Lunar Eclipse 2023: ಇನ್ನೆರಡು ದಿನದಲ್ಲಿ ಮೊದಲ ಚಂದ್ರ ಗ್ರಹಣ, ಈ 3 ರಾಶಿಯವರಿಗೆ ಸಂಪತ್ತಿನ ಮಳೆ

ಜ್ಯೋತಿಷ್ಯದ ಪ್ರಕಾರ, ಚಂದ್ರಗ್ರಹಣವು ತುಲಾ, ಸ್ವಾತಿ ನಕ್ಷತ್ರಗಳಲ್ಲಿ ಸಂಭವಿಸುತ್ತಿದೆ. ಈ ಚಂದ್ರಗ್ರಹಣವು ರಾತ್ರಿ 8:43 ರಿಂದ 1:03 ರವರೆಗೆ ಇರುತ್ತದೆ. ಇನ್ನು ಗ್ರಹಣದ ದಿನವೇ ಬುದ್ದ ಪೂರ್ಣೆಮೆ ಇದ್ದು, ಹಾಗಾಗಿ ಬಹಳ ವಿಶೇಷ ಎನ್ನಬಹುದು, ಈ ಚಂದ್ರಗ್ರಹಣವು ಭಾರತದ ಮೇಲೆ ಪರಿಣಾಮ ಬೀರುವುದಿಲ್ಲ. ಆದ್ದರಿಂದ ಸೂತಕ ಸಮಯ ಕೂಡ ಇಲ್ಲ.

ಈ ಘಟನೆ ನಡೆಯುತ್ತಿರುವುದು ಬಾಹ್ಯಾಕಾಶದಲ್ಲಿ. ಆದ್ದರಿಂದ ಇದು ಎಲ್ಲಾ ರಾಶಿಗಳ ಮೇಲೆ ಖಂಡಿತವಾಗಿಯೂ ಪರಿಣಾಮ ಬೀರುತ್ತದೆ. ಈ ಗ್ರಹಣದ ನಂತರ ಕೆಲ ರಾಶಿಯವರ ಅದೃಷ್ಟ ಬದಲಾಗಲಿದ್ದು, ಹಣ ಹಾಗೂ ಪ್ರಗತಿ ಇವರನ್ನು ಹುಡುಕಿ ಬರುತ್ತದೆ. ಆ ರಾಶಿಗಳು ಯಾವುವು ಎಂಬುದು ಇಲ್ಲಿದೆ.

ಕನ್ಯಾರಾಶಿ: ಚಂದ್ರಗ್ರಹಣ ಕನ್ಯಾ ರಾಶಿಯವರ ಜೀವನದಲ್ಲಿ ಬಹಳ ಲಾಭದಾಯಕ ಅನಿಸಿಕೊಳ್ಳುತ್ತದೆ. ಈ ಸಮಯದಲ್ಲಿ ನೀವು ಆಸ್ತಿ ಅಥವಾ ವಾಹನವನ್ನು ಖರೀದಿಸಿದರೆ ಲಾಭವಾಗುತ್ತದೆ. ಅಲ್ಲದೇ, ಇಷ್ಟಾರ್ಥಗಳು ಈಡೇರುತ್ತವೆ. ಇದರ ಜೊತೆಗೆ ನಿಮಗೆ ಅಧಿಕಾರ ಸಿಗುವ ಸಾಧ್ಯತೆ ಇದೆ.

ಮಕರ ರಾಶಿ: ಈ ಚಂದ್ರ ಗ್ರಹಣದ ಕಾರಣದಿಂದ ನಿಮ್ಮ ಆರ್ಥಿಕ ಪರಿಸ್ಥಿತಿ ಸುಧಾರಿಸುತ್ತದೆ. ಈ ಸಮಯದಲ್ಲಿ ನಿಮ್ಮ ಸಾಲದ ಸಮಸ್ಯೆಯಿಂದ ಮುಕ್ತಿ ಸಿಗುತ್ತದೆ. ನಿರುದ್ಯೋಗಿಗಳಿಗೆ ಈ ಸಮಯದಲ್ಲಿ ಉತ್ತಮ ಕೆಲಸ ಸಿಗಲಿದೆ.

ಸಿಂಹ ರಾಶಿ: ಈ ಸಮಯದಲ್ಲಿ ನಿಮ್ಮ ಆತ್ಮವಿಶ್ವಾಸ ಹೆಚ್ಚಾಗುತ್ತದೆ. ಅಲ್ಲದೇ, ಈಗ ನೀವು ಮಾಡುವ ಹೂಡಿಕೆ ದೊಡ್ಡ ಲಾಭ ನೀಡುತ್ತದೆ. ಇದರಿಂದ ಇಷ್ಟಾರ್ಥಗಳು ಈಡೇರುತ್ತವೆ. ಸಂಗಾತಿ ಮತ್ತು ಕುಟುಂಬ ಸದಸ್ಯರೊಂದಿಗಿನ ಸಂಬಂಧಗಳು ಸುಧಾರಿಸುತ್ತವೆ.

ಇನ್ನು ಮುಖ್ಯವಾಗಿ ಚಂದ್ರಗ್ರಹಣದ ನಂತರ ಸ್ನಾನ ಮಾಡಿ ಮನೆ ಮತ್ತು ಕಛೇರಿಯಲ್ಲಿ ಗಂಗಾಜಲವನ್ನು ಸಿಂಪಡಿಸಿ. ಅಲ್ಲದೇ, ಲಕ್ಷ್ಮಿ ದೇವಿಯ ಕೃಪೆಗೆ ಪಾತ್ರರಾಗಲು ಗೋಮತಿ ಚಕ್ರವನ್ನು ಇಟ್ಟುಕೊಳ್ಳಬೇಕು. ಏಕೆಂದರೆ ಚಂದ್ರಗ್ರಹಣ ದಿನದಂದು ಇದನ್ನು ಮಾಡುವುದು ವಿಶೇಷವೆಂದು ಪರಿಗಣಿಸಲಾಗಿದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)