Mohini Ekadashi: ಈ ದಿನ ಒಂದು ಕೆಲಸ ಮಾಡಿದ್ರೆ ಸಾಕು ವಿಷ್ಣು ಕೃಪೆ ನಿಮ್ಮ ಮೇಲಿರುತ್ತೆ

ಭಗವಾನ್ ವಿಷ್ಣುವು ತನ್ನ ಸ್ತ್ರೀ ಅವತಾರವಾದ ಮೋಹಿನಿಯ ರೂಪವನ್ನು ಪಡೆದ ದಿನದ ನೆನಪಿಗಾಗಿ ಮೋಹಿನಿ ಏಕಾದಶಿಯನ್ನು ಹಿಂದೂಗಳು ಆಚರಿಸುತ್ತಾರೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ, ಈ ಏಕಾದಶಿಯು ಎಲ್ಲಾ ಪಾಪಗಳನ್ನು ಮತ್ತು ದುಃಖಗಳನ್ನು ಹೋಗಲಾಡಿಸುತ್ತದೆ. ಅಲ್ಲದೇ, ಸಂಪತ್ತು ಮತ್ತು ಅದೃಷ್ಟವನ್ನು ಹೆಚ್ಚಿಸುತ್ತದೆ.

ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಈ ಬಾರಿ ಮೋಹಿನಿ ಏಕಾದಶಿ ಮೇ 1 ರಂದು ಬರುತ್ತದೆ. ಇದರ ಶುಭ ಸಮಯವು ಏಪ್ರಿಲ್ 30 ರಂದು ರಾತ್ರಿ 8:28 ಕ್ಕೆ ಪ್ರಾರಂಭವಾಗುತ್ತದೆ ಮತ್ತು ಮೇ 1 ರಂದು ರಾತ್ರಿ 10:09 ಕ್ಕೆ ಕೊನೆಗೊಳ್ಳುತ್ತದೆ.

ಮೋಹಿನಿ ಏಕಾದಶಿಯಂದು ಶ್ರೀವಿಷ್ಣುವನ್ನು ವಿಧಿ ವಿಧಾನಗಳ ಪ್ರಕಾರ ಪೂಜಿಸಲಾಗುತ್ತದೆ. ಬ್ರಹ್ಮಾಂಡವನ್ನು ರಾಕ್ಷಸರಿಂದ ರಕ್ಷಿಸಲು ಈ ದಿನದಂದು ಭಗವಾನ್ ವಿಷ್ಣು ಮೋಹಿನಿಯಾಗಿ ಅವತರಿಸಿದ ಎನ್ನುವ ನಂಬಿಕೆ ಇದೆ.

ಒಂದು ದಂತಕಥೆಯ ಪ್ರಕಾರ, ಸಮುದ್ರ ಮಂಥನ ನಡೆಯುತ್ತಿರುವಾಗ, ಅಮೃತ ಸಿಗುತ್ತದೆ. ಆ ಅಮೃತಕ್ಕಾಗಿ ರಾಕ್ಷಸರು ಮತ್ತು ದೇವತೆಗಳ ನಡುವೆ ಯುದ್ಧವಾಗುತ್ತದೆ. ಆಗ ವಿಷ್ಣುವು ದೇವತೆಗಳನ್ನು ರಕ್ಷಿಸಲು ಮೋಹಿನಿಯ ರೂಪವನ್ನು ತಳೆದನು. ನಂತರ ರಾಕ್ಷಸರನ್ನು ತನ್ನ ಭ್ರಮೆಯಲ್ಲಿ ಸಿಲುಕಿಸಿ ಎಲ್ಲಾ ದೇವತೆಗಳಿಗೆ ಅಮೃತ ಸಿಗುವಂತೆ ಮಾಡುತ್ತಾನೆ.

ವಿಷ್ಣುವು ಮೋಹಿನಿಯ ರೂಪದಲ್ಲಿ ತನ್ನ ಸೌಂದರ್ಯದಿಂದ ರಾಕ್ಷಸರನ್ನು ನಾಶಪಡಿಸಿ ದೇವತೆಗಳಿಗೆ ಮಾತ್ರ ಅಮೃತವನ್ನು ನೀಡಿ ಕಣ್ಮರೆಯಾದನು. ಈ ಮೋಹಕ ರೂಪವನ್ನು ನೋಡಿದ ಶಿವನ ಮನಸ್ಸು ನಿಜಕ್ಕೂ ರೋಮಾಂಚನಗೊಂಡಿತ್ತು. ಆದರೆ ಅದರ ನಂತರ ಮತ್ತೆ ರಾಕ್ಷಸನೊಬ್ಬನಿಂದ ಮುಕ್ತಿ ಪಡೆಯಲು ವಿಷ್ಣು ಮೋಹಿನಿ ಅವತಾರ ತಾಳುತ್ತಾನೆ. ಆಗ ಹರಿಹರನಿಗೆ ಹುಟ್ಟಿದವನೇ ಅಯ್ಯಪ್ಪಸ್ವಾಮಿ ಎಂದು ಹೇಳಲಾಗುತ್ತದೆ.

ಇನ್ನು ಈ ಏಕಾದಶಿಯಂದು ನಿಯಮಗಳ ಪ್ರಕಾರ, ಏಕಾದಶಿಯಂದು ಭಗವಾನ್ ಹರಿವಿಷ್ಣುವನ್ನು ಪೂಜಿಸುವುದರಿಂದ ಎಲ್ಲಾ ಪಾಪಗಳು ನಾಶವಾಗುತ್ತವೆ. ಮನೆಯಲ್ಲಿ ಸಂತೋಷ, ಶಾಂತಿ, ಸಂಪತ್ತು ಮತ್ತು ಸಮೃದ್ಧಿ ಇರುತ್ತದೆ.

ಪ್ರತಿ ಏಕಾದಶಿ ತಿಥಿಯು ಹಿಂದಿನ ಕಾಲದಿಂದಲೂ ವಿಶಿಷ್ಟವಾಗಿದೆ. ಅದು ಹುಣ್ಣಿಮೆಗೆ ಮುಂಚಿನ ಶುಕ್ಲಪಕ್ಷ ಏಕಾದಶಿಯಾಗಿರಲಿ ಅಥವಾ ಅಮವಾಸ್ಯೆಯ ಹಿಂದಿನ ಮಣಿಪಕ್ಷ ಏಕಾದಶಿಯಾಗಿರಲಿ. ಪ್ರತಿ ಏಕಾದಶಿಯು ಅದರ ವಿಶೇಷತೆಯನ್ನು ಹೊಂದಿರುತ್ತದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)