3 Planet Conjunction: ಒಟ್ಟಿಗೆ ಸೇರಲಿವೆ ಬುಧ, ಗುರು, ಸೂರ್ಯ: ಈ ರಾಶಿಯವರನ್ನು ಹಿಡಿಯೋಕೆ ಆಗಲ್ಲ

ಜ್ಯೋತಿಷ್ಯದ ಪ್ರಕಾರ, ಗ್ರಹಗಳು ಕಾಲಕಾಲಕ್ಕೆ ತಮ್ಮ ಸ್ಥಾನ ಹಾಗೂ ರಾಶಿಯನ್ನು ಬದಲಾವಣೆ ಮಾಡುತ್ತವೆ. ಅಲ್ಲದೇ ಕೆಲವೊಮ್ಮೆ ಈ ಸಂಚಾರದ ಸಮಯದಲ್ಲಿ ಇತರ ಗ್ರಹಗಳ ಜೊತೆ ಮೈತ್ರಿ ಮಾಡಿಕೊಳ್ಳುತ್ತವೆ. ಆ ಮೈತ್ರಿಯ ಪರಿಣಾಮ ಎಲ್ಲಾ 12 ರಾಶಿಗಳ ಮೇಲೆ ಆಗುತ್ತದೆ. ಸದ್ಯ 12 ವರ್ಷಗಳ ನಂತರ ಸೂರ್ಯ, ಬುಧ ಮತ್ತು ಗುರುಗಳ ಸಂಯೋಗ ಆಗಲಿದೆ.

ಏಪ್ರಿಲ್ 22 ರಂದು ಈ ಮೈತ್ರಿ ರಚನೆಯಾಗಲಿದ್ದು, ಅದರಿಂದ ಕೆಲ ರಾಶಿಯವರ ಬದುಕು ಬದಲಾಗಲಿದೆ. ಈ ಸಂಯೋಗದ ಸಮಯದಲ್ಲಿ ಮುಖ್ಯವಾಗಿ 3 ರಾಶಿಯವರು ಆರ್ಥಿಕವಾಗಿ ಬಹಳ ಲಾಭ ಗಳಿಸುವ ಸೂಚನೆ ಇದೆ.

ಕಟಕ ರಾಶಿ: ಸೂರ್ಯ, ಬುಧ ಮತ್ತು ಗುರುಗಳ ಸಂಯೋಜನೆಯು ನಿಮಗೆ ಬಹಳ ಅನುಕೂಲಕರವಾಗಿರಲಿದೆ. ಏಕೆಂದರೆ ಈ ಮೈತ್ರಿಯು ನಿಮ್ಮ ರಾಶಿಯ ಕರ್ಮದ ಮನೆಯಲ್ಲಿ ಆಗಲಿದ್ದು, ಈ ಸಮಯದಲ್ಲಿ ನೀವು ಉದ್ಯೋಗದಲ್ಲಿ ಹೊಸ ಅವಕಾಶಗಳನ್ನು ಪಡೆಯಬಹುದು. ಇದರೊಂದಿಗೆ, ಕಚೇರಿಯಲ್ಲಿ ನಿಮ್ಮ ಕೆಲಸದ ಮೂಲಕ ನೀವು ಅನೇಕ ಹೃದಯಗಳನ್ನು ಗೆಲ್ಲುತ್ತೀರಿ.

ಅಲ್ಲದೇ, ಮನಸ್ಸಿನ ಪ್ರತಿಯೊಂದು ಆಸೆಯೂ ಈ ಸಮಯದಲ್ಲಿ ನೆರವೇರುತ್ತದೆ. ವಿಶೇಷವಾಗಿ ವ್ಯಾಪಾರ ವರ್ಗಕ್ಕೆ ಇದು ಬಹಳ ಅನುಕೂಲಕರ ಸಮಯ. ಪಾಲುದಾರಿಕೆ ವ್ಯವಹಾರದಲ್ಲಿ ನೀವು ಸಾಕಷ್ಟು ಲಾಭವನ್ನು ಗಳಿಸಬಹುದು. ಆದರೆ ಕೆಲವು ನಿರ್ಧಾರಗಳನ್ನು ಎಚ್ಚರಿಕೆಯಿಂದ ತೆಗೆದುಕೊಳ್ಳಬೇಕು.

ಮಿಥುನ ರಾಶಿ: ಸೂರ್ಯ, ಬುಧ ಮತ್ತು ಗುರುಗಳ ಸಂಯೋಜನೆಯು ಮಿಥುನ ರಾಶಿಯವರಿಗೆ ಲಾಭದಾಯಕವಾಗಿರಲಿದೆ. ಏಕೆಂದರೆ ನಿಮ್ಮ ರಾಶಿಯ ಆದಾಯದ ಮನೆಯಲ್ಲಿ ಈ ಮೈತ್ರಿಯು ರೂಪುಗೊಳ್ಳಲಿದೆ. ಅದಕ್ಕಾಗಿಯೇ ಈ ಸಮಯದಲ್ಲಿ ನಿಮ್ಮ ಆದಾಯವು ಮಹತ್ತರವಾಗಿ ಹೆಚ್ಚಾಗುತ್ತದೆ. ಜೊತೆಗೆ, ಹೊಸ ಆದಾಯದ ಮಾರ್ಗಗಳು ಸಿಗುತ್ತದೆ.

ನಿಮ್ಮ ಪ್ರಯತ್ನಗಳನ್ನು ಕಚೇರಿಯಲ್ಲಿ ಹಿರಿಯ ಅಧಿಕಾರಿಗಳು ಮೆಚ್ಚುತ್ತಾರೆ ಮತ್ತು ಬಡ್ತಿಯ ಸಾಧ್ಯತೆಗಳಿವೆ. ಆರ್ಥಿಕ ಕ್ಷೇತ್ರದಲ್ಲಿ ಪ್ರಗತಿ ಕಂಡುಬರಲಿದೆ. ಈ ಸಮಯದಲ್ಲಿ ಹಣ ಹೂಡಿಕೆ ಮಾಡಲು ಸೂಕ್ತ ಸಮಯ ಕೂಡ.

ಮೇಷ ರಾಶಿ: ಗುರು, ಸೂರ್ಯ ಮತ್ತು ಬುಧದ ಸಂಯೋಗ ಬಹಳ ಲಾಭ ನೀಡಲಿದೆ. ನಿಮ್ಮ ಆರೋಹಣ ಮನೆಯಲ್ಲಿ ಈ ಮೈತ್ರಿ ಏರ್ಪಡಲಿದೆ. ಆದ್ದರಿಂದ ಈ ಸಮಯದಲ್ಲಿ ನಿಮ್ಮ ಆರೋಗ್ಯ ಸುಧಾರಿಸುತ್ತದೆ. ಇದರೊಂದಿಗೆ ಆತ್ಮವಿಶ್ವಾಸವೂ ಹೆಚ್ಚುತ್ತದೆ. ಮತ್ತೊಂದೆಡೆ, ಕುಟುಂಬದಲ್ಲಿ ಸಮಸ್ಯೆಗಳು ದೂರವಾಗುತ್ತವೆ

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)