Jaya Ekadashi 2023: ಜಯ ಏಕಾದಶಿಯಂದು ತಪ್ಪದೇ ಈ ಕೆಲಸ ಮಾಡಿ, ಇಷ್ಟಾರ್ಥ ಸಿದ್ಧಿ ಗ್ಯಾರಂಟಿ

ಇನ್ನು ಮಾಘ ಮಾಸದ ಶುಕ್ಲ ಪಕ್ಷದ ಏಕಾದಶಿಯನ್ನು ಜಯ ಏಕಾದಶಿ ಎಂದೂ ಕರೆಯಲಾಗುತ್ತದೆ. ಈ ದಿನ ಉಪವಾಸ ಹಾಗೂ ಪೂಜೆ ಮಾಡುವ ಮೂಲಕ ವಿಷ್ಣುವಿನ ಆಶೀರ್ವಾದ ಬೇಡುತ್ತಾರೆ ಭಕ್ತರು. ಅಲ್ಲದೇ ಈ ದಿನ ವಿಷ್ಣುವನ್ನು ಮೆಚ್ಚಿಸಲು ಬಹಳ ಸೂಕ್ತ ಎನ್ನಲಾಗುತ್ತದೆ.

ನದಿಯಲ್ಲಿ ಸ್ನಾನ ಮಾಡಿ: ಜಯ ಏಕಾದಶಿ ದಿನ ನದಿಯಲ್ಲಿ ಸ್ನಾನ ಮಾಡುವುದರಿಂದ ಪಾಪಗಳು ನಿವಾರಣೆ ಆಗುತ್ತದೆ. ಅದರಲ್ಲೂ ಗಂಗಾ ನದಿಯಲ್ಲಿ ಸ್ನಾನ ಮಾಡುವುದರಿಂದ ಪಾಪಗಳು ನಿವಾರಣೆ ಆಗುತ್ತದೆ.

ಹಳದಿ ಬಟ್ಟೆ ಧರಿಸಿ: ಏಕಾದಶಿಯ ದಿನ ನೀವು ಉಪವಾಸ ಮಾಡಿ ದೇವಸ್ಥಾನಕ್ಕೆ ಹೋಗುವಾಗ ಹಳದಿ ಬಟ್ಟೆಯನ್ನು ಧರಿಸುವುದು ಶುಭ ಎನ್ನಲಾಗುತ್ತದೆ. ಅಲ್ಲದೇ, ಈ ದಿನ ಹಳದಿ ವಸ್ತುಗಳನ್ನು ದಾನ ಮಾಡಿ.

ದಾನ ಮಾಡಿ: ಈ ದಿನ ಪೂಜೆಯ ನಂತರ ಕುಂಕುಮ, ಅರಿಶಿನ ಅಥವಾ ಬಾಳೆಹಣ್ಣು ದಾನ ಮಾಡಿದರೆ ನಿಮ್ಮ ಇಷ್ಟಾರ್ಥಗಳು ಸಿದ್ಧಿಯಾಗುತ್ತದೆ. ಹಾಗೆಯೇ ದೇವರಿಗೆ ಬಾಳೆಹಣ್ಣನ್ನು ಸಹ ಅರ್ಪಿಸಬೇಕು.

ಆಹಾರ ಅಥವಾ ಇತರ ವಸ್ತುಗಳನ್ನು ಕೇಳಿಕೊಂಡು ಮನೆಗೆ ಬರುವ ವ್ಯಕ್ತಿಗಳನ್ನು ಬರಿಗೈನಲ್ಲಿ ಕಳುಹಿಸಬೇಡಿ. ಅವರಿಗೆ ಹಣ , ಆಹಾರ ಕೊಟ್ಟು ಕಳುಹಿಸಿ. ಇದರಿಂದ ಪುಣ್ಯ ಸಿಗುತ್ತದೆ. ಅಲ್ಲದೇ, ಇದರಿಂದ ನಿಮ್ಮ ಕಷ್ಟಗಳು ನಿವಾರಣೆಯಾಗುತ್ತದೆ

ತುಳಸಿ ಬಳಸಿ: ಈ ದಿನ ನೀವು ತುಳಸಿಯನ್ನು ಹೆಚ್ಚು ಬಳಕೆ ಮಾಡಬೇಕು. ಅದರಲ್ಲೂ ಪೂಜೆಯ ಪಂಚಾಮೃತಕ್ಕೆ ಮಿಸ್​ ಮಾಡದೇ ತುಳಸಿ ಹಾಕಿ. ಇದರಿಂದ ವಿಷ್ಣುವಿನ ಕೃಪೆಗೆ ಪಾತ್ರರಾಗಬಹುದು.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)