Maga Masa 2023: ಮಾಘ ಮಾಸದಲ್ಲಿದೆ ಸಾಲು ಸಾಲು ಹಬ್ಬಗಳು, ಇಲ್ಲಿದೆ ನೋಡಿ ಮಾಹಿತಿ

ಮಾಘ ಮಾಸವನ್ನು ಹಿಂದೂ ಕ್ಯಾಲೆಂಡರ್ ಪ್ರಕಾರ ಹನ್ನೊಂದನೇಯ ತಿಂಗಳು. ಈ ಮಾಸ ವಿಷ್ಣುವಿನ ಪ್ರೀತಿಯ ತಿಂಗಳು ಎನ್ನಲಾಗುತ್ತದೆ. ಈ ಸಮಯದಲ್ಲಿಯೇ ಕೆಲ ಹಬ್ಬಗಳು ಬರುತ್ತದೆ. ಈ ಸಮಯದಲ್ಲಿ ಕೆಲ ಕಟ್ಟುನಿಟ್ಟಿನ ನಿಯಮ ಫಾಲೋ ಮಾಡುವುದರಿಂದ ಸಮಸ್ಯೆಗಳು ನಿವಾರಣೆಯಾಗುತ್ತದೆ ಎನ್ನಲಾಗುತ್ತದೆ.

ಈ ಮಾಸದಲ್ಲಿಯೇ ಶಿವರಾತ್ರಿ ಸಹ ಬರುವುದರಿಂದ ಈ ಸಮಯದಲ್ಲಿ ವಿಷ್ಣು ಹಾಗೂ ಶಿವ ಆರಾಧನೆ ಮಾಡಿದರೆ ಪಾಪಗಳು ನಿವಾರಣೆಯಾಗುತ್ತದೆ ಎನ್ನುವ ನಂಬಿಕೆ ಇದೆ. ಅಲ್ಲದೇ ಆರೋಗ್ಯ ಸಮಸ್ಯೆಗೆ ಪರಿಹಾರ ಸೇರಿದಂತೆ ಪುಣ್ಯ ಸಂಪಾದಿಸಲು ಇದು ಸೂಕ್ತವಾದ ಕಾಲ ಎನ್ನಲಾಗುತ್ತದೆ.

ಇನ್ನು ಕರ್ನಾಟಕದ ಪಂಚಾಂಗದ ಅನುಸಾರ ಈ ಮಾಘ ಮಾಸ ಜನವರಿ 22 ರಿಂದ ಆರಂಭವಾಗಿ ಫೆಬ್ರವರಿ 20ಕ್ಕೆ ಮುಗಿಯುತ್ತದೆ. ಆದರೆ ಉತ್ತರ ಭಾರತದ ಪಂಚಾಂಗದ ಪ್ರಕಾರ ಮಾಘ ಮಾಸ ಈಗಾಗಲೇ ಆರಂಭವಾಗಿದ್ದು, ಜನವರಿ 7 ರಿಂದ ಆರಂಭವಾಗಿ ಫೆಬ್ರವರಿ 5ಕ್ಕೆ ಕೊನೆಯಾಗಲಿದೆ,

ಹಾಗೆಯೇ ಮರಾಠಿ, ಗುಜರಾತಿ ಮತ್ತು ತೆಲುಗು ಪಂಚಾಂಗದ ಪ್ರಕಾರ ಮಾಘ ಮಾಸ ಜನವರಿ 22ರಿಂದ ಆರಂಭವಾಗುತ್ತದೆ. ಈ ಮಾಘ ಮಾಸ ಮುಗಿದ ನಂತರ ಫಲ್ಗುಣಿ ಮಾಸ ಆರಂಭವಾಗುತ್ತದೆ. ಈ ಮಾಘ ಮಾಸದಲ್ಲಿ ವಸಂತ ಪಂಚಮಿ ಹಾಗೂ ಶಿವರಾತ್ರಿಯನ್ನು ಪ್ರಮುಖವಾಗಿ ಆಚರಿಸಲಾಗುತ್ತದೆ.

ಮಾಘ ಮಾಸದಲ್ಲಿ ಶುಕ್ಲ ಪಕ್ಷ ಜನವರಿ 22ರಿಂದ ಫೆಬ್ರವರಿ 5, 2023 ರವರೆಗೆ ಇರಲಿದ್ದು, ಕೃಷ್ಣ ಪಕ್ಷ ಫೆಬ್ರವರಿ 6ರಿಂದ ಫೆಬ್ರವರಿ 20, 2023 ರವರೆಗೆ ಇರಲಿದೆ. ಇನ್ನು ಫೆಬ್ರವರಿ 20ರಂದು ಅಮಾವಾಸ್ಯೆ ಇದ್ದು, ಇದು 20 ರಂದು ಸಂಜೆ 4:19ಕ್ಕೆ ಪ್ರಾರಂಭವಾಗಿ, ಫೆಬ್ರವರಿ 21ರಂದು ಮಧ್ಯಾಹ್ನ 12:36ಕ್ಕೆ ಮುಗಿಯುತ್ತದೆ.

ಈ ಮಾಘ ಮಾಸದಲ್ಲಿ ಇರುವ ವಿಶೇಷ ಆಚರಣೆಗಳ ಲಿಸ್ಟ್ ಇಲ್ಲಿದೆ: ಜನವರಿ 26ರಂದು ವಸಂತ ಪಂಚಮಿ , ಜನವರಿ 27ರಂದು ರಥ ಸಪ್ತಮಿ, ಜನವರಿ 27ರಂದು ಭೀಷ್ಮ ಅಷ್ಟಮಿ ಫೆಬ್ರವರಿ 2 - ಭೀಷ್ಮ ದ್ವಾದಶಿ, ಫೆಬ್ರವರಿ 14-ಸೀತಾ ಜಯಂತಿ, ಫೆಬ್ರವರಿ 18- ಶಿವರಾತ್ರಿ.

ಈ ಮಾಘ ಮಾಸದಲ್ಲಿ ಉಪವಾಸ ಮಾಡುವುದರಿಂದ 7 ಜನ್ಮದ ಪಾಪಗಳು ನಿವಾರಣೆಯಾಗುತ್ತದೆ. ಅಲ್ಲದೇ, ದಾನಗಳನ್ನು ಸಹ ಮಾಡುವುದರಿಂದ ಕಷ್ಟಗಳು ಸಹ ಪರಿಹಾರವಾಗುತ್ತದೆ ಎನ್ನುವ ನಂಬಿಕೆ ಇದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದ ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)