Lucky May Month: ಇನ್ನೊಂದು ತಿಂಗಳು ಈ ರಾಶಿಯವರೇ ಕಿಂಗ್, ನೀವ್ ಆಡಿದ್ದೇ ಆಟ

ಯಾವುದೇ ಗ್ರಹವಾದರೂ ಸರಿ ಆಗಾಗ ತನ್ನ ರಾಶಿ ಬದಲಾವಣೆ ಮಾಡುತ್ತವೆ. ಕೆಲ ಗ್ರಹಗಳು ಒಂದೊಂದು ತಿಂಗಳಿಗೆ ರಾಶಿ ಚೇಂಜ್ ಮಾಡಿದರೆ, ಕೆಲವೊಂದು ವರ್ಷಗಳ ಕಾಲ ಒಂದೇ ಸ್ಥಳದಲ್ಲಿ ಇರುತ್ತದೆ. ಹಾಗೆಯೇ ಈ ಗ್ರಹಗಳ ಸಂಚಾರ ಎಲ್ಲಾ ರಾಶಿಯವರ ಮೇಲೆ ಪರಿಣಾಮ ಬೀರುತ್ತದೆ.

ಇನ್ನು ಮೇ 15 ರಂದು ಗ್ರಹಗಳ ರಾಜ ಸೂರ್ಯ ವೃಷಭ ರಾಶಿಗೆ ಪ್ರವೇಶ ಮಾಡಲಿದ್ದು, ಇದರಿಂದ ಸಹ ಅನೇಕ ರಾಶಿಗಳ ಜೀವನದಲ್ಲಿ ಬದಲಾವಣೆ ಆಗಲಿದೆ. ಅಲ್ಲದೇ, ಸಂಪತ್ತು ಹಾಗೂ ಸಂತೋಷದ ಅಧಿಪತಿಯಾದ ಶುಕ್ರ ಸಹ ಇದೇ ತಿಂಗಳು ರಾಶಿ ಬದಲಾವಣೆ ಮಾಡಲಿದ್ದಾರೆ.

ಶುಕ್ರವು ಮೇ 02 ರಂದು ಮಿಥುನ ರಾಶಿಯನ್ನು ಪ್ರವೇಶಿಸಲಿದ್ದು, ಮೇ 30ರವರೆಗೆ ಇದೇ ರಾಶಿಯಲ್ಲಿರುತ್ತಾನೆ. ಹಾಗೆಯೇ ಮೇ 10 ರಂದು, ಮಂಗಳ ಕಟಕ ರಾಶಿಯನ್ನು ಪ್ರವೇಶ ಮಾಡಲಿದೆ. ಒಟ್ಟಾರೆ ಈ ತಿಂಗಳು 3 ಗ್ರಹಗಳ ಸಂಚಾರ ಇರಲಿದ್ದು, ಅದರಿಂದ 4 ರಾಶಿಯವರಿಗೆ ಬಹಳ ಲಾಭವಾಗಲಿದೆ. ಆ ರಾಶಿಗಳು ಯಾವುವು ಎಂಬುದು ಇಲ್ಲಿದೆ.

ಮಿಥುನ ರಾಶಿ: ಈ 3 ಗ್ರಹಗಳ ಸಂಚಾರದಿಂದ ಮಿಥುನ ರಾಶಿಯವರ ಜೀವನದಲ್ಲಿ ಹೊಸ ದಾರಿ ಸಿಗಲಿದೆ. ಇಷ್ಟು ದಿನ ಪಟ್ಟಿದ್ದ ಪ್ರತಿಯೊಂದು ಕಷ್ಟಕ್ಕೆ ಈಗ ಫಲ ಸಿಗಲಿದ್ದು, ಬಹಳ ಸಂತೋಷದ ಜೀವನ ನಿಮ್ಮದಾಗುತ್ತದೆ. ಅಲ್ಲದೇ, ಈ ಸಮಯದಲ್ಲಿ ಆರ್ಥಿಕವಾಗಿ ಸಹ ದೊಡ್ಡ ಲಾಭವಾಗುತ್ತದೆ.

ಸಿಂಹ ರಾಶಿ: ಈ ತಿಂಗಳು ಪೂರ್ತಿ ಸಿಂಹ ರಾಶಿಯವರೇ ರಾಜರು ಎನ್ನಬಹುದು. ಇನ್ನು ಆರ್ಥಿಕ ಸಮಸ್ಯೆಗಳಿಗೆ ಸಹ ಈ ಸಮಯದಲ್ಲಿ ಪರಿಹಾರ ಸಿಗುತ್ತದೆ. ಅಲ್ಲದೇ, ವ್ಯಾಪಾರ ಹಾಗೂ ವ್ಯವಹಾರದಲ್ಲಿ ಸಹ ಅನೇಕ ರೀತಿಯಾಗಿ ಲಾಭ ಸಿಗಲಿದ್ದು, ನೀವು ಮಾಡುವ ಪ್ರತಿ ಕೆಲಸದಲ್ಲಿ ಯಶಸ್ಸು ಸಿಗಲಿದೆ.

ವೃಶ್ಚಿಕ: ಈ ಸಂಚಾರದ ಕಾರಣದಿಂದ ವೃಶ್ಚಿಕ ರಾಶಿಯವರ ಜೀವನದಲ್ಲಿ ಬದಲಾವಣೆ ಆಗುತ್ತದೆ. ಕೆಲಸ ಹುಡುಕುತ್ತಿರುವವರಿಗೆ ಉತ್ತಮ ಉದ್ಯೋಗ, ಮದುವೆಗೆ ಸಂಬಂಧ ಹುಡುಕುತ್ತಿದ್ದರೆ ಒಳ್ಳೆಯ ಸಂಬಂಧ ಎಲ್ಲವೂ ಈ ಸಮಯದಲ್ಲಿ ಸಿಗುತ್ತದೆ. ಒಟ್ಟಾರೆ ಈ ತಿಂಗಳು ಬಹಳ ಲಕ್ಕಿ ಎನ್ನಬಹುದು.

ಮಕರ ರಾಶಿ: ಈ ತಿಂಗಳಲ್ಲಿ ಹೆಚ್ಚು ಲಾಭ ಪಡೆಯುವ ರಾಶಿ ಎಂದರೆ ಅದು ಮಕರ. ಏಕೆಂದರೆ ಇವರಿಗೆ ಉದ್ಯೋಗ ಮತ್ತು ವ್ಯವಹಾರ ಮಾತ್ರವಲ್ಲದೇ ವೈಯಕ್ತಿಕ ಜೀವನದಲ್ಲಿ ಸಹ ಸಂತೋಷ ಹಾಗೂ ಸಂಪತ್ತು ಹೆಚ್ಚಾಗುತ್ತದೆ. ಈ ಸಮಯದಲ್ಲಿ ಯಾವುದೇ ಹೂಡಿಕೆ ಮಾಡಿದರೂ ಸಹ ದೊಡ್ಡ ಲಾಭ ಸಿಗುತ್ತದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)