Makara Sankranti 2023: ಮಕರ ಸಂಕ್ರಾಂತಿ ಹಬ್ಬದ ದಿನ ಈ ತಪ್ಪು ಮಾಡಿದ್ರೆ ಶನಿ ನಿಮ್ಮ ಬೆನ್ನು ಬಿಡಲ್ಲ

ಸಂಕ್ರಾಂತಿ ಹಬ್ಬದ ಆಚರಣೆಗೆ ಈಗಾಗಲೇ ತಯಾರಿ ಆರಂಭವಾಗಿದೆ. ಎಳ್ಳು-ಬೆಲ್ಲದ ಮಿಶ್ರಣ ಮಾಡಲು ಭರದಿಂದ ಸಿದ್ಧತೆ ಸಾಗಿದೆ. ದೇಶದ ವಿವಿಧ ರಾಜ್ಯಗಳಲ್ಲಿ ಈ ಹಬ್ಬವನ್ನು ವಿಶಿಷ್ಟವಾಗಿ ಆಚರಣೆ ಮಾಡಲಾಗುತ್ತದೆ. ಆದರೆ ಈ ಹಬ್ಬದ ದಿನ ಕೆಲ ತಪ್ಪುಗಳನ್ನು ಮಾಡಬಾರದು. ಆ ತಪ್ಪುಗಳು ಯಾವುವು ಎಂಬುದು ಇಲ್ಲಿದೆ.

ಮಕರ ಸಂಕ್ರಾಂತಿ ಹಿಂದೂಗಳ ಪ್ರಮುಖ ಹಬ್ಬಗಳಲ್ಲಿ ಒಂದಾಗಿದೆ. ಈ ದಿನ ಸೂರ್ಯ ಧನು ರಾಶಿಯಿಂದ ಮಕರ ರಾಶಿಗೆ ಬರುತ್ತಾನೆ. ಅದಕ್ಕಾಗಿಯೇ ಈ ಹಬ್ಬವನ್ನು ಮಕರ ಸಂಕ್ರಾಂತಿ ಎಂದು ಕರೆಯಲಾಗುತ್ತದೆ. ಈ ಹಬ್ಬದಲ್ಲಿ ದಾನ, ಉಪವಾಸ ಮತ್ತು ಪೂಜೆ ಬಹಳ ಮುಖ್ಯ. ಸಂಕ್ರಾಂತಿಗೆ ಎಳ್ಳು ಕೂಡ ಬಹಳ ಮುಖ್ಯ.

ಸ್ನಾನ ಮಾಡದೆ ಊಟ ಮಾಡುವುದು: ಮಕರ ಸಂಕ್ರಾಂತಿಯ ದಿನದಂದು ನದಿಯಲ್ಲಿ ಅತವಾ ಗಂಗಾಜಲವನ್ನು ಹಾಕಿಕೊಂಡು ಸ್ನಾನ ಮಾಡಬೇಕು ಎನ್ನಲಾಗುತ್ತದೆ. ಇದರಿಂದ ರೋಗಗಳು ನಿವಾರಣೆಯಾಗುತ್ತದೆ ಎನ್ನುವ ನಂಬಿಕೆ ಹಾಗಾಗಿ. ಈ ದಿನ ಸ್ನಾನದ ನಂತರವೇ ಆಹಾರ ಸೇವಿಸಬೇಕು. ಸ್ನಾನ ಮಾಡದೇ ಆಹಾರ ಸೇವನೆ ಮಾಡಬೇಡಿ.

ದಾನ ಮಾಡದೇ ಇರಬೇಡಿ: ಸನಾತನ ಧರ್ಮದಲ್ಲಿ ಮಕರ ಸಂಕ್ರಾಂತಿ ಹಬ್ಬಕ್ಕೆ ವಿಶೇಷ ಮಹತ್ವವಿದೆ. ಈ ದಿನ ದಾನ ಮಾಡಿದರೆ 7 ಪುಣ್ಯ ನದಿಗಳಲ್ಲಿ ಸ್ನಾನ ಮಾಡಿದ ಫಲ ಸಿಗುತ್ತದೆ ಎಂದು ಹೇಳಲಾಗುತ್ತದೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ, ಈ ದಿನ ನಿಮ್ಮ ಮನೆಗೆ ಯಾವುದೇ ಸನ್ಯಾಸಿ ಅಥವಾ ಬಿಕ್ಷುಕ ಬಂದರೆ, ಅವರನ್ನು ಬರಿಗೈಯಲ್ಲಿ ಹೋಗಲು ಬಿಡಬೇಡಿ.

ಮರ ಕಡಿಯಬೇಡಿ: ಮಕರ ಸಂಕ್ರಾಂತಿ ರೈತರಿಗೆ ಬಹಳ ಮುಖ್ಯವಾದ ಹಬ್ಬ. ಈ ಹಬ್ಬಕ್ಕೂ ಪ್ರಕೃತಿಗೂ ಸಂಬಂಧವಿದೆ. ಹಾಗಾಗಿ ಈ ಹಬ್ಬದ ದಿನ ಮರಗಳನ್ನು ಕಡಿಯಬಾರದು. ಮರ ಕಡಿಯುವುದರಿಂದ ಪಾಪ ಸುತ್ತಿಕೊಳ್ಳುತ್ತದೆ.

ಬೆಳ್ಳುಳ್ಳಿ-ಈರುಳ್ಳಿ ತಿನ್ನಬೇಡಿ: ಮಕರ ಸಂಕ್ರಾಂತಿಯಂದು ಈರುಳ್ಳಿ ಮತ್ತು ಬೆಳ್ಳುಳ್ಳಿಯನ್ನು ಸೇವಿಸಬಾರದು. ಈ ಆಹಾರ ಸೇವಿಸಿದರೆ ಕೋಪದಲ್ಲಿ ಕೆಟ್ಟ ಮಾತುಗಳನ್ನಾಡುತ್ತಾರೆ ಹಾಗಾಗಿ ಈ ದಿನ ಸೌಮ್ಯವಾದ ಆಹಾರ ಸೇವನೆ ಮಾಡಬೇಕು.

ಹಾಲು ಕರೆಯಬಾರದು: ಧಾರ್ಮಿಕ ನಂಬಿಕೆಗಳ ಪ್ರಕಾರ, ಮಕರ ಸಂಕ್ರಾಂತಿಯ ದಿನದಂದು, ದನಗಳಿಂದ ಹಾಲು ಕರೆದು ಯಾರಿಗೂ ಕೊಡಬಾರದು. ನಾವು ಅವುಗಳನ್ನ ಈ ದಿನ ಪೂಜೆ ಮಾಡಬೇಕು.

ಮಾಂಸಾಹಾರ ಮತ್ತು ಮದ್ಯ ಸೇವನೆ ಬೇಡ: ಮಕರ ಸಂಕ್ರಾಂತಿ ಹಬ್ಬವನ್ನು ತ್ಯಾಗ ಮತ್ತು ಧರ್ಮದ ಸಂಕೇತವೆಂದು ಪರಿಗಣಿಸಲಾಗಿದೆ. ಆದ್ದರಿಂದ ಪ್ರತಿಯೊಬ್ಬ ವ್ಯಕ್ತಿಯೂ ಮಕರ ಸಂಕ್ರಾಂತಿಯಂದು ಮಾಂಸಾಹಾರ ಮತ್ತು ಮದ್ಯ ಸೇವಿಸುವುದನ್ನು ತಪ್ಪಿಸಬೇಕು. ಈ ದಿನ ಸಾತ್ವಿಕ ಆಹಾರವನ್ನು ಸೇವಿಸಬೇಕು.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)