IRCTCಯಿಂದ 'ಡಿವೈನ್​ ಕರ್ನಾಟಕ ಟೂರ್' ಪ್ಯಾಕೇಜ್​​; ಕುಕ್ಕೆ ಸೇರಿದಂತೆ ಈ ಧಾರ್ಮಿಕ ಕ್ಷೇತ್ರಗಳಿಗೆ ಪ್ರವಾಸ

ಈ ಹಿಂದೆ IRCTC ಪ್ರವಾಸೋದ್ಯಮ ಡಿವೈನ್ ಕರ್ನಾಟಕ ಎಂಬ ಹೆಸರಿನಲ್ಲಿ 4 ರಾತ್ರಿ, 5 ದಿನಗಳ ಪ್ರವಾಸ ಪ್ಯಾಕೇಜ್ ಅನ್ನು ಘೋಷಿಸಿತು. ಇದೀಗ ಮತ್ತೆ ಅದೇ ಹೆಸರಿನಲ್ಲಿ 5 ರಾತ್ರಿ, 6 ದಿನಗಳ ಪ್ರವಾಸ ಪ್ಯಾಕೇಜ್ ಅನ್ನು ಘೋಷಿಸಿದೆ.

IRCTC ಟೂರಿಸಂ ಡಿವೈನ್ ಕರ್ನಾಟಕ ಟೂರ್ ಪ್ಯಾಕೇಜ್ ನಲ್ಲಿ ಧರ್ಮಸ್ಥಳ, ಮಂಗಳೂರು, ಶೃಂಗೇರಿ ಮತ್ತು ಉಡುಪಿ ಸ್ಥಳಗಳ ಪ್ರವಾಸ ಒಳಗೊಂಡಿದೆ. ಐದು ದಿನಗಳ ಈ ಪ್ರವಾಸದಲ್ಲಿ ಈ ದೇಗುಲಗಳ ದರ್ಶನ ನಡೆಸಬಹುದಾಗಿದೆ.

ರೈಲು ಸಂಖ್ಯೆ 12789 ಈ ಪ್ರವಾಸ ನಡೆಯಲಿದೆ. ಮೊದಲ ದಿನ ಮಂಗಳೂರು, ನಂತರ ಉಡುಪಿಗೆ ಕರೆದೊಯ್ಯುತ್ತಾರೆ. ಅಲ್ಲಿ ಸೇಂಟ್ ಮೇರಿಸ್ ದ್ವೀಪ, ಮಲ್ಪೆ ಬೀಚ್ ಗೆ ಭೇಟಿ ನೀಡಿ, ರಾತ್ರಿ ಉಡುಪಿಯಲ್ಲಿಯೇ ಪ್ರವಾಸಿಗರಿಗೆ ಉಳಿದುಕೊಳ್ಳಲು ವ್ಯವಸ್ಥೆ ಮಾಡಲಾಗಿದೆ.

ಮೂರನೇ ದಿನ ಶ್ರೀ ಕೃಷ್ಣ ದೇವಾಲಯಕ್ಕೆ ಭೇಟಿ, ಆ ನಂತರ ಶೃಂಗೇರಿ ಬಿಡಬೇಕು. ಶಾರದಾಂಬಾ ದೇವಸ್ಥಾನಕ್ಕೆ ಭೇಟಿ ನೀಡಲಾಗುವುದು. ನಾಲ್ಕನೇ ದಿನ ಧರ್ಮಸ್ಥಳದ ಮಂಜುನಾಥನ ದರ್ಶನ ಬಳಿಕ ಕುಕ್ಕೆ ಸುಬ್ರಹ್ಮಣ್ಯ ದೇವಾಲಯ ದರ್ಶನ ಮಾಡಬಹುದಾಗಿದೆ.

ಐದನೇ ದಿನ ಮಂಗಳೂರಿನ ಸ್ಥಳೀಯ ಸೈಟ್ ಸೀಯಿಂಗ್ ನಡೆಯಲಿದೆ. ಪಿಲಿಕುಳ ನಿಸರ್ಗಧಾಮ, ಮಂಗಳಾದೇವಿ ದೇವಸ್ಥಾನ, ಕಟೀಲು ದೇವಸ್ಥಾನ ಮತ್ತು ತಣ್ಣೀರಬಾವಿ ಬೀಚ್ ಗೆ ಭೇಟಿ ನೀಡಬಹುದು.

ಆಂಧ್ರ ಪ್ರದೇಶದ ಕಾಚಿಗೂಡದಿಂದ ಈ ಪ್ರವಾಸದ ರೈಲು ಹೊರಡಲಿದೆ. ಈ ಪ್ರವಾಸದ ವಿವರ ಹೀಗಿದೆ. ಟ್ರಿಪಲ್ ಆಕ್ಯುಪೆನ್ಸಿಗೆ ರೂ 13,380, ಡಬಲ್ ಆಕ್ಯುಪೆನ್ಸಿಗೆ ರೂ 15,670, ಸಿಂಗಲ್ ಆಕ್ಯುಪೆನ್ಸಿಗೆ ರೂ 24,770 ಆಗಿದೆ. ಸ್ಟ್ಯಾಂಡರ್ಡ್ ಪ್ಯಾಕೇಜ್ ಟ್ರಿಪಲ್ ಆಕ್ಯುಪೆನ್ಸಿಗೆ ರೂ 10,380, ಡಬಲ್ ಆಕ್ಯುಪೆನ್ಸಿಗೆ ರೂ 12,620 ಮತ್ತು ಸಿಂಗಲ್ ಆಕ್ಯುಪೆನ್ಸಿಗೆ ರೂ 21,770 ಆಗಿದೆ.

ಥರ್ಡ್​​ ಎಸಿ ರೈಲು ಪ್ರಯಾಣ, ಸ್ಟ್ಯಾಂಡರ್ಡ್ ಪ್ಯಾಕೇಜ್‌ನಲ್ಲಿ ಸ್ಲೀಪರ್ ಕ್ಲಾಸ್ ಪ್ರಯಾಣ, ಎಸಿ ವಾಹನದಲ್ಲಿ ಸೈಟ್ ಸೀಯಿಂಗ್, ಎಸಿ ಹೋಟೆಲ್‌ನಲ್ಲಿ ವಸತಿ, ಉಪಹಾರ, ಪ್ರಯಾಣ ವಿಮೆ ಒಳಗೊಂಡಿದೆ.

ಆಂಧ್ರದಿಂದ ರೈಲು ಹೊರಡಲಿದ್ದರೂ ಕರ್ನಾಟಕದ ಪ್ರವಾಸಿಗರು ಈ ಪ್ರವಾಸ ನಡೆಸಬಹುದಾಗಿದೆ. ಈ ಪ್ರವಾಸದ ಪ್ಯಾಕೇಜ್ ಕುರಿತು ಹೆಚ್ಚಿನ ವಿವರಗಳನ್ನು IRCTC ಪ್ರವಾಸೋದ್ಯಮ ಅಧಿಕೃತ ವೆಬ್‌ಸೈಟ್‌ನಲ್ಲಿ ಸಿಗಲಿದೆ.