Mahashivaratri 2023: ಶಿವರಾತ್ರಿ ದಿನ ಈ ಪೂಜೆ ಮಾಡಿದ್ರೆ ನೀವು ಇಷ್ಟಪಟ್ಟ ವ್ಯಕ್ತಿ ಜೊತೆ ಮದುವೆ ಆಗುತ್ತೆ

ಪ್ರತಿ ವರ್ಷ ಮಹಾಶಿವರಾತ್ರಿ ಹಬ್ಬವನ್ನು ಆಚರಿಸಲಾಗುತ್ತದೆ. ನಂಬಿಕೆಯ ಪ್ರಕಾರ, ಈ ದಿನದಂದು ಭಗವಾನ್ ಶಿವ ಮತ್ತು ತಾಯಿ ಪಾರ್ವತಿಯನ್ನು ಪೂಜಿಸುವುದರಿಂದ ವೈವಾಹಿಕ ಜೀವನದಲ್ಲಿ ಎಲ್ಲಾ ಸಮಸ್ಯೆಗಳು ದೂರವಾಗುತ್ತವೆ. ಇದಲ್ಲದೇ, ಮಹಾ ಶಿವರಾತ್ರಿಯ ಹಬ್ಬವು ಮದುವೆ ವಿಳಂಬ ಆಗುತ್ತಿರುವವರಿಗೆ ಅಥವಾ ಪ್ರೀತಿಸಿದ ವ್ಯಕ್ತಿಯನ್ನು ಮದುವೆ ಆಗಲು ಪ್ರಯತ್ನಿಸುತ್ತಿರುವವರಿಗೆ ಉತ್ತಮ ದಿನ ಎನ್ನಲಾಗುತ್ತದೆ.

ಇನ್ನು ಮದುವೆಗೆ ಅಡೆತಡೆಗಳಿದ್ದರೆ ಮಹಾಶಿವರಾತ್ರಿಯ ದಿನ ಶಿವ ಪಾರ್ವತಿಯರ ದೇವಸ್ಥಾನಕ್ಕೆ ಹೋಗಿ. ನಂತರ, ಏಳು ಬಾರಿ ಪ್ರದಕ್ಷಿಣೆ ಹಾಕಿ, ಎರಡನ್ನೂ ಕೆಂಪು ದಾರದಿಂದ ಕಟ್ಟಿ. ಅಲ್ಲದೇ, ನೀವು ಶಿವ ಹಾಗೂ ಪಾರ್ವತಿಯ ಮೂರ್ತಿಯನ್ನು ತೆಗೆದುಕೊಂಡು ಹೋಗಿ ಸಹ ಈ ಪೂಜೆ ಮಾಡಬಹುದು.

ನೀವು ಬಯಸಿದ ಜೀವನ ಸಂಗಾತಿ ಪಡೆಯಲು ಮಹಾಶಿವರಾತ್ರಿಯಂದು ಕೆಂಪು ವಸ್ತ್ರವನ್ನು ಧರಿಸಿ ಶಿವ ದೇವಾಲಯಕ್ಕೆ ಹೋಗಿ. ಶಿವ ಮತ್ತು ಪಾರ್ವತಿಯನ್ನು ಪೂಜಿಸಿ. ಅಲ್ಲದೇ, ಈ ದಿನ ಪಾರ್ವತಿಗೆ ಕೆಂಪು ಬಳೆ, ಕೆಂಪು ಬ್ಲೌಸ್, ಮೆಹಂದಿ, ಬಿಂದಿ, ಸಿಂಧೂರ, ಕುಂಕುಮ ಇತ್ಯಾದಿಗಳನ್ನು ಅರ್ಪಿಸಿ.

ಇದರ ನಂತರ ರಾಮಚರಿತ ಮಾನಸದಲ್ಲಿ ವರ್ಣಿಸಲಾದ ಶಿವ-ಪಾರ್ವತಿಯರ ವಿವಾಹದ ಕಥೆಯನ್ನು ಓದಿ. ಮದುವೆಯಲ್ಲಿನ ಅಡೆತಡೆಗಳನ್ನು ನಿವಾರಿಸಲು ಮತ್ತು ಬಯಸಿದ ಜೀವನ ಸಂಗಾತಿಯನ್ನು ಪಡೆಯಲು ಇದು ನಿಮಗೆ ಸಹಾಯ ಮಾಡುತ್ತದೆ ಎನ್ನಲಾಗುತ್ತದೆ.

ಮಹಾಶಿವರಾತ್ರಿಯಂದು ರಾಮಚರಿತ ಮಾನಸ ದ್ವಿಪದವನ್ನು ಓದಬೇಕು. ಇದರಿಂದ ನೀವು ಇಷ್ಟಪಟ್ಟ ವ್ಯಕ್ತಿಯ ಜೊತೆ ನಿಮ್ಮ ಮದುವೆ ಆಗುತ್ತದೆ ಎನ್ನಲಾಗುತ್ತದೆ. ಹಾಗೆಯೇ, ಈ ದಿನ ಪಾರ್ವತಿಯನ್ನು ಪೂಜಿಸುವಾಗ ಆಕೆಗೆ ಇಷ್ಟವಾಗುವ ವಸ್ತುಗಳನ್ನು ಅರ್ಪಿಸಬೇಕು.

ಕುಜ ದೋಷವಿದ್ದರೆ ಶಿವನಿಗೆ ಪಂಚಾಮೃತ ಅಭಿಷೇಕ ಮಾಡಿ ಮದುವೆ ಬೇಗ ಆಗುವಂತೆ ಪ್ರಾರ್ಥಿಸಿ. ನೀವು ಕುಜ ದೋಷದಿಂದ ಬಳಲುತ್ತಿದ್ದರೆ ಜೇನುತುಪ್ಪವನ್ನು ಅರ್ಪಿಸಿ ಅಭಿಷೇಕ ಮಾಡಿ. ಹಾಗೆಯೇ, ಶನಿಗ್ರಹದಿಂದ ನಿಮಗೆ ಮದುವೆ ಸಮಸ್ಯೆಗಳಿದ್ದರೆ ಕಪ್ಪು ಎಳ್ಳಿನ ಅಭಿಷೇಕ ಮಾಡಿ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)