತ್ತೀಚಿನ ದಿನಗಳಲ್ಲಿ ಡಿಸೈನ್ ಹೆರಿನಲ್ಲಿ ಬಾಗಿಲ ಮುಂದೆ ಸಣ್ಣ ಮತ್ತೊಂದು ಬಾಗಿಲು ಮಾಡಿಸುವ ಟ್ರೆಂಡ್ ಆರಂಭವಾಗಿದೆ, ಆದರೆ ಇದು ಕಷ್ಟಗಳನ್ನು ಹೆಚ್ಚಿಸುತ್ತದೆ, ಇದರಿಂದ ಬಡತನ ಹೆಚ್ಚಾಗುತ್ತದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)