Jagannatha Ratha Yatra: ಪುರಿಯಲ್ಲಿ ಜಗನ್ನಾಥ ರಥಯಾತ್ರೆ ಸಂಭ್ರಮ; ಏನಿದರ ಮಹತ್ವ?

ಆಷಾಢ ಮಾಸದ ಶುಕ್ಲ ಪಕ್ಷದ ಎರಡನೇ ದಿನದಂದು ಪುರಿಯಲ್ಲಿ ಜಗತ್ಪ್ರಸಿದ್ಧ ಜಗನ್ನಾಥ ರಥ ಯಾತ್ರೆ ಆರಂಭವಾಗುತ್ತದೆ. ಜಗನ್ನಾಥನು ತನ್ನ ಸಹೋದರ ಬಲಭದ್ರ ಮತ್ತು ಸಹೋದರಿ ಸುಭದ್ರೆಯೊಂದಿಗೆ ಮೂರು ರಥಗಳ ಮೇಲೆ ಯಾತ್ರೆ ನಡೆಸುತ್ತಾರೆ. ಏಳು ದಿನಗಳ ಕಾಲ ನಡೆಯುವ ಈ ರಥಯಾತ್ರೆ ಆಷಾಢ ಶುಕ್ಲ ಏಕಾದಶಿಯಂದು ಮುಕ್ತಾಯವಾಗುತ್ತದೆ.

ಜಗನ್ನಾಥನ ರಥದಲ್ಲಿ ಒಂದೇ ಒಂದು ಮೊಳೆಯನ್ನು ಬಳಸುವುದಿಲ್ಲ. ಈ ರಥವು ಸಂಪೂರ್ಣವಾಗಿ ಮರದಿಂದ ಮಾಡಲ್ಪಡುತ್ತದೆ ರಥದಲ್ಲಿ ಯಾವುದೇ ಲೋಹವನ್ನು ಸಹ ಬಳಸಲಾಗುವುದಿಲ್ಲ. ರಥದ ಮರದ ಆಯ್ಕೆಯನ್ನು ಬಸಂತ್ ಪಂಚಮಿಯ ದಿನದಂದು ಮಾಡಲಾಗುವುದು.ರಥದ ತಯಾರಿಕೆಯು ಅಕ್ಷಯ ತೃತೀಯ ದಿನದಿಂದ ಪ್ರಾರಂಭವಾಗುತ್ತದೆ.

ಪ್ರತಿ ವರ್ಷ ಜಗನ್ನಾಥ ಸೇರಿದಂತೆ ಬಲಭದ್ರ ಮತ್ತು ಸುಭದ್ರೆಯ ವಿಗ್ರಹಗಳನ್ನು ಬೇವಿನ ಮರದಿಂದ ತಯಾರಿಸಲಾಗುತ್ತದೆ. ಈ ರಥಗಳಲ್ಲಿನ ಬಣ್ಣಗಳ ಬಗ್ಗೆಯೂ ವಿಶೇಷ ಗಮನವನ್ನು ನೀಡಲಾಗುತ್ತದೆ. ಭಗವಾನ್ ಜಗನ್ನಾಥನ ಕಪ್ಪು ಮೈಬಣ್ಣದ ಕಾರಣ, ಕಡು ಬಣ್ಣದ ಅದೇ ಬೇವಿನ ಮರವನ್ನು ಬಳಸಲಾಯಿತು. ಅವರ ಒಡಹುಟ್ಟಿದವರ ಬಣ್ಣವು ಸಾಮಾನ್ಯವಾಗಿರುವುದರಿಂದ ಅವರ ವಿಗ್ರಹಗಳಿಗೆ ತಿಳಿ ಬಣ್ಣದ ಬೇವಿನ ಮರವನ್ನು ಬಳಸಲಾಗುತ್ತದೆ.

ಪುರಿಯ ಜಗನ್ನಾಥನ ರಥದಲ್ಲಿ ಒಟ್ಟು 16 ಚಕ್ರಗಳಿವೆ. ಜಗನ್ನಾಥನ ರಥವು ಕೆಂಪು ಮತ್ತು ಹಳದಿ ಬಣ್ಣದ್ದಾಗಿದೆ. ಈ ರಥವು ಉಳಿದ ಎರಡು ರಥಗಳಿಗಿಂತ ಸ್ವಲ್ಪ ದೊಡ್ಡದಾಗಿದೆ. ಜಗನ್ನಾಥನ ರಥವು ಮೊದಲು ಸಾಗುತ್ತದೆ. ನಂತರ ಬಲಭದ್ರ ಬಳಿಕ ಸುಭದ್ರೆಯ ರಥ ಸಾಗುತ್ತದೆ.

ಜಗನ್ನಾಥನ ರಥವನ್ನು ನಂದಿಘೋಷ ಎಂದು ಕರೆಯಲಾಗುತ್ತದೆ. ಬಲರಾಮನ ರಥದ ಹೆಸರು ತಾಳ ಧ್ವಜ ಮತ್ತು ಸುಭದ್ರೆಯ ರಥವನ್ನು ದರ್ಪದಲನ ರಥ ಎಂದು ಕರೆಯಲಾಗುತ್ತದೆ

ಜ್ಯೇಷ್ಠ ಮಾಸದ ಹುಣ್ಣಿಮೆಯಂದು ಜಗನ್ನಾಥನಿಗೆ 108 ಪಾತ್ರೆಗಳಲ್ಲಿ ನೀರಿನಿಂದ ಸ್ನಾನ ಮಾಡಿಸಲಾಗುತ್ತದೆ. ಇದನ್ನು ದೇವ ಸ್ನಾನಯಾತ್ರೆ ಎನ್ನಲಾಗುವುದು.

ಪ್ರತಿ ವರ್ಷ ಆಷಾಢ ಮಾಸದ ಶುಕ್ಲ ಪಕ್ಷದ ಎರಡನೇ ತಾರೀಖಿನಂದು, ಜಗನ್ನಾಥ, ಬಲಭದ್ರ ಮತ್ತು ಸುಭದ್ರಾ ಹೊಸದಾಗಿ ತಯಾರಿಸಿದ ರಥದಲ್ಲಿ ನಗರಕ್ಕೆ ಭೇಟಿ ನೀಡುತ್ತಾರೆ. ಈ ವೇಳೆ ಜಗನ್ನಾಥ ದೇವಸ್ಥಾನದಿಂದ ಜನಕಪುರದ ಗುಂಡಿಚಾ ದೇವಸ್ಥಾನಕ್ಕೆ ತೆರಳುತ್ತಾರೆ. ಗುಂಡಿಚಾ ದೇವಾಲಯವು ಜಗನ್ನಾಥನ ಚಿಕ್ಕಮ್ಮನ ಮನೆಯಾಗಿದೆ. ಇಲ್ಲಿಗೆ ತಲುಪಿದ ನಂತರ, ಎಲ್ಲಾ ಮೂರು ವಿಗ್ರಹಗಳನ್ನು ನಿಯಮದ ಮೂಲಕ ಕೆಳಗೆ ತರಲಾಗುತ್ತದೆ. ಆಗ ಚಿಕ್ಕಮ್ಮನ ಮನೆ ಸ್ಥಾಪನೆಯಾಗುತ್ತದೆ.

ಜಗನ್ನಾಥನು ತನ್ನ ಚಿಕ್ಕಮ್ಮನ ಮನೆಯಲ್ಲಿ ಏಳು ದಿನಗಳ ಕಾಲ ಇರುತ್ತಾನೆ. ನಂತರ ಎಂಟನೇ ದಿನ ಆಷಾಢ ಶುಕ್ಲ ದಶಮಿಯಂದು ರಥಗಳು ಹಿಂತಿರುಗುತ್ತವೆ. ಇದನ್ನು ಬಹುದಾ ಯಾತ್ರೆ ಎನ್ನುತ್ತಾರೆ.