Garuda Purana: ಇಂತಹವರ ಮನೆಯಲ್ಲಿ ಊಟ ಮಾಡಿದ್ರೆ ಪಾಪ ಸುತ್ತುತ್ತೆ

ಗರುಡ ಪುರಾಣದ ಪ್ರಕಾರ ನಾವು ನಮ್ಮ ಸುತ್ತ-ಮುತ್ತಲಿನ ಜನರ ಬಗ್ಗೆ ಮಾಹಿತಿ ತಿಳಿದುಕೊಂಡಿರಬೇಕು. ಏಕೆಂದರೆ ಅವರು ನಮ್ಮ ಜೀವನದ ಮೇಲೆ ಪರಿಣಾಮ ಬೀರುತ್ತಾರೆ. ಅವರ ಕೆಟ್ಟ ಬುದ್ದಿಯ ಕಾರಣದಿಂದ ನಮಗೆ ಸಮಸ್ಯೆ ಆಗುತ್ತದೆ.

ಹಾಗೆಯೇ ಗರುಡ ಪುರಾಣದ ಪ್ರಕಾರ ನಾವು ಕೆಲ ಜನರ ಮನೆಯಲ್ಲಿ ಊಟ ಮಾಡಬಾರದು. ಅದರಲ್ಲಿ ನಮಗೆ ಅವರ ನೆಗೆಟಿವ್ ಎನರ್ಜಿ ಬರುತ್ತದೆ ಮಾತ್ರವಲ್ಲದೇ ಪಾಪ ಸಹ ಸುತ್ತಿಕೊಳ್ಳುತ್ತದೆ ಎನ್ನಲಾಗುತ್ತದೆ.

ಗರುಡ ಪುರಾಣದ ಪ್ರಕಾರ, ಬಡ್ಡಿ ವ್ಯವಹಾರ ಮಾಡುವ ಜನರ ಮನೆಯಲ್ಲಿ ನಾವು ಎಂದಿಗೂ ಆಹಾರ ಸೇವನೆ ಮಾಡಬಾರದಂತೆ. ಅವರು ಇತರರಿಗೆ ಹಣ ನೀಡುವುದು ಮಾತ್ರವಲ್ಲದೇ ಅವರ ಕಷ್ಟವನ್ನೂ ಸಹ ಲೆಕ್ಕಿಸದೇ ಅವರಿಗೆ ಹೆಚ್ಚಿನ ಬಡ್ಡಿ ಹಾಕಿ ಹಣವನ್ನು ವಸೂಲಿ ಮಾಡುತ್ತಾರೆ.

ಬೇರೆಯವರಿಗೆ ನೋವನ್ನು ಮಾಡಿ ಸಂಪಾದಿಸಿದ ಹಣದಲ್ಲಿ ನೀವು ಆಹಾರ ಸೇವನೆ ಮಾಡಿದರೆ ಅದರಿಂದ ಬರುವ ಪಾಪ ಸಹ ನಿಮಗೆ ಸುತ್ತಿಕೊಳ್ಳುತ್ತದೆ, ಹಾಗಾಗಿ ಈ ಬಡ್ಡಿ ವ್ಯವಹಾರ ಮಾಡುವ ಜನರ ಮನೆಯಲ್ಲಿ ಅಪ್ಪಿ-ತಪ್ಪಿ ಆಹಾರ ಸೇವನೆ ಮಾಡಬಾರದು.

ನೋವಿರುವ ಮನೆಯಲ್ಲಿ: ಯಾವ ಮನೆಯಲ್ಲಿ ಅಹಿತಕರ ಘಟನೆ ನಡೆದಿರುತ್ತದೆಯೋ, ಅಥವಾ ನೋವಿನ ಪರಿಸ್ಥಿತಿ ಇರುತ್ತದೆಯೋ ಆ ಮನೆಯಲ್ಲಿ ನೀವು ಆಹಾರ ಸೇವನೆ ಮಾಡಬಾರದು ಎನ್ನುತ್ತದೆ ಗರುಡ ಪುರಾಣ. ಏಕೆಂದರೆ ಅವರು ಬಹಳ ನೋವಿನಲ್ಲಿ ಆಹಾರವನ್ನು ತಯಾರಿಸಿರುತ್ತಾರೆ, ಇದು ಸಮಸ್ಯೆಗೆ ಕಾರಣವಾಗುತ್ತದೆ.

ಕಳ್ಳರ ಮನೆಯಲ್ಲಿ: ಅಪರಾಧ ಕೆಲಸಗಳನ್ನು ಮಾಡುವ ಜನರ ಮನೆಯಲ್ಲಿ ಎಂದಿಗೂ ಆಹಾರ ಸೇವನೆ ಮಾಡಬಾರದು ಎನ್ನಲಾಗುತ್ತದೆ. ಅಲ್ಲದೇ, ಆ ರೀತಿಯ ಜನರ ಜೊತೆ ಸಂಬಂಧವನ್ನು ಸಹ ಹೊಂದಿರಬಾರದು. ಇತರರ ಹಣ ಕದ್ದು ನಿಮಗೆ ಆಹಾರ ಹಾಕುವುದನ್ನ ಸೇವಿಸಿದರೆ ನಿಮಗೇ ಸಮಸ್ಯೆ.

ರೋಗಿಯ ಮನೆಯಲ್ಲಿ: ಯಾರ ಮನೆಯಲ್ಲಿ ಆರೋಗ್ಯ ಸರಿಯಿಲ್ಲದವರು ಇರುತ್ತಾರೋ ಆ ಮನೆಯಲ್ಲಿ ಆಹಾರ ಸೇವನೆ ಮಾಡಬಾರದು. ಇದರಿಂದ ಅವರಿಗೇ ಕೆಲಸ ಜಾಸ್ತಿ ಮಾತ್ರ ಅಲ್ಲ, ನಿಮಗೂ ಸಹ ತೊಂದರೆ ಆಗುತ್ತದೆ. ಅದಕ್ಕಾಗಿ, ನೀವು ರೋಗಿಯನ್ನು ನೋಡಿಕೊಂಡು ಬನ್ನಿ ಸಾಕು.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)