Lucky Zodiac Signs: 2023ರಲ್ಲಿ ಈ ರಾಶಿಯ ಜನರ ಅದೃಷ್ಟ ಬದಲಾಗಲಿದೆಯಂತೆ

ಹೊಸ ವರ್ಷದ ಸಮಯದಲ್ಲಿ ಎಲ್ಲರೂ ಹೊಸ ಬದಲಾವಣೆಯ ನಿರೀಕ್ಷೆ ಮಾಡುತ್ತಾರೆ. ಇನ್ನು 2023 ರಲ್ಲಿ, ಅನೇಕ ಗ್ರಹಗಳ ರಾಶಿ ಬದಲಾಗಲಿದ್ದು, ಇದು ಮುಖ್ಯವಾಗಿ 4 ರಾಶಿಗಳ ಮೇಲೆ ಪರಿಣಾಮ ಬೀರಲಿದೆ.

ಜ್ಯೋತಿಷ್ಯ ಶಾಸ್ತ್ರದಲ್ಲಿ ಗುರು ಗ್ರಹದ ಮಹತ್ವ ಹೆಚ್ಚಿದೆ. ಈ ಗ್ರಹದ ಬದಲಾವಣೆಯಿಂದ ಕೆಲ ರಾಶಿಯ ಜನರ ಜೀವನದಲ್ಲಿ ಮಹತ್ತರವಾದ ಬೆಳವಣಿಗೆಯಾಗಲಿದೆ ಎನ್ನಲಾಗುತ್ತಿದೆ. 2023 ರಲ್ಲಿ, ಏಪ್ರಿಲ್ 22 ರಂದು, ಗುರು ತನ್ನದೇ ಆದ ಮೀನ ರಾಶಿಯಿಂದ ಮೇಷ ರಾಶಿಗೆ ಚಲಿಸುತ್ತಾನೆ. ಇದರಿಂದ ರಾಜಯೋಗ ರೂಪುಗೊಳ್ಳಲಿದೆ.

ಮಕರ ರಾಶಿ: ಏಪ್ರಿಲ್ 22, 2023 ರ ನಂತರ ಗುರು ಗ್ರಹದ ಕಾರಣದಿಂದ ಮಕರ ರಾಶಿಯವರ ಬದುಕು ಸಂಪೂರ್ಣವಾಗಿ ಬದಲಾಗುತ್ತದೆ. ಐಷಾರಾಮಿ ಜೀವನ ನಡೆಸುವ ಸಾಧ್ಯತೆ ಇರುತ್ತದೆ. ಮನೆ ಅಥವಾ ಭೂಮಿಯಲ್ಲಿ ಹೂಡಿಕೆಯ ವಿಷಯದಲ್ಲಿ ವರ್ಷವು ತುಂಬಾ ಉತ್ತಮವಾಗಿರುತ್ತದೆ.

ಇದಲ್ಲದೇ ಉದ್ಯೋಗಸ್ಥರಿಗೆ ಅನೇಕ ರೀತಿಯ ಉತ್ತಮ ಅವಕಾಶಗಳು ಸಿಗುವ ಹೆಚ್ಚಿನ ಸಾಧ್ಯತೆ ಇದೆ. ಈ ಸಮಯದಲ್ಲಿ ನಿಮ್ಮ ತಾಯಿಯೊಂದಿಗಿನ ಸಂಬಂಧ ಗಟ್ಟಿಯಾಗುತ್ತದೆ. ಕುಟುಂಬದಲ್ಲಿ ಯಾವುದೇ ಸಮಸ್ಯೆ ಬರುವುದಿಲ್ಲ.

ಮೇಷ ರಾಶಿಯಲ್ಲಿ ಗುರುವಿನ ಆಗಮನದಿಂದ ಈ ರಾಶಿಯ ಜನರಿಗೆ ಬಹಳ ಒಳ್ಳೆಯದು ಎನ್ನುತ್ತಿದೆ ಜ್ಯೋತಿಷ್ಯ ಶಾಸ್ತ್ರ. ಇದರಿಂದ ಜೀವನದಲ್ಲಿ ಸಮಸ್ಯೆಗಳು ಕಡಿಮೆ ಆಗಿ ಸುಖ-ಸಮೃದ್ಧಿ ನೆಲೆಸಿರುತ್ತದೆ. ಅಲ್ಲದೇ ಜೀವನದಲ್ಲಿ ರಾಜನಂತೆ ಬದುಕು ನಡೆಸುತ್ತಾರಂತೆ.

ಕರ್ಕಾಟಕ ರಾಶಿ: ಕರ್ಕಾಟಕ ರಾಶಿಯ 10 ನೇ ಮನೆಯಲ್ಲಿ ರಾಜಯೋಗವು ರೂಪುಗೊಳ್ಳಲಿದ್ದು, ಉದ್ಯೋಗದ ವಿಚಾರದಲ್ಲಿ ಬಹಳ ಲಾಭ ಎಂದು ಹೇಳಲಾಗುತ್ತದೆ. ಉದ್ಯೋಗದಲ್ಲಿ ಅನೇಕ ಅತ್ಯುತ್ತಮ ಅವಕಾಶಗಳನ್ನು ಪಡೆಯಬಹುದು. ಕೆಲಸದ ನಿಮಿತ್ತ ವಿದೇಶ ಪ್ರವಾಸ ಮಾಡುವ ಸಾಧ್ಯತೆಯೂ ಇದೆ

ಧನು ರಾಶಿ: ಐದನೇ ಮನೆಯಲ್ಲಿ ರಾಜಯೋಗ ನಡೆಯುತ್ತದೆ. ಜ್ಯೋತಿಷ್ಯಶಾಸ್ತ್ರದ ಪ್ರಕಾರ, ಜಾತಕದ ಐದನೇ ಮನೆಯು ಮಕ್ಕಳು, ಪ್ರೇಮ ಸಂಬಂಧ ಮತ್ತು ಶಿಕ್ಷಣಕ್ಕೆ ಸಂಬಂಧಿಸಿದ್ದಾಗಿದ್ದು, ಪ್ರೀತಿಯ ವಿಚಾರವಾಗಿ ಯಶಸ್ಸು ಸಿಗುತ್ತದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದ ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)