Mahashivaratri 2023: ಶಿವರಾತ್ರಿ ದಿನ ಈ ತಪ್ಪು ಮಾಡಿದ್ರೆ ಬದುಕು ಹಾಳಾಗುತ್ತೆ

ಶರಣಾಗಿ ಬಂದವರನ್ನು ಆಶೀರ್ವದಿಸಿ, ಆಶ್ರಯ ನೀಡಿ ಕಷ್ಟಗಳನ್ನು ಪೂರೈಸುವ ಮಹಾದೇವ ಶಂಕರ ಎಂದರೆ ಭಕ್ತರಿಗೆ ಅದೇನೋ ಶಕ್ತಿ ಎನ್ನಬಹುದು. ನಾವು ಓಂ ನಮ:ಶಿವಾಯ ಅಥವಾ ಪಂಚಾಕ್ಷರಿ ಮಂತ್ರವನ್ನು ಪಠಿಸಿದರೆ ಮತ್ತು ಶಿವನನ್ನು ಧ್ಯಾನಿಸಿದರೆ, ಆತನ ಕೃಪೆ ಯಾವಾಗಲೂ ನಮ್ಮೊಂದಿಗೆ ಇರುತ್ತದೆ.

ಆ ಶಿವನನ್ನು ಮನಃಪೂರ್ವಕವಾಗಿ ಪೂಜಿಸಿ ಜಲಾಭಿಷೇಕ ಮಾಡಿ ಆ ಲಿಂಗದ ಮೇಲೆ ಬಿಲ್ವ ಎಲೆಗಳನ್ನು ಇಟ್ಟರೆ ಸಾಕು ಭಕ್ತನ ಇಷ್ಟಾರ್ಥಗಳನ್ನು ಸುಲಭವಾಗಿ ಪೂರೈಸುವವನೂ ಈ ಶಿವ. ಮಾಘ ಮಾಸದ ಬಾಲ ಚತರ್ದಶಿಯ ದಿನದಂದು ನಾವು ಮಹಾ ಶಿವರಾತ್ರಿಯನ್ನು ಆಚರಿಸುತ್ತೇವೆ. ಈ ಸಮಯದಲ್ಲಿ ನಾವು ಪಾಲಿಸಬೇಕಾದ ನಿಯಮಗಳ ಬಗ್ಗೆ ಕೆಲ ಮಾಹಿತಿ ಇಲ್ಲಿದೆ.

ಹಿಂದೂ ಧಾರ್ಮಿಕ ನಂಬಿಕೆಗಳ ಪ್ರಕಾರ, ಸೋಮವಾರ ಶಿವನನ್ನು ಮೆಚ್ಚಿಸಲು ಮತ್ತು ಆತನ ಆಶೀರ್ವಾದವನ್ನು ಪಡೆಯಲು ಅತ್ಯಂತ ಮಂಗಳಕರ ದಿನವಾಗಿದೆ. ಅದೂ ಅಲ್ಲದೇ ಮಾಸ ಶಿವರಾತ್ರಿಯ ದಿನ ಶಿವನನ್ನು ಪೂಜಿಸುವ ಭಕ್ತರು ಬೆಳಗ್ಗೆ ಬೇಗ ಎದ್ದು ಸ್ನಾನ ಮಾಡಿ ಶುಭ್ರವಾದ ಬಟ್ಟೆಯನ್ನು ಧರಿಸಬೇಕು

ಶಿವಾಲಯಕ್ಕೆ ಹೋದ ನಂತರ ಶಿವಲಿಂಗಕ್ಕೆ ಅಭಿಷೇಕ ಮಾಡಬೇಕು. ಉಪವಾಸ ಇರುವವರು ಚಂದ್ರ ದರ್ಶನದ ನಂತರ ರಾತ್ರಿ ಉಪವಾಸವನ್ನು ಬಿಡಬೇಕು. ಮೂರು ದಿನಕ್ಕೊಮ್ಮೆಯಾದರೂ ಹೀಗೆ ಮಾಡಿದರೆ ಇಷ್ಟಾರ್ಥಗಳು ಈಡೇರುತ್ತವೆ. ಕೆಲವರು ನಡುವೆ ಹಾಲು ಮತ್ತು ಹಣ್ಣುಗಳನ್ನು ತೆಗೆದುಕೊಳ್ಳಬಹುದು

ಶಿವಪೂಜೆಗೆ ಮೀಸಲಾದ ಸೋಮವಾರ ಅಥವಾ ಮಹಾಶಿವರಾತ್ರಿಯಂದು ಉಪವಾಸ ಮಾಡುವಾಗ ಕೆಲವು ನಿಯಮಗಳನ್ನು ನೆನಪಿಟ್ಟುಕೊಳ್ಳುವುದು ಮುಖ್ಯ. ಶಿವನ ಪೂಜೆಯಲ್ಲಿ ನಾವೆಲ್ಲರೂ ಹಾಲಿನಿಂದ ಅಭಿಷೇಕ ಮಾಡುತ್ತೇವೆ. ಹಾಲಿನೊಂದಿಗೆ ಅಭಿಷೇಕ ಮಾಡುವಾಗ ಯಾವುದೇ ಸಂದರ್ಭದಲ್ಲೂ ತಾಮ್ರದ ಪಾತ್ರೆ ಬಳಸದಂತೆ ಎಚ್ಚರಿಕೆ ವಹಿಸಬೇಕು. ತಾಮ್ರದ ಪಾತ್ರೆಯಲ್ಲಿ ಹಾಲನ್ನು ಸುರಿಯುವುದರಿಂದ ವಿಷವಾಗುತ್ತದೆ. ಹಾಗಾದ್ರೆ, ಸ್ಟೀಲ್ ಬಟ್ಟಲಿನಲ್ಲಿ ಅಲ್ಲದಿದ್ದರೂ ಮಣ್ಣಿನ ಪಾತ್ರೆಯಲ್ಲಿ ಹಾಲಿನ ಅಭಿಷೇಕ ಮಾಡಿದರೆ ಅದು ಉತ್ತಮ.

ಶಿವರಾತ್ರಿಯ ದಿನ ವಿಶೇಷ ಪೂಜೆಗಳನ್ನು ಶ್ರದ್ಧಾ ಭಕ್ತಿಯಿಂದ ಮಾಡಲಾಗುತ್ತದೆ. ಈ ಒಂದು ದಿನ ಪರಮಾತ್ಮನನ್ನು ಸ್ಮರಿಸಿದರೆ ತಮ್ಮ ಇಷ್ಟಾರ್ಥಗಳು ನೆರವೇರುತ್ತವೆ ಎಂದು ಅನೇಕ ಭಕ್ತರು ನಂಬುತ್ತಾರೆ. ಪುರಾಣಗಳ ಪ್ರಕಾರ ಪಂಚಾಕ್ಷರಿ ಮಂತ್ರದಲ್ಲಿರುವ ಶಿವ ಎಂಬ ಎರಡು ಅಕ್ಷರಗಳು ಬಹಳ ಶ್ರೇಷ್ಠವಾಗಿವೆ

ಪೂಜೆಯ ಸಮಯದಲ್ಲಿ, ಶಿವಲಿಂಗಕ್ಕೆ ಹಾಲು, ಮೊಸರು, ಜೇನುತುಪ್ಪ ಮತ್ತು ಸಕ್ಕರೆಯಂತಹ ಪಂಚಾಮೃತಾಭಿಷೇಕದ ನಂತರ ನೀರಿನಿಂದ ಅಭಿಷೇಕ ಮಾಡಬೇಕು. ಹಾಗೆ ಮಾಡಿದರೆ ಮಾತ್ರ ಸಂಪೂರ್ಣ ಅಭಿಷೇಕದ ಫಲ ಸಿಗುತ್ತದೆ

ಹಿಂದೂ ಧಾರ್ಮಿಕ ನಂಬಿಕೆಗಳ ಪ್ರಕಾರ, ವಿಭೂತಿಯಿಂದ ಅಲಂಕರಿಸಿದ ನಂತರ ಅಭಿಷೇಕದ ನಂತರ ಶ್ರೀಗಂಧದಿಂದ ತಿಲಕವನ್ನು ಶಿವನಿಗೆ ಹಚ್ಚಬೇಕು. ಯಾವುದೇ ಸಂದರ್ಭದಲ್ಲೂ ಸಿಂಧೂರ ತಿಲಕವನ್ನು ಹಚ್ಚಬೇಡಿ. ಶಿವನ ದೇವಸ್ಥಾನದಲ್ಲಿ ಶಿವಲಿಂಗದ ಸಂಪೂರ್ಣ ಪ್ರದಕ್ಷಿಣೆಯನ್ನು ಮಾಡಬಾರದು.