Bedroom Vastu Tips: ಬೆಡ್​ ರೂಂನಲ್ಲಿ ಈ ವಸ್ತುಗಳಿದ್ರೆ ಡಿವೋರ್ಸ್​ ಪಕ್ಕಾ!

ಮಲಗುವ ಕೋಣೆ ಯಾವ ದಿಕ್ಕಿನಲ್ಲಿ ಇರಬೇಕು ಸೇರಿದಂತೆ ಅದಕ್ಕೆ ಸಂಬಂಧಪಟ್ಟ ಕೆಲ ವಿಚಾರಗಳನ್ನು ನಿರ್ಧರಿಸುವಲ್ಲಿ ವಾಸ್ತು ಪ್ರಮುಖ ಪಾತ್ರವನ್ನು ವಹಿಸುತ್ತದೆ. ಮಲಗುವ ಕೋಣೆಯಲ್ಲಿ, ತಲೆಯ ದಿಕ್ಕು ಮತ್ತು ಹಾಸಿಗೆಯ ದಿಕ್ಕಿನ ವಿಷಯದಲ್ಲಿ ನೀವು ಕೆಲವು ನಿಯಮಗಳನ್ನು ಅನುಸರಿಸಬೇಕಾಗುತ್ತದೆ.

ಅಷ್ಟೇ ಅಲ್ಲದೇ,ದಂಪತಿಗಳು ಮಲಗುವ ಕೋಣೆಯಲ್ಲಿ ಏನೆಲ್ಲಾ ಇರಬೇಕು, ಏನೆಲ್ಲಾ ಇರಬಾರದು ಎಂಬುದನ್ನೂ ವಾಸ್ತು ಶಾಸ್ತ್ರ ಹೇಳುತ್ತದೆ. ಹಾಗೆಯೇ, ವಾಸ್ತು ಪ್ರಕಾರ ಕೆಲ ಮೂರ್ತಿಗಳು ಅಥವಾ ವಸ್ತುಗಳು ಬೆಡ್​ ರೂಂನಲ್ಲಿ ಇದ್ದರೆ ದಾಂಪತ್ಯ ಜೀವನದಲ್ಲಿ ಸಮಸ್ಯೆ ಆಗುತ್ತದೆ.

ವಾಸ್ತು ಶಾಸ್ತ್ರದ ಪ್ರಕಾರ ದಂಪತಿಗಳು ತಮ್ಮ ಮಲಗುವ ಕೋಣೆಯಲ್ಲಿ ರಾಧಾ ಕೃಷ್ಣರ ವಿಗ್ರಹ ಇರಬಾರದಂತೆ. ಇದು ಆಶ್ಚರ್ಯವಾದರೂ ಸತ್ಯ, ರಾಧಾ-ಕೃಷ್ಣ ಪ್ರೀತಿಯ ಸಂಕೇತ ಎನ್ನಲಾಗುತ್ತದೆ. ಆದರೆ ವಾಸ್ತು ಪ್ರಕಾರ ಈ ವಿಗ್ರಹ ಇದ್ದರೆ ದಾಂಪತ್ಯ ಜೀವನದಲ್ಲಿ ಬಿರುಕು ಉಂಟಾಗುತ್ತದೆ.

ಇಷ್ಟೇ ಅಲ್ಲದೇ, ಮಲಗುವ ಕೋಣೆಯಲ್ಲಿ ರಾಧಾ-ಕೃಷ್ಣನ ವಿಗ್ರಹವನ್ನು ಇಡುವುದರಿಂದ ಗಂಡ ಅಥವಾ ಹೆಂಡತಿ ಇಬ್ಬರ ಒಬ್ಬರು ವಿವಾಹೇತರ ಸಂಬಂಧ ಇಟ್ಟುಕೊಳ್ಳುವ ಸಾಧ್ಯತೆ ಇದೆ. ಅಲ್ಲದೇ, ಅಪ್ಪಿ-ತಪ್ಪಿ ಹೊಸದಾಗಿ ಮದುವೆಯಾದರಿಗೆ ಸಹ ರಾಧಾ-ಕೃಷ್ಣರ ವಿಗ್ರಹವನ್ನು ಗಿಫ್ಡ್ ಮಾಡಬಾರದು.

ಇದರ ಜೊತೆಗೆ ಮಲಗುವ ಕೋಣೆಯಲ್ಲಿ ಗೋಪಿಯರ ಫೋಟೋ ಹಾಗೂ ವಿಗ್ರಹ ಸಹ ಇರಬಾರದು ಎನ್ನಲಾಗುತ್ತದೆ. ಏಕೆಂದರೆ ಕೃಷ್ಣ ಅವರ ಜೊತೆ ಮದುವೆಯಾಗಿಲ್ಲ, ಹಾಗಾಗಿ ಅವರ ವಿಗ್ರಹ ಅಥವಾ ಫೋಟೋ ದಂಪತಿಗಳ ಕೋಣೆಯಲ್ಲಿ ಇರಬಾರದು.

ನಿಮ್ಮ ಮಲಗುವ ಕೋಣೆಯಲ್ಲಿ ಯಾವಾಗಲೂ ಗಂಡ ಹಾಗೂ ಹೆಂಡತಿಯ ಫೋಟೋಗಳು ಹೆಚ್ಚಿರಬೇಕು. ಆಗ ನಿಮ್ಮ ಸಂಬಂಧಗಟ್ಟಿಯಾಗುತ್ತದೆ. ಮತ್ತೊಂದು ಮುಖ್ಯವಾದ ವಿಚಾರ ಎಂದರೆ ಮಲಗುವ ಕೋಣೆ ಯಾವಾಗಲೂ ಶಾಂತವಾಗಿ ಇರುವಂತೆ ನೋಡಿಕೊಳ್ಳಿ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)