Vastu Tips: ಅಪ್ಪಿ-ತಪ್ಪಿ ಮನೆಯಲ್ಲಿ ಈ ಫೋಟೋ ಹಾಕ್ಬೇಡಿ, ಜೀವಕ್ಕೆ ಅಪಾಯ ಗ್ಯಾರಂಟಿ

ಕೆಲವೊಮ್ಮೆ ನಮ್ಮ ಜೀವನದಲ್ಲಿ ಯಾವುದೇ ಕಾರಣವಿಲ್ಲದೆ ಅನೇಕ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಹಣದ ನಷ್ಟ, ಸಂಬಂಧಗಳಲ್ಲಿ ಬಿರುಕು, ಮನೆಯಲ್ಲಿ ಕಿರಿಕಿರಿ, ಮನೆಯಲ್ಲಿ ನಕಾರಾತ್ಮಕ ಶಕ್ತಿ ಹೆಚ್ಚಾಗುವುದು ಇತ್ಯಾದಿ ರೂಪದಲ್ಲಿ ಈ ಸಮಸ್ಯೆಗಳು ಉದ್ಭವಿಸುತ್ತವೆ.

ಅದಕ್ಕೆ ಕಾರಣ ಈ ವಾಸ್ತು ದೋಷ. ಈ ವಾಸ್ತು ದೋಷಕ್ಕೆ ಸಂಬಂಧಪಟ್ಟಂತೆ ಕೆಲ ತಪ್ಪುಗಳನ್ನು ನಾವು ಮಾಡುತ್ತೇವೆ. ನಾವು ನಮಗೆ ಇಷ್ಟ ಎಂದು ತಂದ ಕೆಲವು ಫೋಟೋಗಳು ನಮ್ಮ ಮನೆಯ ನೆಮ್ಮದಿಯನ್ನು ಕಿತ್ತುಕೊಳ್ಳುತ್ತೇವೆ. ಅಲ್ಲದೇ, ಆ ಫೋಟೋಗಳು ಆರೋಗ್ಯ, ವೃತ್ತಿ ಹಾಗೂ ಸಂಸಾರಿಕ ಬದುಕಿನ ಮೇಲೆ ಸಹ ಪರಿಣಾಮ ಬೀರುತ್ತದೆ.

ಅಸ್ತಮಿಸುವ ಸೂರ್ಯನ ಫೋಟೋ- ವಾಸ್ತು ಶಾಸ್ತ್ರದ ಪ್ರಕಾರ, ಜ್ಯೋತಿಷಿಗಳು ಹೇಳುವಂತೆ, ಅಪ್ಪಿತಪ್ಪಿಯೂ ಕೂಡ ಮನೆಯಲ್ಲಿ ಅಸ್ತಮಿಸುವ ಸೂರ್ಯನ ಫೋಟೋವನ್ನು ಎಲ್ಲಿಯೂ ಹಾಕಬಾರದು. ಇದನ್ನು ಕ್ರೂರ ಚಿತ್ರವೆಂದು ಪರಿಗಣಿಸಲಾಗುತ್ತದೆ, ಇದು ನಿಮ್ಮ ಯಶಸ್ಸಿನ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ. ನಿಮ್ಮ ಬದುಕು ಮುಳುಗಲು ಇದೂ ಒಂದು ಕಾರಣವಾಗುತ್ತದೆ.

ಅಳುವ ಮಗುವಿನ ಫೋಟೋ: ವಾಸ್ತುಶಾಸ್ತ್ರದ ಪ್ರಕಾರ, ಅಳುವ ಮಗುವಿನ ಫೋಟೋವನ್ನು ಮನೆಯಲ್ಲಿ ಇಡಬಾರದು. ಇದು ಪಾಸಿಟಿವ್ ಎನರ್ಜಿಯ ಹರಿವನ್ನು ತಡೆಯುತ್ತದೆ. ಮನೆಯ ಸದಸ್ಯರ ಜೀವನದಲ್ಲಿ ದುರದೃಷ್ಟ ಆವರಿಸುತ್ತದೆ. ಕುಟುಂಬ ಸದಸ್ಯರ ನಡುವಿನ ಸಮಸ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತವೆ.

ಪ್ರಾಣಿಗಳ ಫೋಟೋ- ಮನೆಯಲ್ಲಿ ಶಾಂತ ವಾತಾವರಣ ಬಹಳ ಮುಖ್ಯ. ಅದನ್ನು ನಾವು ಹಾಳು ಮಾಡಿಕೊಳ್ಳಬಾರದು. ಹಾಗಾಗಿ ಯಾವುದೇ ರೀತಿಯ ಒತ್ತಡ ಆಗಬಾರದು ಎಂದರೆ ಮನೆಯಲ್ಲಿ ಹುಲಿ, ಸಿಂಹದಂತಹ ಪ್ರಾಣಿಗಳ ಫೋಟೋ ಹಾಕಬಾರದು. ಈ ಫೋಟೋಗಳು ಮನೆಯಲ್ಲಿ ನೆಗೆಟಿವಿಟಿ ಹೆಚ್ಚು ಮಾಡುತ್ತದೆ.

ಹರಿಯುವ ನೀರಿನ ಫೋಟೋ: ಮನೆಯಲ್ಲಿ ಹರಿಯುವ ನೀರಿನ ಫೋಟೋ ಎಂದಿಗೂ ಇರಬಾರದು ಎಂದು ವಾಸ್ತು ಶಾಸ್ತ್ರ ಹೇಳುತ್ತದೆ. ಈ ಚಿತ್ರವು ದುರದೃಷ್ಟವನ್ನು ತರುತ್ತದೆ. ಹಣದ ನಷ್ಟವನ್ನು ಹೆಚ್ಚಿಸುತ್ತದೆ. ಕುಟುಂಬದವರು ಎಷ್ಟೇ ಹಣ ಸಂಪಾದಿಸಿದರೂ ಆ ಹಣ ಮನೆಯಲ್ಲಿ ಉಳಿಯದೇ ಇದ್ದರೆ ಆದಾಯದ ಮೂಲಗಳೂ ಕಡಿಮೆಯಾಗುತ್ತವೆ. ಹಾಗಾಗಿ ಇಂತಹ ಫೋಟೋಗಳನ್ನು ಹಾಕುವುದು ನಿಮಗೆ ಒಳ್ಳೆಯದಲ್ಲ

ಮುಳುಗುವ ಅಥವಾ ನಿಂತ ದೋಣಿ ಫೋಟೋ: ವಾಸ್ತು ಶಾಸ್ತ್ರದ ಪ್ರಕಾರ ಅನೇಕ ಜನರು ಮುಳುಗುವ ದೋಣಿಯ ಫೋಟೋವನ್ನು ಮನೆಯ ಅಲಂಕಾರಕ್ಕಾಗಿ ಇಟ್ಟುಕೊಂಡಿರುತ್ತಾರೆ. ಆದರೆ ಇದು ತಪ್ಪಿ. ಮುಳುಗುತ್ತಿರುವ, ಮುರಿದ ಅಥವಾ ನಿಂತ ದೋಣಿ ಅಥವಾ ಹಡಗಿನ ಫೋಟೋಗಳನ್ನು ಎಂದಿಗೂ ಮನೆಯಲ್ಲಿ ಇಡಬಾರದು. ಈ ಫೋಟೋಗಳನ್ನು ಇಡುವುದರಿಂದ ಮನೆಯಲ್ಲಿ ಮತ್ತು ಜೀವನದಲ್ಲಿ ಸಮಸ್ಯೆಗಳು ಉಂಟಾಗುತ್ತವೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)