Shiva Blessings: ಈ ರಾಶಿಯವರ ಮೇಲೆ ಶಿವನ ಕೃಪೆ, ಕೇಳಿದ್ದೆಲ್ಲಾ ಸಿಗುತ್ತೆ

ಶಿವನನ್ನ ಮೆಚ್ಚಿಸುವುದು ಬಹಳ ಸುಲಭ ಎನ್ನಲಾಗುತ್ತದೆ. ಶಿವ ಭಕ್ತರು ಕೇಳಿದ ಪ್ರತಿಯೊಂದು ವರವನ್ನು ಸಹ ಕರುಣಿಸುತ್ತಾನೆ ಎನ್ನಲಾಗುತ್ತದೆ. ಹಾಗಾಗಿ ಶಿವನಿಗೆ ಹೆಚ್ಚಿನ ಭಕ್ತರು. ಆದರೆ ಜ್ಯೋತಿಷ್ಯದ ಪ್ರಕಾರ ಶಿವನ ನೆಚ್ಚಿನ ರಾಶಿಗಳು ಸಹ ಕೆಲವಿದೆ.

ಶಿವ ತನ್ನ ಬಳಿ ಶರಣಾಗಿ ಬಂದವರನ್ನು ಎಂದಿಗೂ ನಿರಾಸೆ ಮಾಡುವುದಿಲ್ಲ. ಪಂಚಾಕ್ಷರಿ ಮಂತ್ರವನ್ನು ಪಠಿಸಿದರೆ ಮತ್ತು ನಮ್ಮ ಇಚ್ಛೆಯಂತೆ ಶಿವನನ್ನು ಧ್ಯಾನಿಸಿದರೆ, ಆತನ ಕೃಪೆ ಯಾವಾಗಲೂ ನಮ್ಮೊಂದಿಗೆ ಇರುತ್ತದೆ ಎನ್ನಲಾಗುತ್ತದೆ.

ಇನ್ನು 12 ರಾಶಿಗಳಲ್ಲಿ ಶಿವನಿಗೆ 4 ರಾಶಿಯವರು ಎಂದರೆ ಬಹಳ ಇಷ್ಟವಂತೆ. ಆ ರಾಶಿಯವರು ಸಣ್ಣ ಪ್ರಮಾಣದ ಪೂಜೆ ಮಾಡಿದರೂ ಸಹ ಅದರಿಂದ ತೃಪ್ತನಾಗಿ, ಕೇಳಿದ ವರ ಕರುಣಿಸುತ್ತಾನೆ ಎನ್ನುವ ನಂಬಿಕೆ ಇದೆ. ಆ ರಾಶಿಗಳು ಯಾವುವು ಎಂಬುದು ಇಲ್ಲಿದೆ.

ಮಕರ ರಾಶಿ: ಈ ರಾಶಿಯವರು ಎಂದರೆ ಶಿವನಿಗೆ ಬಹಳ ಇಷ್ಟವಂತೆ. ಏಕೆಂದರೆ ಶನಿ ಈ ರಾಶಿಯವರ ಅಧಿಪತಿಯಾಗಿದ್ದು, ಶನಿ ಸಹ ಶಿವನ ಭಕ್ತನಾಗಿರುವುದರಿಂದ ಈ ರಾಶಿಯವರ ಮೇಲೆ ಶಿವನಿಗೆ ಹೆಚ್ಚಿನ ಪ್ರೀತಿ ಇರುತ್ತದೆ. ಹಾಗಾಗಿ ಈ ರಾಶಿಯವರು ಬಿಲ್ವಪತ್ರೆ, ಗಂಗಾಜಲ, ಹಸುವಿನ ಹಾಲು ಬಳಸಿ ಶಿವನ ಪೂಜೆ ಮಾಡಬೇಕು.

ಮೇಷ: ಈ ರಾಶಿಯ ಅಧಿಪತಿ ಮಂಗಳ. ನಂಬಿಕೆಗಳ ಪ್ರಕಾರ ಶಿವನ ಬೆವರಿನಿಂದ ಮಂಗಳ ಗ್ರಹ ಉದಯವಾಗಿದ್ದು. ಹಾಗಾಗಿ ಶಿವನ ವಿಶೇಷ ಕೃಪೆ ಸಹ ಈ ರಾಶಿಯವರ ಮೇಲೆ ಇರುತ್ತದೆ. ಹಾಗಾಗಿ ಈ ರಾಶಿಯವರು ಅಂದುಕೊಂಡ ಕೆಲಸಗಳನ್ನು ಸುಲಭವಾಗಿ ಮಾಡುತ್ತಾರೆ ಹಾಗೂ ಅದರಲ್ಲಿ ಯಶಸ್ಸು ಪಡೆಯುತ್ತಾರೆ.

ಕುಂಭ: ಈ ರಾಶಿಯನ್ನು ಸಹ ಶನಿ ಆಳುವುದರಿಂದ ಶಿವನ ಆಶೀರ್ವಾದ ಇರುತ್ತದೆ. ಹಾಗಾಗಿ ವೃತ್ತಿ ಜೀವನದಲ್ಲಿ ಯಶಸ್ಸು ನಿಮ್ಮನ್ನ ಹುಡುಕಿ ಬರುತ್ತದೆ. ಇದರ ಜೊತೆಗೆ ಆದಾಯವೂ ಹೆಚ್ಚುತ್ತದೆ. ಯಾವುದೇ ಕೆಲಸ ಅಥವಾ ಹಣಕಾಸಿನ ವ್ಯವಹಾರ ಮಾಡಿದರೆ ಅವರಿಗೆ ಲಾಭ ಸಿಗುತ್ತದೆ.

ವೃಶ್ಚಿಕ ರಾಶಿ: ಈ ರಾಶಿಯವರಿಗೆ ಶಿವನಿಂದ ವಿಶೇಷ ಕೃಪೆ ಸಿಗಲಿದ್ದು, ಉದ್ಯೋಗ ಮತ್ತು ವ್ಯವಹಾರದಲ್ಲಿ ಯಶಸ್ವಿಯಾಗಲು ಸಾಧ್ಯವಾಗುತ್ತದೆ. ಅಲ್ಲದೇ, ಶಿವನಿಂದ ಆರ್ಥಿಕವಾಗಿ ಸಹ ಈ ರಾಶಿಯವರಿಗೆ ಲಾಭವಾಗುತ್ತದೆ. ಅಲ್ಲದೇ, ಜೀವನದಲ್ಲಿ ಸಂತೋಷ ಹಾಗೂ ಸಂಪತ್ತು ಹೆಚ್ಚಾಗುತ್ತದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)