Rahu Kalam: ಅಪ್ಪಿ-ತಪ್ಪಿ ರಾಹುಕಾಲದಲ್ಲಿ ಈ ಕೆಲಸಗಳನ್ನು ಮಾಡ್ಬೇಡಿ

ರಾಹು ಕಾಲದಲ್ಲಿ ನೀವು ಹೊಸ ವ್ಯಾಪಾರ, ಹೊಸ ಯೋಜನೆ ಅಥವಾ ಹೊಸ ಕೆಲಸವನ್ನು ಪ್ರಾರಂಭಿಸಬಾರದು. ಆಕಸ್ಮಿಕವಾಗಿ ಪ್ರಾರಂಭ ಮಾಡಿದರೆ ನಷ್ಟ ಆಗಬಹುದು. ಹಾಗಾಗಿ ಕಾಲ ನೋಡಿ ವ್ಯಾಪಾರ ಆರಂಭಿಸಬೇಕು.

ಜನ್ಮದಿನಾಚರಣೆ, ಉಪನಯನ ಸಂಸ್ಕಾರ, ಗೃಹಪ್ರವೇಶ, ಮದುವೆ, ನಿಶ್ಚಿತಾರ್ಥ ಮುಂತಾದ ಎಲ್ಲಾ ಶುಭ ಕಾರ್ಯಕ್ರಮಗಳನ್ನು ರಾಹುಕಾಲದಲ್ಲಿ ಮಾಡಲೇಬಾರದು. ಹಾಗೆ ಮಾಡಿದರೆ ಸಮಸ್ಯೆ ಗ್ಯಾರಂಟಿ.

ರಾಹು ಕಾಲದಲ್ಲಿ ಯಾವುದೇ ಆಸ್ತಿ,ವಾಹನ, ಆಭರಣ, ಸರಕುಗಳನ್ನು ಖರೀದಿಸಬಾರದು ಅಥವಾ ಮಾರಾಟ ಮಾಡಬಾರದು. ಇದರಿಂದ ಅಪಘಾತಗಳು ಹಾಗೂ ನಷ್ಟ ಉಂಟಾಗಬಹುದು. ಹಾಗಾಗಿ ಸ್ವಲ್ಪ ಎಚ್ಚರವಿರಲಿ.

ರಾಹುಕಾಲದಲ್ಲಿ ಯಾಗವನ್ನು ಸಹ ಮಾಡಬಾರದಂತೆ, ಅಲ್ಲದೇ ಒಳ್ಳೆಯ ಕೆಲಸಕ್ಕಾಗಿ ಈ ಸಮಯದಲ್ಲಿ ಪ್ರಯಾಣ ಮಾಡುವುದು ಸಹ ಒಳ್ಳೆಯದಲ್ಲ ಎನ್ನಲಾಗುತ್ತದೆ. ಒಟ್ಟಾರೆಯಾಗಿ ರಾಹುಕಾಲದಲ್ಲಿ ಯಾವುದೇ ಒಳ್ಳೆಯ ಕೆಲಸ ಮಾಡಬಾರದು.

ಧಾರ್ಮಿಕ ನಂಬಿಕೆಗಳ ಪ್ರಕಾರ ನೀವು ರಾಹುಕಾಲದಲ್ಲಿ ಪ್ರಯಾಣ ಮಾಡುವುದಾದರೆ ಹೊರಡುವ ಮೊದಲು ಮೊಸರು, ಪಾನ್ ಅಥವಾ ಯಾವುದೇ ಸಿಹಿತಿಂಡಿಗಳನ್ನು ತಿಂದು ಹೊರಡುವುದು ಅನಿವಾರ್ಯ. ಇದರಿಂದ ಸಮಸ್ಯೆಗಳು ಬರದಂತೆ ತಡೆಯಬಹುದು.

ರಾಹುಕಾಲದಲ್ಲಿ ಯಾವುದೇ ಕೆಲಸವನ್ನು ಅನಿವಾರ್ಯವಾಗಿ ಮಾಡಬೇಕಿದ್ದಲ್ಲಿ ಹನುಮಾನ್ ಚಾಲೀಸ್ ಪಠಣೆ ಮಾಡಿ ನಂತರ ಕೆಲಸ ಆರಂಭಿಸಿ. ಅಲ್ಲದೇ ಈ ಸಮಯದಲ್ಲಿ ಶಿವನ ಆರಾಧನೆ ಮಾಡುವುದು ಸಹ ಉತ್ತಮ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)