Tuesday: ಮಂಗಳವಾರ ಅಪ್ಪಿ-ತಪ್ಪಿ ಈ ಕೆಲಸ ಮಾಡಿದ್ರೆ ಬದುಕು ಮೂರಾಬಟ್ಟೆ

ಹಣವನ್ನು ಕೊಡಬೇಡಿ: ಯಾವುದೇ ಕಾರಣಕ್ಕೂ ಮಂಗಳವಾರ ಯಾರಿಗೂ ಹಣ ಕೊಡಬೇಡಿ. ಇದರಿಂದ ನೀವು ಸಾಲದ ಸುಳಿಯಲ್ಲಿ ಸಿಲುಕಿಕೊಳ್ಳುತ್ತೀರಿ. ಆದರೆ ನೀವು ತೆಗೆದುಕೊಂಡ ಸಾಲ ಮರಳಿ ನೀಡಿದರೆ , ಬೇಗ ಸಾಲ ಮುಗಿಯುತ್ತದೆ ಎನ್ನಲಾಗುತ್ತದೆ.

ಉದ್ದು ಸೇವನೆ ಮಾಡಬೇಡಿ: ಉದ್ದು ಶನಿಯ ಸಂಕೇತ ಎನ್ನಲಾಗುತ್ತದೆ. ಆದರೆ ಮಂಗಳವಾರ ಮಂಗಳ ಗ್ರಹದ ದಿನ. ಈ ದಿನ ಉದ್ದು ಸೇವನೆ ಮಾಡುವುದರಿಂದ ಸಮಸ್ಯೆಗಳು ಉಂಟಾಗಬಹುದು. ಶನಿ ಹಾಗೂ ಮಂಗಳನ ನಡುವೆ ಶತ್ರುತ್ವ ಇರುವ ಕಾರಣ ಈ ಸಮಸ್ಯೆ ಆಗುತ್ತದೆ.

ಮಾಂಸಾಹಾರ ಸೇವನೆ ಮಾಡಬೇಡಿ: ಮಂಗಳವಾರ ಮೀನು ಹಾಗೂ ಮಾಂಸವನ್ನು ಸೇವನೆ ಮಾಡಬಾರದು ಎನ್ನಲಾಗುತ್ತದೆ. ಈ ದಿನ ಮೀನು ಖರೀದಿ ಮಾಡಿ ತಿಂದರೆ ಆರ್ಥಿಕವಾಗಿ ಸಮಸ್ಯೆ ಆಗುತ್ತದೆ ಎನ್ನುವ ನಂಬಿಕೆ ಇದೆ.

ಕೂದಲು ಹಾಗೂ ಉಗುರು ಕತ್ತರಿಸಬೇಡಿ: ಮಂಗಳವಾರ ಕೂದಲು ಕತ್ತರಿಸುವುದು ಹಾಗೂ ಗಡ್ಡ ಬೋಳಿಸುವುದನ್ನ ಮಾಡಬಾರದು. ಅಲ್ಲದೇ ಈ ದಿನ ಉಗುರು ಸಹ ಕಟ್ ಮಾಡಬಾರದು. ಅಪ್ಪಿ-ತಪ್ಪಿ ಕಟ್ ಮಾಡಿದರೆ ಸಮಸ್ಯೆ ಬರುತ್ತದೆ.

ಮೇಕಪ್ ವಸ್ತು ಖರೀದಿಸಬೇಡಿ: ಮಂಗಳವಾರ ಮೇಕಪ್ ವಸ್ತುಗಳನ್ನು ಖರೀದಿ ಮಾಡಬಾರದು ಎನ್ನಲಾಗುತ್ತದೆ. ಹೌದು, ಈ ರೀತಿ ಖರೀದಿ ಮಾಡಿದರೆ ನಿಮ್ಮ ವೈವಾಹಿಕ ಬದುಕಿನಲ್ಲಿ ಬಿರುಕು ಮೂಡುತ್ತದೆ ಎನ್ನಲಾಗುತ್ತದೆ.

ಕಪ್ಪು ಬಟ್ಟೆ ಧರಿಸಬೇಡಿ: ಮಂಗಳವಾರ ಕಪ್ಪು ಬಟ್ಟೆ ಧರಿಸುವುದು ಅಶುಭ ಎನ್ನಲಾಗುತ್ತದೆ. ಉದ್ದಿನ ರೀತಿಯೇ ಕಪ್ಪು ಸಹ ಶನಿಯ ಬಣ್ಣ. ಹಾಗಾಗಿ ಮಂಗಳವಾರ ಕಪ್ಪು ಬಟ್ಟೆ ಧರಿಸಿದರೆ ಮಂಗಳ ದೋಷ ಉಂಟಾಗುತ್ತದೆ.

ಭೂಮಿಗೆ ನೋವು ಮಾಡಬಾರದು: ಮಂಗಳವಾರ ಭೂ ತಾಯಿಗೆ ನೋವು ಮಾಡಬಾರದು. ಗಿಡ ನೆಡಲು ಅಥವಾ ಇನ್ಯಾವುದೇ ಕಾರಣಕ್ಕೆ ಭೂಮಿ ಅಗೆಯುವುದು ಮಾಡಬಾರದು. ಅಲ್ಲದೇ, ಈ ದಿನ ಮನೆಗೆ ಅಡಿಪಾಯ ಸಹ ಹಾಕಬಾರದು.

ಅಣ್ಣನ ಜೊತೆ ಜಗಳ ಮಾಡಬೇಡಿ: ಮಂಗಳವಾರ ಅಣ್ಣನ ಜೊತೆ ಜಗಳ ಮಾಡಬಾರದು. ಈ ದಿನ ಜಗಳ ಮಾಡಿದರೆ ಸಂಬಂಧದಲ್ಲಿ ಶಾಶ್ವತವಾಗಿ ಬಿರುಕು ಮೂಡುವ ಸಾಧ್ಯತೆ ಇರುತ್ತದೆ. ಅಲ್ಲದೇ, ಮನೆಯಲ್ಲಿ ಸಹ ನೆಮ್ಮದಿ ಹಾಳಾಗುತ್ತದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)