Astrology: ಯಾವುದೇ ಕಾರಣಕ್ಕೂ ಬೇರೆಯವರಿಂದ ಈ ವಸ್ತುಗಳನ್ನು ಕೇಳಲೇಬೇಡಿ

ನಮ್ಮ ಬಳಿ ಎಲ್ಲಾ ವಸ್ತುಗಳು ಇರುವುದಿಲ್ಲ. ಇದ್ದರೂ ಸಹ ಅಗತ್ಯವಿದ್ದಾಗ ಸಿಗುವುದಿಲ್ಲ.ಹಾಗಾಗಿ ನಾವು ನಮ್ಮ ಸ್ನೇಹಿತರ ಬಳಿ ಅದನ್ನು ತೆಗೆದುಕೊಳ್ಳುತ್ತೇವೆ. ಆದರೆ ಈ 4 ವಸ್ತುಗಳನ್ನು ಸಾಲ ತೆಗೆದುಕೊಂಡರೆ ನಮ್ಮ ಆರ್ಥಿಕ ಪರಿಸ್ಥಿತಿ ಹಾಳಾಗುತ್ತದೆ. ಆ ವಸ್ತುಗಳು ಯಾವುವು ಎಂಬುದು ಇಲ್ಲಿದೆ.

ಪೆನ್​: ನಾವು ಸಾಮಾನ್ಯವಾಗಿ ಸ್ಕೂಲ್ ಹಾಗೂ ಕಾಲೇಜ್​ ದಿನಗಳಲ್ಲಿ ಸ್ನೇಹಿತರಿಂದ ಪೆನ್ ಪಡೆದುಕೊಂಡಿರುತ್ತೇವೆ. ಅಲ್ಲದೇ, ಬ್ಯಾಂಕ್ ಸೇರಿದಂತೆ ಹಲವಾರು ಸ್ಥಳಗಳಲ್ಲಿ ಸಹ ಬೇರೆಯವರಿಂದ ಪೆನ್ ಪಡೆದಿರುತ್ತೇವೆ. ಆದರೆ ಜ್ಯೋತಿಷ್ಯದ ಪ್ರಕಾರ ಇದು ತಪ್ಪು.

ನೀವು ಯಾರದ್ದೇ ಪೆನ್ ತೆಗೆದುಕೊಂಡಿದ್ದರೆ ಅದನ್ನು ಮರಳಿ ಕೊಡಿ, ಹಾಗೆಯೇ ನಿಮ್ಮ ಪೆನ್ ಕೊಟ್ಟಿದ್ದರೂ ಸಹ ಅದನ್ನು ವಾಪಾಸ್ ಪಡೆಯಿರಿ. ಪೆನ್ ಸಾಲ ಪಡೆಯುವುದರಿಂದ ಅವರ ಅದೃಷ್ಟ ಅಥವಾ ಕೆಟ್ಟ ಫಲ ನಿಮಗೆ ಸಿಗಲಿದೆ.

ಉಪ್ಪು: ನೀವು ಹಿರಿಯರು ಹೇಳಿರುವುದನ್ನ ಕೇಳಿರಬಹುದು. ಉಪ್ಪನ್ನು ಯಾರಿಗೂ ಸಾಲವಾಗಿ ಕೊಡಬಾರದು ಹಾಗೂ ಯಾರಿಂದಲೂ ಸಾಲ ಪಡೆಯಬಾರದು ಎಂದು. ಇದಕ್ಕೆ ಸಹ ಒಂದು ಕಾರಣವಿದೆ. ಉಪ್ಪು ಸಾಲ ಕೊಡುವುದರಿಂದ ಅಥವಾ ಪಡೆಯುವುದರಿಂದ ನಿಮ್ಮ ಆರ್ಥಿಕ ಪರಿಸ್ಥಿತಿ ಹಾಳಾಗುತ್ತದೆ.

ಅಲ್ಲದೇ ಉಪ್ಪನ್ನು ಚಂದ್ರ ಹಾಗೂ ಶುಕ್ರ ಸಂಕೇತ ಎಂದು ಹೇಳಲಾಗುತ್ತದೆ. ಹಾಗಾಗಿ ಇದನ್ನು ಸಾಲ ಪಡೆಯುವುದರಿಂದ ಹಾಗೂ ಕೊಡುವುದರಿಂದ ಆ ಗ್ರಹಗಳು ದುರ್ಬಲವಾಗಿ ಸಮಸ್ಯೆ ಸಹ ಉಂಟಾಗುತ್ತದೆ ಎನ್ನುವ ನಂಬಿಕೆ ಇದೆ,

ಪೊರಕೆ: ಇದನ್ನು ಲಕ್ಷ್ಮಿಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಹಾಗಾಗಿ ಪೊರಕೆ ಕೊಟ್ಟರೆ ಲಕ್ಷ್ಮೀ ಮನೆ ಬಿಟ್ಟು ಹೋಗುತ್ತಾಳೆ. ಹಾಗೆಯೇ ಬೇರೆಯವರಿಂದ ತಂದರೆ ಅವರ ಕಷ್ಟಗಳು ನಿಮಗೆ ಬರುತ್ತದೆ. ನೀವು ಪೊರಕೆ ಕೊಡುವುದರಿಂದ ಹಣ ಹೆಚ್ಚು ಖರ್ಚಾಗುತ್ತದೆ.

ವಾಚ್: ಈ ವಾಚ್​ ಸಹ ಯಾರಿಂದಲೂ ನೀವು ಪಡೆಯಬಾರದು. ಅಲ್ಲದೇ, ಇದನ್ನು ಗಿಫ್ಟ್​ ಆಗಿ ಸಹ ಯಾವುದೇ ಕಾರಣಕ್ಕೂ ಕೊಡಬಾರದು. ಇದು ಕೆಟ್ಟ ಹಾಗೂ ಒಳ್ಳೆಯ ಸಮಯದ ಸೂಚನೆ. ಹಾಗಾಗಿ ಇದನ್ನು ಎಂದಿಗೂ ಹಂಚಿಕೊಳ್ಳಬಾರದು.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)