Dream Meaning: ತೀರಿ ಹೋಗಿರುವ ಅಪ್ಪ ಪದೇ ಪದೇ ಕನಸಲ್ಲಿ ಬಂದ್ರೆ ಇದಂತೆ ಅರ್ಥ

ಅಪ್ಪ ಎಂದರೆ ಪ್ರತಿಯೊಬ್ಬರಿಗೂ ಆದರ್ಶ ವ್ಯಕ್ತಿ. ತಂದೆಯೆಂದರೆ ಯಾರಿಗೆ ಇಷ್ಟ ಇಲ್ಲ ಹೇಳಿ. ಮಕ್ಕಳ ಆಸೆಯನ್ನು ನೆರವೇರಿಸುವ ವ್ಯಕ್ತಿಯಿದ್ದರೆ ಅದು ತಂದೆ ಮಾತ್ರ. ಆದ್ರೆ ಅದೇ ಅಪ್ಪ ತೀರಿಹೋದ್ರೆ ಎಷ್ಟು ಬೇಸರವಾಗುತ್ತದೆ ಅಲ್ವಾ. ಅದೇ ರೀತಿ ತೀರಿ ಹೋದ ಅಪ್ಪ ಪದೇ ಪದೇ ಕನಸಲ್ಲಿ ಬರ್ತಾರ? ರಾತ್ರಿ ಅಪ್ಪನನ್ನು ನೆನೆದು ಒಮ್ಮೆಲೆ ಬೆಚ್ಚಿ ಬೀಳ್ತಿದ್ದೀರಾ? ಹಾಗಾದ್ರೆ ತೀರಿಕೊಂಡ ಅಪ್ಪ ಪದೇ ಪದೇ ಕನಸಿನಲ್ಲಿ ಕಾಣಿಸಿಕೊಳ್ಳುವುದಕ್ಕು ಒಂದು ಬಲವಾದ ಕಾರಣವಿದೆ.

ಅನಾರೋಗ್ಯದ ಬಗ್ಗೆ ಸೂಚನೆ: ಸತ್ತು ಹೋದ ತಂದೆಯ ಜೊತೆಗೆ ನೀವು ಕನಸಿನಲ್ಲಿ ಮಾತನಾಡುತ್ತಿದ್ದೀರಿ ಎಂದರೆ ಇದರರ್ಥ ನಿಮಗೆ ಸದ್ಯದಲ್ಲೇ ಅನಾರೋಗ್ಯ ಕಾಡಲಿದೆ ಎಂಬುದಾಗಿದೆ. ಹೀಗಾಗಿ ಹೊರಗಡೆ ಹೋಗುವಾಗ ಮುಂಜಾಗ್ರತೆಯಿಂದಿರಿ ಹಾಗೂ ನಿಮ್ಮ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಿ. ಇನ್ನೂ ನಿರ್ಧಾರಗಳನ್ನು ತೆಗೆದುಕೊಳ್ಳುವಾಗ ಅತಿಯಾದ ಆತ್ಮವಿಶ್ವಾಸ ಬೇಡ. ಇತರರ ಸಲಹೆ ಪಡೆದುಕೊಂಡು ಮುಂದಿನ ಹೆಜ್ಜೆಇಡಿ.

ಶುಭ ಸೂಚನೆಯ ಸಂಕೇತ: ತೀರಿಹೋದ ಅಪ್ಪ ನಿಮ್ಮ ಕನಸಿನಲ್ಲಿ ಜೀವಂತವಾಗಿದ್ದಂತೆ ಭಾಸವಾದರೆ ಖಂಡಿತ ಇದು ಶುಭ ಸೂಚನೆ. ಭವಿಷ್ಯದಲ್ಲಿ ನಿಮಗೆ ಒಳ್ಳೆಯದಾಗಲಿದೆ ಮತ್ತು ನೀವು ಅಂದುಕೊಂಡ ಗುರಿ ಈಡೇರುತ್ತದೆ ಎಂದರ್ಥ. ಒಂದು ವೇಳೆ ಕನಸಿನಲ್ಲಿ ಅಪ್ಪ ನಿಮ್ಮನ್ನು ತಪ್ಪಿಕೊಂಡರೆ ಇತರರಿಂದ ಸಹಾಯವನ್ನು ಪಡೆಯಿರಿ ಎಂಬ ಸೂಚನೆ.

ಶಾಂತಿಯನ್ನು ಕಾಪಾಡಲು ಸೂಚನೆ: ನಿಮ್ಮ ಕನಸಿನಲ್ಲಿ ಸತ್ತು ಹೋಗಿರುವ ತಂದೆ ಮನೆಗೆ ಬಂದಂತೆ ಕನಸು ಬಿದ್ದರೆ ಅವರು ನಿಮಗೆ ಕ್ಷಮೆಯನ್ನು ಕೇಳಲು ಮತ್ತು ಶಾಂತಿಯಿಂದ ಇರಿ ಎಂದು ಹೇಳುತ್ತಿದ್ದಾರೆ. ನಿಮ್ಮ ಕೋಪ, ಗದ್ದಲಗಳನ್ನು ಕಡಿಮೆಗೊಳಿಸಿ ಆಗಿರುವ ತಪ್ಪುಗಳನ್ನು ತಿದ್ದಿಕೊಳ್ಳಲು ಸೂಚಿಸುತ್ತಿದ್ದಾರೆ.

ತಂದೆ ಮತ್ತು ಮಕ್ಕಳ ಸ್ನೇಹ ದೀರ್ಘವಾಗಿರಲಿದೆ: ಈಗಾಗಲೇ ಸತ್ತು ಹೋಗಿರುವ ತಂದೆ ಮತ್ತೆ ನಿಮ್ಮ ಕನಸಿನಲ್ಲಿ ಸತ್ತಂತೆ ಆದರೆ ಇದು ಅಶುಭದ ಸೂಚನೆಯಲ್ಲ. ಬದಲಿಗೆ ದೀರ್ಘಾಯುಷ್ಯದ ಸೂಚನೆ, ಸಾಮರಸ್ಯ ಮತ್ತು ಆಶಾವಾದದ ಸೂಚನೆಯಾಗಿದೆ. ಇದು ನಿಮ್ಮ ಜೊತೆಗಿರುವವರೊಂದಿಗೆ ಗಟ್ಟಿಯಾದ ಸ್ನೇಹ ಸಂಬಂಧವನ್ನು ಹೊಂದುತ್ತೀರಿ ಎಂಬ ಶುಭ ಸೂಚನೆಯಾಗಿದೆ.

ನಿಮ್ಮ ಬಗ್ಗೆ ಬೇಸರಗೊಂಡಿದ್ದಾಗ: ಸತ್ತ ತಂದೆಯು ಕನಸಿನಲ್ಲಿ ಬರಲು ಇದು ಒಂದು ಕಾರಣvಆಗಿದೆ. ಜೀವನದಲ್ಲಿ ನೀವು ನೊಂದುಕೊಂಡಿದ್ದು, ಎಷ್ಟೇ ಕಷ್ಟಪಟ್ಟು ಕೆಲಸ ಮಾಡಿದರು ಜೀವನದಲ್ಲಿ ಮುಂದೆ ಬರೋದಕ್ಕೆ ಸಾಧ್ಯವಾಗುತ್ತಿಲ್ಲ ಎಂದು ಒಳಗೊಳಗೆ ಬೇಸರ ಪಟ್ಟುಕೊಂಡಾಗ ಅಪ್ಪ ಕನಸಿನಲ್ಲಿ ಕಾಣಿಸಿಕೊಳ್ಳುತ್ತಾರೆ ಮತ್ತು ದೈರ್ಯ ತುಂಬುತ್ತಾರೆ.

ನಿಮ್ಮ ಮೃತ ತಂದೆಗೆ ಬಗೆಹರಿಯದ ಸಮಸ್ಯೆ ಇದೆ: ತೀರಿಕೊಂಡ ನಿಮ್ಮ ಅಪ್ಪ ಪದೇ ಪದೇ ಕನಸಿನಲ್ಲಿ ಬರುತ್ತಿದ್ದಾರೆ ಅಂದರೆ ಇದಕ್ಕೆ ಕಾರಣ ಬದುಕಿದ್ದಾಗ ಅವರು ಒಂದು ಸಮಸ್ಯೆಗೆ ಸಿಲುಕಿಕೊಂಡಿದ್ರು ಅಥವಾ ಏನನ್ನೋ ಮಾಡಬೇಕು ಅಂದು ಕೊಂಡಿರ್ಬೇಕು. ಆದರೆ ಅದು ಈಡೇರಲಿಲ್ಲ ಹೀಗಾಗಿ ನಿಮ್ಮ ಮೂಲಕ ಅದನ್ನು ಪೂರೈಸಲು ಇಚ್ಚಿಸುತ್ತಿದ್ದಾರೆ. ಈಗ ಅವರು ಮನಶಾಂತಿ ಇಲ್ಲದೆ ಅಲೆಯುತ್ತಿದ್ದಾರೆ ಎಂದರ್ಥ.

ಬದುಕಿದ್ದಾಗ ತಂದೆಯ ಬಳಿ ಹೇಳದಿರುವ ವಿಚಾರ: ತಂದೆ ಬದುಕಿದ್ದಾಗ ನೀವು ಏನನ್ನೋ ಹೇಳಬೇಕು ಅಂದುಕೊಂಡಿದ್ರಿ ಆದ್ರೆ ಆ ಮಾತನ್ನು ಹೇಳಲು ಸಾಧ್ಯವಾಗಿಲ್ಲ. ಹಾಗಾಗಿ ಪಶ್ವಾತಾಪ, ಅಪರಾಧಭಾವ ನಿಮ್ಮನ್ನು ಕಾಡುತ್ತಿರಬಹದು. ಇಂತಹ ಸಂದರ್ಭದಲ್ಲಿ ತಂದೆ ಕನಸಿನಲ್ಲಿ ಕಾಣಿಸಿಕೊಳ್ಳುತ್ತಾರೆ.