Diya: ದೀಪ ಹಚ್ಚುವಾಗ ಈ ತಪ್ಪು ಮಾಡಿದ್ರೆ ನಿಮ್ಮ ಬದುಕಿನಲ್ಲಿ ಕತ್ತಲು ಆವರಿಸೋದ್ರಲ್ಲಿ ನೋ ಡೌಟ್​

ದೇವರ ಮನೆಯಲ್ಲಿ ಪ್ರತಿದಿನ ಬೆಳಗ್ಗೆ ಹಾಗೂ ಸಂಜೆ ದೀಪ ಹಚ್ಚಲಾಗುತ್ತದೆ. ಆದರೆ ದೀಪವನ್ನು ಹಚ್ಚುವಾಗ ನಾವು ಕೆಲ ನಿಯಮಗಳನ್ನು ಫಾಲೋ ಮಾಡಬೇಕಾಗುತ್ತದೆ. ಇಲ್ಲದಿದ್ದರೆ ಜೀವನದಲ್ಲಿ ಸಮಸ್ಯೆಗಳು ಬರಬಹುದು ಎನ್ನಲಾಗುತ್ತದೆ.

ಈ ನಿಯಮ ಪಾಲಿಸಿ : ದೇವರ ಮನೆಯಲ್ಲಿ ನೀವು ಎರಡು ರೀತಿಯ ದೀಪಗಳನ್ನು ಹಚ್ಚಬೇಕು. ಹಾಗೆಯೇ ದೇವರ ಬಲ ಭಾಗದಲ್ಲಿ ತುಪ್ಪದ ದೀಪ ಹಚ್ಚಿದರೆ, ಎಡ ಭಾಗದಲ್ಲಿ ಎಣ್ಣೆಯ ದೀಪ ಹಚ್ಚುವುದರಿಂದ ಒಳ್ಳೆಯದಾಗುತ್ತದೆ.

ಈ ದೀಪ ಹಚ್ಚಬೇಡಿ: ದೇವರ ಮನೆಯಲ್ಲಿ ಯಾವಾಗಲೂ ಒಡೆದ ದೀಪವನ್ನು ಹಚ್ಚಬಾರದು. ಈ ರೀತಿಯ ದೀಪ ಹಚ್ಚುವುದರಿಂದ ಕುಟುಂಬ ಸದಸ್ಯರ ಸಂಬಂಧಗಳಲ್ಲಿ ಬಿರುಕು ಮೂಡುತ್ತದೆ. ಅಲ್ಲದೇ, ಲಕ್ಷ್ಮೀಯ ಕೋಪಕ್ಕೆ ಕಾರಣವಾಗುತ್ತದೆ.

ದೀಪ ಇರುವ ದಿಕ್ಕು: ಜ್ಯೋತಿಷ್ಯದ ಪ್ರಕಾರ ನೀವು ದೀಪವನ್ನು ಯಾವ ದಿಕ್ಕಿನಲ್ಲಿ ಇಡುತ್ತೀರಿ ಎಂಬುದರ ಬಗ್ಗೆ ಸಹ ಗಮನ ಕೊಡಬೇಕು. ಪೂಜೆಯ ಸಮಯದಲ್ಲಿ ದೀಪವನ್ನು ತಪ್ಪು ದಿಕ್ಕಿ ನಲ್ಲಿ ಇಡಬಾರದು. ದೀಪವನ್ನು ಪಶ್ಚಿಮ ದಿಕ್ಕಿನಲ್ಲಿ ದೀಪವನ್ನು ಇಟ್ಟರೆ ಮನೆಯಲ್ಲಿ ಪಾಸಿಟಿವ್ ಎನರ್ಜಿ ಹೆಚ್ಚಾಗುತ್ತದೆ.

ದೀಪದ ಬೆಳಕು: ದೀಪವನ್ನು ಹಚ್ಚಿದಾಗ ಅದನ್ನು ಅತಿಯಾಗಿ ಉರಿಯಲು ಬಿಡಬಾರದು. ಅಲ್ಲದೇ ಬಹಳ ಸಣ್ಣದಾಗಿ ಸಹ ಇಡಬಾರದು. ಅಲ್ಲದೇ ದೀಪದ ಬೆಳಕು ದೇವರ ಮುಖದ ಮೇಲೆ ಬೀಳುವಂತೆ ಇರಬೇಕು.

ಬತ್ತಿ: ದೀಪ ಹಚ್ಚುವಾಗ ನೀವು ಸರಿಯಾದ ಬತ್ತಿಯನ್ನು ಆಯ್ಕೆ ಮಾಡಬೇಕು. ತುಪ್ಪದ ದೀಪಕ್ಕೆ ವಿಶೇಷ ಬತ್ತಿಯನ್ನು ಬಳಕೆ ಮಾಡಬೇಕು. ಎಣ್ಣೆಯ ಬತ್ತಿಗೆ 2 ಬತ್ತಿ ಬಳಸಲೇಬೇಕು. ಅಲ್ಲದೇ, 2 ಬತ್ತಿ ಸಹ ಒಂದೇ ನೇರದಲ್ಲಿ ಇರಬೇಕು.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)