Makara Sankranti 2023: ಈ ಬಾರಿ ಸಂಕ್ರಾಂತಿಗೆೆ ಈ 4 ರಾಶಿಗಳಿಗೆ ಸಿಹಿ ಬೆಲ್ಲ! ಉಳಿದ ರಾಶಿಗಳದ್ದು ಹೇಗಿದೆ ಫಲಾಫಲ?

ಮೇಷ - ಈ ರಾಶಿಯವರಿಗೆ ಸೂರ್ಯನು ಐದನೇ ಮನೆಯ ಅಧಿಪತಿ. ಆದರೆ ಹತ್ತನೇ ಮನೆಯಲ್ಲಿ ಸೂರ್ಯ ಸಂಕ್ರಮಣ ನಡೆಯಲಿದೆ. ಹಾಗಾಗಿ ಈ ಸಮಯದಲ್ಲಿ ಜವಾಬ್ದಾರಿಗಳು ಹೆಚ್ಚಾಗಲಿದೆ. ಕೆಲಸದಲ್ಲಿ ಭಡ್ತಿ ಸಹ ಸಿಗುವ ಸಾಧ್ಯತೆ ಇರುತ್ತದೆ. ನಿಮ್ಮ ಮಾತು ಮತ್ತು ಬುದ್ಧಿವಂತಿಕೆಯ ಬಲದ ಮೇಲೆ, ನೀವು ಅತ್ಯಂತ ಕಷ್ಟಕರವಾದ ಕಾರ್ಯಗಳನ್ನು ಸಹ ಮಾಡಲು ಸಾಧ್ಯವಾಗುತ್ತದೆ.

ವೃಷಭ ರಾಶಿ- ಈ ರಾಶಿಯವರಿಗೆ ಸೂರ್ಯ ನಾಲ್ಕನೇ ಮನೆಯ ಅಧಿಪತಿ. ಇದು ಆರೋಗ್ಯದ ಮನೆ ಎನ್ನಬಹುದು. ಹಾಗಾಗಿ ಈ ಸಮಯದಲ್ಲಿ ಅದೃಷ್ಟ ಇವರ ಜೊತೆ ಇರುತ್ತದೆ ಎನ್ನಬಹುದು. ಸೂರ್ಯನ ಕೃಪೆಯಿಂದ ಧಾರ್ಮಿಕ ಕ್ಷೇತ್ರಕ್ಕೆ ಪ್ರಯಾಣದ ಜೊತೆಗೆ ಗುರುಗಳ ಆಶೀರ್ವಾದವೂ ಸಿಗಲಿದೆ.

ಮಿಥುನ - ಈ ರಾಶಿಯವರಿಗೆ ಮೂರನೇ ಮನೆಯ ಅಧಿಪತಿ ಸೂರ್ಯ. ಇದು ಧೈರ್ಯ ಮತ್ತು ಶೌರ್ಯದ ಮನೆ ಎನ್ನಲಾಗುತ್ತದೆ. ಆದರೆ ಈ ಹಬ್ಬದ ಸಮಯದಲ್ಲಿ ಸೂರ್ಯ ಎಂಟನೇ ಮನೆಯಲ್ಲಿ ಸಾಗುತ್ತಾನೆ. ಈ ಮನೆಯಲ್ಲಿ ಕುಳಿತಿರುವ ಸೂರ್ಯನ ದೃಷ್ಟಿ ಈಗ ನಿಮ್ಮ ಎರಡನೇ ಮನೆಯ ಮೇಲೆ ಇರುತ್ತದೆ. ಹಾಗಾಗಿ ಈ ಸಮಯದಲ್ಲಿ ಸ್ವಲ್ಪ ಎಚ್ಚರಿಕೆಯಿಂದ ಇರಬೇಕು. ಮಾತಿನ ಬಗ್ಗೆ ನಿಗಾ ಇರಲಿ. ಸಮಸ್ಯೆಗಳು ಹೆಚ್ಚಾಗಬಹುದು.

ಕಟಕ ರಾಶಿ- ಈ ರಾಶಿಯವರಿಗೆ ಎರಡನೇ ಮನೆಯ ಅಧಿಪತಿ ಸೂರ್ಯ/ ಈ ಹಬ್ಬದ ಸಮಯದಲ್ಲಿ ನಿಮ್ಮ ಸಂಗಾತಿಯ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಬೇಕಾಗುತ್ತದೆ. ಉನ್ನತ ಅಧಿಕಾರಿಗಳು ಕೆಲಸದಲ್ಲಿ ನಿಮಗೆ ಸಹಕಾರವನ್ನು ನೀಡುವುದನ್ನು ಮುಂದುವರಿಸುತ್ತಾರೆ. ಈ ಸಮಯದಲ್ಲಿ ಅಳಿಯಂದಿರ ಜೊತೆ ಯಾವುದೇ ರೀತಿಯ ವಹಿವಾಟು ಮಾಡಬೇಡಿ.

ಸಿಂಹ - ಈ ರಾಶಿಯವರಿಗೆ ಸೂರ್ಯನು ಲಗ್ನದ ಅಧಿಪತಿ. ಹಬ್ಬದ ಸಮಯದಲ್ಲಿ ಸಿಂಹ ರಾಶಿಯವರಿಗೆ ಸೂರ್ಯನು ಆರನೇ ಮನೆಯಲ್ಲಿ ಸಾಗುತ್ತಾನೆ. ಈ ಮನೆಯಲ್ಲಿ ಕುಳಿತಿರುವ ಸೂರ್ಯನ ದೃಷ್ಟಿ ಈಗ ನಿಮ್ಮ ಹನ್ನೆರಡನೇ ಮನೆಯ ಮೇಲೆ ಇರುತ್ತದೆ. ಈ ಕಾರಣದಿಂದಾಗಿ ನಿಮ್ಮ ಎಲ್ಲಾ ಶತ್ರುಗಳು ನಾಶವಾಗುತ್ತಾರೆ. ಸಿಂಹ ರಾಶಿಯವರಿಗೆ ಉದ್ಯೋಗದಲ್ಲಿ ಉತ್ತಮ ಅವಕಾಶಗಳು ದೊರೆಯಲಿವೆ.

ಕನ್ಯಾ ರಾಶಿ - ಈ ರಾಶಿಯವರಿಗೆ ಸೂರ್ಯ ಹನ್ನೆರಡನೇ ಮನೆಯ ಅಧಿಪತಿ. ಸೂರ್ಯ ಈಗ ಐದನೇ ಮನೆಯ ಮೂಲಕ ಸಾಗುತ್ತಾನೆ. ಈ ಮನೆಯಲ್ಲಿ ಕುಳಿತಿರುವ ಸೂರ್ಯನ ದೃಷ್ಟಿ ಈಗ ನಿಮ್ಮ ಹನ್ನೊಂದನೇ ಮನೆಯ ಮೇಲೆ ಇರುತ್ತದೆ. ಸೂರ್ಯನ ಪ್ರಭಾವದಿಂದ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತಯಾರಿ ನಡೆಸುತ್ತಿರುವವರು ಯಶಸ್ಸನ್ನು ಪಡೆಯಲಿದ್ದಾರೆ. ಈ ಸಮಯದಲ್ಲಿ, ಷೇರು ಮಾರುಕಟ್ಟೆಗೆ ಸಂಬಂಧಿಸಿದ ವ್ಯವಹಾರದಲ್ಲಿ ಉತ್ತಮ ಲಾಭವನ್ನು ಪಡೆಯುವ ನಿರೀಕ್ಷೆಯಿದೆ.

ತುಲಾ- ಈ ರಾಶಿಯವರಿಗೆ ಹನ್ನೊಂದನೇ ಮನೆಯ ಅಧಿಪತಿ ಸೂರ್ಯ ಸೂರ್ಯನ ಪ್ರಭಾವದಿಂದಾಗಿ ನೀವು ಸ್ವಲ್ಪ ಮಾನಸಿಕ ಒತ್ತಡವನ್ನು ಅನುಭವಿಸುವ ಸಾಧ್ಯತೆಯಿದೆ. ಯಾವುದೇ ಹೊಸ ಕೆಲಸವನ್ನು ಪ್ರಾರಂಭಿಸಲು ಇದು ಸೂಕ್ತವಾದ ಸಮಯ ಎನ್ನಬಹುದು.

ವೃಶ್ಚಿಕ ರಾಶಿ- ಈ ರಾಶಿಯವರಿಗೆ ಹತ್ತನೇ ಮನೆಯ ಅಧಿಪತಿ ಸೂರ್ಯ. ವೃಶ್ಚಿಕ ರಾಶಿಯವರಿಗೆ, ಸೂರ್ಯನು ಈಗ ಮೂರನೇ ಮನೆಯಲ್ಲಿ ಸಾಗಲಿದ್ದಾನೆ. ಸರ್ಕಾರಿ ಕೆಲಸ ಹುಡುಕುತ್ತಿರುವವರಿಗೆ ಲಾಭದಾಯಕವಾಗಲಿದೆ. ಅಲ್ಲದೇ ಈ ಸಮಯದಲ್ಲಿ ತಂದೆಯಿಂದ ಸಹ ಬೆಂಬಲ ಸಿಗಲಿದೆ. ಇನ್ನು ಹೊಸ ಯೋಜನೆ ಆರಂಭಿಸಲು ಸೂಕ್ತವಾದ ಸಮಯ.

ಧನು ರಾಶಿ- ಈ ರಾಶಿಯವರಿಗೆ ಒಂಬತ್ತನೇ ಮನೆಯ ಅಧಿಪತಿ ಸೂರ್ಯ. ಸೂರ್ಯನ ಕಣ್ಣು ಈಗ ನಿಮ್ಮ ಎಂಟನೇ ಮನೆಯ ಮೇಲೆ ಇರುತ್ತದೆ. ಸೂರ್ಯನ ಈ ಸಂಚಾರದಿಂದ ನಿಮ್ಮ ಖರ್ಚುಗಳು ಹೆಚ್ಚಾಗಬಹುದು. ಈ ಸಮಯದಲ್ಲಿ ನೀವು ಡ್ರೈವ್ ಮಾಡುವಾಗ ತುಂಬಾ ಜಾಗರೂಕರಾಗಿರಬೇಕು. ಈ ಸಮಯದಲ್ಲಿ ನೀವು ಯಾವುದೇ ರೀತಿಯ ಕೌಟುಂಬಿಕ ಭಿನ್ನಾಭಿಪ್ರಾಯದಿಂದ ದೂರವಿರಬೇಕು.

ಮಕರ ರಾಶಿ - ಈ ರಾಶಿಯವರಿಗೆ, ಸೂರ್ಯನು ಎಂಟನೇ ಮನೆಯ ಅಧಿಪತಿಯಾಗಿದ್ದು, ಇದನ್ನು ಅಶುಭವೆಂದು ಪರಿಗಣಿಸಲಾಗಿದೆ. ಜೀವನದಲ್ಲಿ ಅಪಘಾತಗಳು ಮತ್ತು ಆಕಸ್ಮಿಕ ಘಟನೆಗಳು ಉಂಟಾಗಬಹುದು. ಸೂರ್ಯನ ದೃಷ್ಟಿ ಈಗ ನಿಮ್ಮ ಏಳನೇ ಮನೆಯ ಮೇಲೆ ಬೀಳಲಿದೆ. ಈ ಸಮಯದಲ್ಲಿ ನಿಮ್ಮ ಕೆಲಸದಲ್ಲಿ ಸ್ವಲ್ಪ ಸಮಸ್ಯೆ ಬರಬಹುದು. ನಿಮ್ಮ ತಂದೆಯೊಂದಿಗೆ ನಿಮಗೆ ಭಿನ್ನಾಭಿಪ್ರಾಯ ಮೂಡಉವ ಸಾಧ್ಯತೆ ಇದೆ.

ಕುಂಭ - ಸೂರ್ಯನ ಕಣ್ಣು ಈ ರಾಶಿಯ ಆರನೇ ಮನೆಯ ಮೇಲೆ ಇರುತ್ತದೆ. ಈ ಸಮಯದಲ್ಲಿ ಎಲ್ಲಾ ಕನಸುಗಳು ನಿಧಾನವಾಗಲಿದೆ. ಸರ್ಕಾರಿ ಉದ್ಯೋಗಗಳಿಗೆ ತಯಾರಿ ನಡೆಸುತ್ತಿರುವ ಜನರು ಸ್ವಲ್ಪ ತೊಂದರೆ ಅನುಭವಿಸಬಹುದು. ಆಮದು ಮತ್ತು ರಫ್ತಿಗೆ ಸಂಬಂಧಿಸಿದ ವ್ಯಾಪಾರ ವರ್ಗವು ಹಣಕಾಸಿನ ತೊಂದರೆಗಳನ್ನು ಎದುರಿಸಬಹುದು.

ಮೀನ - ಈ ರಾಶಿಯವರಿಗೆ ಸೂರ್ಯನು ಆರನೇ ಮನೆಯ ಅಧಿಪತಿ. ಹಬ್ಬದ ಸಮಯದಲ್ಲಿ ಮೀನ ರಾಶಿಯವರ ಜೀವನದಲ್ಲಿ ಸಂತೋಷದ ಸುರಿಮಳೆಯಾಗುವುದು. ಸೂರ್ಯನ ಪ್ರಭಾವದಿಂದ ನಿಮ್ಮ ಶತ್ರುಗಳು ನಾಶವಾಗುತ್ತಾರೆ. ವ್ಯಾಪಾರ ವರ್ಗದವರಿಗೆ ಲಾಭವಾಗುತ್ತದೆ.