Gajakesari Yoga: ಈ ಸಣ್ಣ ತಪ್ಪು ಮಾಡಿದ್ರೆ ನಿಮ್ಗೆ ಗಜಕೇಸರಿ ಯೋಗ ಇದ್ರೂ ಹೋಗಿಬಿಡುತ್ತಂತೆ!

ಗಜಕೇಸರಿ ಯೋಗ ಇದರ ಬಗ್ಗೆ ಹಲವಾರು ಜನರಿಗೆ ಹಲವಾರು ರೀತಿಯ ಕುತೂಹಲ ಇರುತ್ತದೆ. ಈ ಯೋಗ ಜಾತಕದಲ್ಲಿ ಇದ್ದರೆ ಬಹಳ ಒಳ್ಳೆಯದು ಎಂದು ಹೇಳಲಾಗುತ್ತದೆ. ಇದರಿಂದ ಜೀವನದಲ್ಲಿ ರಾಜನಂತೆ ಬದುಕಬಹುದು ಎಂದು ಸಹ ಹೇಳಲಾಗುತ್ತದೆ.

ನೀವು ಕಳೆದ ಕೆಲ ದಿನಗಳ ಹಿಂದೆ ಕೇಳಿರಬಹುದು, ಖ್ಯಾತ ನಟ ಹಾಗೂ ನಿರ್ದೇಶಕ ರಿಷಬ್ ಶೆಟ್ಟಿಗೆ ಗಜಕೇಸರಿ ಯೋಗ ಇದೆ ಎನ್ನುವ ಮಾತನ್ನು. ಈ ಬಗ್ಗೆ ಅವರ ತಂದೆ ಸ್ವತಃ ಖಾಸಗಿ ಮಾಧ್ಯಮಕ್ಕೆ ನೀಡಿದ್ದ ಸಂದರ್ಶನದಲ್ಲಿ ತಿಳಿಸಿದ್ರು. ಇದರ ನಂತರ ಈ ಯೋಗದ ಬಗ್ಗೆ ಹೆಚ್ಚಿನ ಜನರು ಆಸಕ್ತಿ ತೋರಿಸುತ್ತಿದ್ದಾರೆ.

ಈ ಗಜಕೇಸರಿ ಯೋಗ ಎಂದರೆ ಯೋಗವನ್ನು ಆನೆ ಮತ್ತು ಸಿಂಹದ ಸಂಯೋಜನೆ ಎನ್ನಲಾಗುತ್ತದೆ. ಜಾತಕದಲ್ಲಿ ಚಂದ್ರ ಮತ್ತು ಗುರು ಕೇಂದ್ರದಲ್ಲಿ ಎದುರು ಬದುರಾಗಿ ಕುಳಿತಿದ್ದರೆ, ಈ ಗಜಕೇಸರಿ ಯೋಗ ರೂಪುಗೊಳ್ಳುತ್ತದೆ.

ಈ ಯೋಗ ಇದೆಯಾ ಇಲ್ಲವೋ ಎಂಬುದನ್ನ ಜಾತಕವನ್ನು ಕೂಲಂಕುಷವಾಗಿ ನೋಡಿಯೇ ಕಂಡುಹಿಡಿಯಬೇಕಾಗುತ್ತದೆ. ಯಾರ ಜಾತಕದಲ್ಲಿ ಗಜಕೇಸರಿ ಯೋಗವಿರುತ್ತದೆಯೋ ಆ ವ್ಯಕ್ತಿಯು ಶ್ರೀಮಂತರಾಗುತ್ತಾರೆ ಎಂದು ಹೇಳಲಾಗುತ್ತದೆ. ಗುರು ಸಂಪತ್ತಿನ ಅಂಶವಾಗಿರುವುದರಿಂದ, ಈ ಸಮಯದಲ್ಲಿ ಹಣ ಹಾಗೂ ಯಶಸ್ಸು ವ್ಯಕ್ತಿಯ ಹಿಂಂದಿರುತ್ತದೆ ಎನ್ನಬಹುದು.

ಆದರೆ ಕೆಲವೊಮ್ಮೆ ಗಜಕೇಸರಿ ಯೋಗ ಇರುವುದು ತಿಳಿದಿರುವುದಿಲ್ಲ, ಈ ಸಮಯದಲ್ಲಿ ದೇವಸ್ಥಾನಕ್ಕೆ ಹೋದಾಗ ಕೆಲ ತಪ್ಪುಗಳನ್ನು ಮಾಡಬಾರದು ಎನ್ನಲಾಗುತ್ತದೆ. ಆ ತಪ್ಪು ಮಾಡಿದರೆ ಯೋಗ ಇದ್ದರೂ ಸಹ ಲಾಭ ಸಿಗುವುದಿಲ್ಲ ಎನ್ನಲಾಗುತ್ತದೆ.

ದೇವಸ್ಥಾನದಲ್ಲಿ ಸಾಮಾನ್ಯವಾಗಿ ಹೊರಭಾಗದಲ್ಲಿ ಆನೆಗಳ ಮೂರ್ತಿ ಇರುತ್ತದೆ. ಬಲಕ್ಕೆ ಹಾಗೂ ಎಡಕ್ಕೆ. ಈ ಆನೆಗಳನ್ನು ಮುಟ್ಟಿ ನಮಸ್ಕಾರ ಮಾಡುವುದು ಒಳ್ಳೆಯದು, ಆದರೆ ಮಕ್ಕಳಿದ್ದಾಗ ಆನೆಯ ಮೇಲೆ ಕೂರಿಸಲಾಗುತ್ತದೆ. ಇದರಿಂದ ಮಕ್ಕಳಿಗೆ ಸಂತೋಷವಾಗುತ್ತದೆ. ಆದರೆ ಇದು ತಪ್ಪು ಎನ್ನಲಾಗುತ್ತದೆ.

ಆನೆಗಳ ಮೇಲೆ ಮಕ್ಕಳನ್ನು ಕೂರಿಸುವುದು ಅಥವಾ ನಾವು ಸಹ ಕೂರುವುದರಿಂದ ಜಾತಕದಲ್ಲಿ ಗಜಕೇಸರಿ ಯೋಗ ಇದ್ದರೆ ಹೋಗುತ್ತದೆ ಎನ್ನಲಾಗುತ್ತದೆ. ಹಾಗಾಗಿ ಅಪ್ಪಿ-ತಪ್ಪಿ ಆನೆಯ ಮೂರ್ತಿಯ ಮೇಲೆ ಕೂರಿಸಲು ಹೋಗಬೇಡಿ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)