Baby Name: ನಾಮಕರಣ ಮಾಡುವಾಗ ಈ ಮಿಸ್ಟೇಕ್ ಆದ್ರೆ ಮಗುವಿನ ಲೈಫೇ ಹಾಳಾಗುತ್ತೆ

ಮನೆಯಲ್ಲಿ ಮಕ್ಕಳು ಹುಟ್ಟಿದಾಗ ಪೋಷಕರ ಸಂಪ್ರದಾಯದಂತೆ ವಿವಿಧ ಕಾರ್ಯಗಳನ್ನು ಮಾಡುತ್ತಾರೆ. ಸಾಮಾನ್ಯವಾಗಿ ಹುಟ್ಟಿದ 10ನೇ ದಿನ ಅಥವಾ 100ನೇ ದಿನ ಮಗುವಿಗೆ ನಾಮಕರಣ ಮಾಡಲಾಗುತ್ತದೆ. ಆದರೆ ಈ ನಾಮಕರಣ ಮಾಡುವಾಗ ಕೆಲ ನಿಯಮಗಳನ್ನು ಫಾಲೋ ಮಾಡಬೇಕಾಗುತ್ತದೆ.

ಮಗುವಿಗೆ ನಾಮಕರಣ ಮಾಡುವ ದಿನ ಪೂಜೆ ಮಾಡಿಸಬೇಕು. ಅಲ್ಲದೇ ಅನ್ನದಾನ ಮಾಡುವುದು ಬಹಳ ಶ್ರೇಷ್ಠ ಎನ್ನಲಾಗುತ್ತದೆ. ಹಾಗೆಯೇ ಮಗುವಿನ ಜಾತಕದ ಅನುಸಾರವೇ ಈ ನಾಮಕರಣ ಶಾಸ್ತ್ರವನ್ನು ಮಾಡಬೇಕು ಎನ್ನುತ್ತದೆ ಜ್ತೋತಿಷ್ಯ.

ಮಗುವಿನ ನಾಮಕರಣವನ್ನು ಮನೆಯಲ್ಲಿ ಮಾಡಿದರೆ ಬಹಳ ಶುಭವಂತೆ. ಮನೆಯಲ್ಲಿ ಮಾಡಲು ಸಾಧ್ಯವಾಗದಿದ್ದರೆ ಮಾತ್ರ ದೇವಾಲಯಗಳಲ್ಲಿ ಮಾಡಿದರೆ ಉತ್ತಮ. ಅದರಲ್ಲೂ ಹೋಮ-ಹವನಗಳು ಮಾಡುವ ಜಾಗದಲ್ಲಿ ಇದನ್ನು ಮಾಡಿದರೆ ಬಹಳ ಒಳ್ಳೆಯದಾಗುತ್ತದೆ,

ಇನ್ನು ಯಾವಾಗಲೂ ಪೂಜೆ ಮಾಡಲು ಇಡುವ ಕಲಶದ ಮೇಲೆ ಓಂ ಮತ್ತು ಸ್ವಸ್ತಿಕ್ ಬರೆದಿರಬೇಕು. ಇದು ಬಹಳ ಶುಭ ಸಂಕೇತ ಎನ್ನಲಾಗುತ್ತದೆ. ಇನ್ನು ನಾಮಕರಣದ ದಿನ ಮಗುವನ್ನು ಸೂರ್ಯನ ಬಿಸಿಲಿಗೆ ಕರೆದುಕೊಂಡು ಹೋಗಿ ಸೂರ್ಯನ ದರ್ಶನ ಮಾಡಿಸಿ.

ಇನ್ನು ನಾಮಕರಣ ನಡೆಯುವ ಸ್ಥಳಕ್ಕೆ ಮಗುವನ್ನು ಕರೆದುಕೊಂಡು ಹೋಗುವ ಮೊದಲು ಸೊಂಟಕ್ಕೆ ರೇಷ್ಮೇ ದಾರವನ್ನು ಕಟ್ಟಿದರೆ ಉತ್ತಮ. ಇದರಿಂದ ದೃಷ್ಟಿ ಆಗುವುದಿಲ್ಲ. ಹಾಗೆಯೇ ಈ ದಿನ 5 ಮುತ್ತೈದೆಯರಿಗೆ ಬಾಗಿನ ಕೊಡಬೇಕು.

ಮಗುವಿನ ಹೆಸರನ್ನು ಬರೆಯುವ ಫಲಕ ಅಥವಾ ಸ್ಲೇಟ್ ಹೊಸದಾಗಿರಬೇಕು. ಹಳೆಯ ಸ್ಲೇಟ್​ ಮೇಲೆ ಮಗುವಿನ ಹೆಸರನ್ನು ಬರೆಯಬಾರರು. ಹಾಗೆಯೇ, ಈ ದಿನ ಮಗು ತಾಯಿಯ ಜೊತೆ ಇದ್ದರೆ ಬಹಳ ಉತ್ತಮ.

ಚತುರ್ದಶಿ, ಅಷ್ಟಮಿ, ಅಮಾವಾಸ್ಯೆ ಮತ್ತು ಹುಣ್ಣಿಮೆಯ ದಿನ ಹಾಗೂ ಚತುರ್ಥಿ ತಿಥಿ, ನವಮಿ ತಿಥಿ, ಚತುರ್ದಶಿ ತಿಥಿ ಮತ್ತು ಖಾಲಿ ತಿಥಿಯಂದು ಯಾವುದೇ ಕಾರಣಕ್ಕೂ ಮಗುವಿಗೆ ಹೆಸರಿಡಬಾರದು. ಇದು ಅಶುಭ ಎನ್ನಲಾಗುತ್ತದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)