Mahashivratri 2023: ಶಿವನ ಫೇವರೇಟ್​ ರಾಶಿಗಳಂತೆ ಇವು, ನಾಳೆಯಿಂದ ಇವರ ಗೆಲುವನ್ನು ತಡೆಯೋಕೆ ಆಗಲ್ಲ

ಹಿಂದೂ ಧರ್ಮದಲ್ಲಿ ಮಹಾಶಿವರಾತ್ರಿ ಹಬ್ಬವನ್ನು ಅತ್ಯಂತ ಮಂಗಳಕರವೆಂದು ಪರಿಗಣಿಸಲಾಗಿದೆ. ಮಹಾಶಿವರಾತ್ರಿಯ ದಿನದಂದು ಶಿವನ ದೇವಾಲಯಗಳಿಗೆ ಭಕ್ತರ ದಂಡೇ ಹರಿದುಬರುತ್ತದೆ. ಈ ದಿನ ಮಹಾದೇವನನ್ನು ದೇವಸ್ಥಾನ ಮತ್ತು ಮನೆಗಳಲ್ಲಿ ಪೂಜಿಸಲಾಗುತ್ತದೆ. ಹಿಂದೂ ಕ್ಯಾಲೆಂಡರ್ ಪ್ರಕಾರ, ಮಹಾಶಿವರಾತ್ರಿ ಹಬ್ಬವನ್ನು ಫಾಲ್ಗುಣ ಮಾಸದ ತ್ರಯೋದಶಿಯಂದು ಆಚರಿಸಲಾಗುತ್ತದೆ.

ಈ ವರ್ಷ ಮಹಾಶಿವರಾತ್ರಿ 18 ಫೆಬ್ರವರಿ 2023 ರಂದು ಬರಲಿದೆ. ಹಲವಾರು ಅಪರೂಪದ ಕಾಕತಾಳೀಯಗಳಿಂದಾಗಿ ಈ ವರ್ಷದ ಮಹಾಶಿವರಾತ್ರಿ ಮಹತ್ವ ಪಡೆಯುತ್ತಿದೆ. ಪುರಾಣಗಳ ಪ್ರಕಾರ, ಶಿವ ಮತ್ತು ಪಾರ್ವತಿಯ ವಿವಾಹವು ಈ ಶುಭ ದಿನದಂದು ನಡೆಯಿತು ಎಂದು ಹೇಳಲಾಗುತ್ತದೆ. ಆದ್ದರಿಂದಲೇ ಈ ದಿನ ಉಪವಾಸ ಮಾಡಿ ಶಿವನ ದರ್ಶನ ಮಾಡಿದರೆ ಭಗವಂತನ ಕೃಪೆ ಸಿಗುತ್ತದೆ ಎಂಬ ನಂಬಿಕೆ ಅನೇಕರದ್ದು.

ಮೇಷ: ಈ ರಾಶಿಯವರಿಗೆ ಮಂಗಳನು ಆಳ್ವಿಕೆ ನಡೆಸುವುದರಿಂದ ಶಿವನು ಈ ರಾಶಿಯವರಿಗೆ ವಿಶೇಷವಾದ ಅನುಗ್ರಹವನ್ನು ನೀಡುತ್ತಾನೆ. ಮಂಗಳ ಗ್ರಹವನ್ನು ಶಿವನ ಭಾಗವೆಂದು ಪರಿಗಣಿಸಲಾಗುತ್ತದೆ. ಹಿಂದೂ ಪುರಾಣಗಳ ಪ್ರಕಾರ, ಅಂಧಕಾಸುರ ಎಂಬ ರಾಕ್ಷಸನೊಂದಿಗೆ ಹೋರಾಡುವಾಗ, ಭಗವಾನ್ ಶಿವನ ಬೆವರಿನ ಒಂದು ಹನಿ ನೆಲಕ್ಕೆ ಅಪ್ಪಳಿಸಿತು. ಆಗ ಮಂಗಳ ಗ್ರಹ ಉದಯವಾಯಿತು.

ವೃಶ್ಚಿಕ ರಾಶಿ: ವೃಶ್ಚಿಕ ರಾಶಿಯವರಿಗೆ ಮಂಗಳ ಗ್ರಹ ಕೂಡ ಆಳುವ ಗ್ರಹ. ಈ ಶಿವರಾತ್ರಿಯಂದು ಶಿವನ ವಿಶೇಷ ಕೃಪೆಗೆ ಪಾತ್ರರಾಗುತ್ತಾರೆ. ಈ ಮಹಾಶಿವರಾತ್ರಿಯಂದು ದೇವಾಲಯಗಳಲ್ಲಿ ಶಿವನಿಗೆ ಅಭಿಷೇಕ ಮಾಡಿ. ಇದು ಕೆಲಸ ಮತ್ತು ವ್ಯವಹಾರದಲ್ಲಿ ಯಶಸ್ಸನ್ನು ಪಡೆಯಲು ಸಹಾಯ ಮಾಡುತ್ತದೆ.

ಮಕರ ರಾಶಿ: ಶನಿಯು ಮಕರ ರಾಶಿಯ ಅಧಿಪತಿ. ಶನಿ ಎಂದರೆ ಶಿವನಿಗೆ ಇಷ್ಟವಂತೆ. ಆದ್ದರಿಂದ ಮಕರ ರಾಶಿಯವರು ಶನಿ ಮತ್ತು ಮಹಾದೇವನಿಂದ ವಿಶೇಷ ಆಶೀರ್ವಾದವನ್ನು ಪಡೆಯುತ್ತಾರೆ. ಇವರು ಶಿವನ ಪೂಜೆಗೆ ಬಿಲ್ವಪತ್ರೆ, ಗಂಗಾಜಲ, ಹಸುವಿನ ಹಾಲು ಇತ್ಯಾದಿಗಳನ್ನು ಬಳಸಬೇಕು.

ಕುಂಭ: ಈ ರಾಶಿಯನ್ನು ಕೂಡ ಶನಿ ದೇವರು ಆಳುತ್ತಾನೆ. ಈ ರಾಶಿಯ ಜನರು ಶಿವ ಮತ್ತು ಶನಿ ದೇವರ ವಿಶೇಷ ಆಶೀರ್ವಾದವನ್ನು ಸಹ ಪಡೆಯುತ್ತಾರೆ. ಈ ರಾಶಿಯವರು ಶಿವರಾತ್ರಿಯ ದಿನ ಶಿವನನ್ನು ಪೂಜಿಸಬೇಕು. ಉಪವಾಸವನ್ನೂ ಮಾಡಬೇಕು. ಈ ರೀತಿ ಪೂಜೆ ಮಾಡುವುದರಿಂದ ವೃತ್ತಿ ಜೀವನದಲ್ಲಿ ಯಶಸ್ಸು ಸಿಗುತ್ತದೆ ಹಾಗೂ ಆದಾಯವೂ ಹೆಚ್ಚುತ್ತದೆ.

ಪೂಜಾ ವಿಧಾನ: ಮಹಾಶಿವರಾತ್ರಿಯಂದು ಉಪವಾಸದ ಸಮಯದಲ್ಲಿ ಮಣ್ಣಿನ ಪಾತ್ರೆಯಲ್ಲಿ ನೀರು ಅಥವಾ ಹಾಲನ್ನು ತುಂಬಿಸಿ ಅದರ ಮೇಲೆ ಬಿಲ್ವಪತ್ರೆ, ಹೂವು, ಅಕ್ಕಿ ಮುಂತಾದವುಗಳನ್ನು ಇಟ್ಟು ಶಿವಲಿಂಗಕ್ಕೆ ಅರ್ಪಿಸಬೇಕು. ಮನೆಯ ಹತ್ತಿರ ಯಾವುದೇ ಶಿವ ದೇವಾಲಯವಿಲ್ಲದಿದ್ದರೆ, ಮನೆಯಲ್ಲಿ ಶಿವಲಿಂಗವನ್ನು ಮಾಡಿ ಪೂಜಿಸಿ. ಈ ಸಮಯದಲ್ಲಿ ಶಿವನ ಪಂಚಾಕ್ಷರಿ ಮಂತ್ರವನ್ನು 108 ಬಾರಿ ಜಪಿಸಿ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)