Baby Names: ಆಧುನಿಕ ಕಾಲಕ್ಕೂ ಸೂಟ್​ ಆಗುವ ಶ್ರೀರಾಮನ ಹೆಸರುಗಳಿವು, ನಿಮ್ಮ ಮಕ್ಕಳಿಗೂ ಇಡಬಹುದು

ಶ್ರೀರಾಮ ಎಂದರೆ ನಮಗೆ ನೆನಪಾಗುವುದು ಆದರ್ಶ ಪುರುಷ ಎಂದು. ಎಲ್ಲಾ ಪೋಷಕರು ತನ್ನ ಮಗ ಕೂಡ ಶ್ರೀರಾಮನಂತೆ ಆಗಲಿ ಎಂದು ಬಯಸುತ್ತಾರೆ. ನಿಮ್ಮ ಮಗು ಕೂಡ ರಾಮನ ಆದರ್ಶವನ್ನು ಅಳವಡಿಸಿಕೊಳ್ಳಬೇಕು ಎಂದರೆ ಈ ಹೆಸರುಗಳನ್ನು ಸಹ ನೀವು ಇಡಬಹುದು.

ಅದ್ವೈತ: ಈ ಹೆಸರಿನ ಅರ್ಥ ಬಹಳ ವಿಶಿಷ್ಟವಾದ ವ್ಯಕ್ತಿ ಎಂದು. ಇದನ್ನು ಕೂಡ ನೀವು ನಿಮ್ಮ ಮಗನಿಗೆ ಇಡಬಹುದು. ಇದು ರಾಮನ ಇನ್ನೊಂದು ಹೆಸರು ಎನ್ನುವ ನಂಬಿಕೆ ಕೂಡ ಇದೆ.

ಅಥರ್ವ: ಈ ಹೆಸರನ್ನು ಅನೇಕರು ಈಗ ತಮ್ಮ ಮಕ್ಕಳಿಗೆ ಇಡುತ್ತಿದ್ದಾರೆ. ಸಾಮಾನ್ಯವಾಗಿ ಅಥರ್ವ ಎಂಬುದು 4 ವೇದಗಳಲ್ಲಿ ಒಂದು. ಆದರೆ ಇದು ರಾಮನ ಹೆಸರು ಕೂಡ ಆಗಿದ್ದು, ಎಲ್ಲಾ ವೇದಗಳನ್ನು ಬಲ್ಲವನು ಎಂದರ್ಥವಂತೆ.

ಶಾಶ್ವತ್: ಈ ಹೆಸರಿನ ಅರ್ಥವನ್ನು ನಾವು ವಿವರಿಸುವ ಬೇಕಿಲ್ಲ. ಶಾಶ್ವತ ಎಂಬುದು ಇದರ ಅರ್ಥವಾಗಿದ್ದು, ರಾಮನ ಮತ್ತೊಂದು ಹೆಸರು ಇದು ಎನ್ನಲಾಗುತ್ತದೆ. ಇದು ಬಹಳ ವಿಭಿನ್ನವಾದ ಹೆಸರು ಎನ್ನುವುದರಲ್ಲಿ ಯಾವುದೇ ಅನುಮಾನವಿಲ್ಲ.

ವಿರಾಜ: ಇತ್ತೀಚಿನ ದಿನಗಳಲ್ಲಿ ಪೋಷಕರು ಬಹಳ ವಿಭಿನ್ನವಾದ ಹೆಸರುಗಳನ್ನು ಹುಡುಕುತ್ತಿದ್ದರೆ. ನೀವೂ ಕೂಡ ಆ ರೀತಿ ಹೆಸರು ಹುಡುಕುತ್ತಿದ್ದರೆ ವಿರಾಜ ಬಹಳ ಸೂಕ್ತ. ಇದು ರಾಮನ ಇನ್ನೊಂದು ಹೆಸರು.

ಅವಿರಾಜ: ವಿರಾಜ್​ನಂತೆಯೇ ಈ ಹೆಸರು ಸಹ ರಾಮನದ್ದೆ. ಅವಿರಾಜ್​ ಎಂದರೆ ಸೂರ್ಯನಂತೆ ಬೆಳಗುವವನು ಎಂದರ್ಥವಂತೆ. ಇದು ಬಹಳ ಮುದ್ದಾದ ಹೆಸರು ಎನ್ನಬಹುದು.

ಮಾನ್ವಿಕ್: ಈ ಹೆಸರನ್ನು ಬಹುಶಃ ಯಾರೂ ಹೆಚ್ಚಾಗಿ ಕೇಳಿರಲಿಕ್ಕಿಲ್ಲ. ಇದರ ಅರ್ಥ ಬುದ್ದಿವಂತ ಎಂದು. ಇದು ಕೂಡ ರಾಮನ ಇನ್ನೊಂದು ಹೆಸರಾಗಿದ್ದು, ನೀವು ಮಗುವಿಗೆ ಇಡಬಹುದು.