Muharram 2022: ದೇಶದೆಲ್ಲೆಡೆ ನಾಳೆ ಮೊಹರಂ ಸಂಭ್ರಮ; ಈ ಹಬ್ಬ ಆಚರಣೆ, ಇತಿಹಾಸ ಗೊತ್ತಾ?

ಮೊಹರಂ ತಿಂಗಳು ಇಸ್ಲಾಮಿಕ್ ಕ್ಯಾಲೆಂಡರ್‌ನ ಮೊದಲ ತಿಂಗಳು. ಮುಸ್ಲಿಂ ಸಮುದಾಯದ ಜನರಿಗೆ ಈ ತಿಂಗಳು ಬಹಳ ಮಹತ್ವದ್ದಾಗಿದೆ. ಈ ವರ್ಷ ಮೊಹರಂ ಜುಲೈ 31 ರಿಂದ ಪ್ರಾರಂಭವಾಗುತ್ತಿದೆ. ಮೊಹರಂನ 10 ನೇ ದಿನಾಂಕವನ್ನು ಯೌಮ್-ಎ-ಅಶುರಾ ಎಂದು ಕರೆಯಲಾಗುತ್ತದೆ. ಇದು ಇಸ್ಲಾಂ ಧರ್ಮದ ಪ್ರಮುಖ ದಿನವಾಗಿದೆ.

ಹಜರತ್ ಇಮಾಮ್ ಹುಸೇನ್ ಮೊಹರಂ ತಿಂಗಳಲ್ಲಿ ಹುತಾತ್ಮರಾದರು ಎಂದು ಹೇಳಲಾಗುತ್ತದೆ. ಇಸ್ಲಾಂ ಧರ್ಮದ ಸಂಸ್ಥಾಪಕ ಹಜರತ್ ಇಮಾಮ್ ಹುಸೇನ್ ಅವರ ಮೊಮ್ಮಗ ಹಜರತ್ ಮುಹಮ್ಮದ್ ನೆನಪಿಗಾಗಿ ಈ ಮೊಹರಂ ಆಚರಣೆ ಮಾಡಲಾಗುವುದು.

ಹಜರತ್ ಇಮಾಮ್ ಹುಸೇನ್ ಅವರ ಹುತಾತ್ಮರಾದ ನೆನಪಿಗಾಗಿ, ಮೊಹರಂ ತಿಂಗಳ 10 ನೇ ದಿನದಂದು, ಜನರು ಶೋಕವನ್ನು ಆಚರಿಸುತ್ತಾರೆ. ಇದನ್ನು ಅಶುರಾ ಎಂದು ಕರೆಯಲಾಗುತ್ತದೆ. ಅಶುರಾ ಎಂದರೆಶೋಕ ದಿನ. ಈ ದಿನ ಮುಸ್ಲಿಂ ಸಮುದಾಯದವರು ಶೋಕವನ್ನು ಆಚರಿಸುತ್ತಾರೆ.

ಸುಮಾರು 1400 ವರ್ಷಗಳ ಹಿಂದೆ, ಕರ್ಬಲಾ ಯುದ್ಧದಲ್ಲಿ ಇಮಾಮ್ ಹುಸೇನ್ ಅವರ ಶಿರಚ್ಛೇದ ಮಾಡಲಾಯಿತು. ಈ ದಿನದ ನೆನಪಿಗೆ ಅವರ ನೆನಪಿಗಾಗಿ ಮೆರವಣಿಗೆಗಳು ಮತ್ತು ತಾಜಿಯಾವನ್ನು ತೆಗೆದುಕೊಳ್ಳುವ ಸಂಪ್ರದಾಯವಿದೆ.

ಭಾರತದಲ್ಲಿ ಈ ವರ್ಷ ಮೊಹರಂ ಜುಲೈ 31 ರಂದು ಪ್ರಾರಂಭವಾಗಿದೆ. ಈ ಹಿನ್ನಲೆ ಅಶುರಾ ಆಗಸ್ಟ್ 9ರಂದು ಆಚರಿಸುತ್ತಾರೆ. ಅಶುರಾ ದಿನದಂದು, ಇಸ್ಲಾಂನಲ್ಲಿ, ಶಿಯಾ ಸಮುದಾಯದ ಜನರು ತಾಜಿಯಾವನ್ನು ತೆಗೆದುಕೊಂಡು ಶೋಕವನ್ನು ಆಚರಿಸುತ್ತಾರೆ. ಇರಾಕ್‌ನಲ್ಲಿ ಹಜರತ್ ಇಮಾಮ್ ಹುಸೇನ್ ಅವರ ಸಮಾಧಿ ಇದೆ.

ಮುಸ್ಲಿಂ ಸಮುದಾಯದವರು ಈ ಹಬ್ಬವನ್ನು  ಶೋಕಾಚರಣೆಯ ಸಂಕೇತವಾಗಿ ಆಚರಿಸುತ್ತಾರೆ.  ಶಿಯಾ ಮುಸ್ಲಿಮರು ಇಮಾಮ್ ಹುಸೇನ್ ಅವರ ನೆನಪಿಗಾಗಿ ಹತ್ತು ದಿನಗಳ ಕಾಲ ಶೋಕಿಸುತ್ತಾರೆ.

ಈ ವೇಳೆ ಆಲಾಯಿ ಕುಣಿತ, ಮೊಹರಂ ಪದಗಳನ್ನು ಹಾಡುವುದು, ದೇವರ ಕುಣಿತ, ಬೆಂಕಿಯಲ್ಲಿ ನಡೆದಾಡುವುದು ಸೇರಿದಂತೆ ವಿವಿಧ ಆಚರಣೆಗಳನ್ನು ಕೂಡ ನಡೆಸಲಾಗುವುದು.

ಕರ್ನಾಟಕದಲ್ಲಿ ಈ ಹಬ್ಬ ಭಾವೈಕ್ಯತೆ ಸಾರುವ ಹಬ್ಬವಾಗಿದೆ. ಅನೇಕ ಕಡೆ ಈ ಹಬ್ಬವನ್ನು ಹಿಂದೂ-ಮುಸಲ್ಮಾನರು ಒಟ್ಟಾಗಿ ಆಚರಿಸುತ್ತಾರೆ.