Vastu Tips For Main Gate: ಜೇಬಿನಲ್ಲಿ ಹಣ ಉಳಿಯುತ್ತಿಲ್ಲವೇ? ಮನೆಯ ಮುಖ್ಯದ್ವಾರದ ಈ ವಾಸ್ತು ಬದಲಿಸಿ

ವಾಸ್ತುಶಾಸ್ತ್ರದಲ್ಲಿ, ಕುಟುಂಬದಲ್ಲಿ ಸಂತೋಷ ಮತ್ತು ಯೋಗಕ್ಷೇಮವನ್ನು ಕಾಪಾಡಿಕೊಳ್ಳಲು ಕೆಲವು ಉಪಾಯಗಳಿವೆ. ಈ ಸರಳ ಉಪಾಯಗಳನ್ನು ವಾಸ್ತುಶಾಸ್ತ್ರದಲ್ಲಿ ಅಳವಡಿಸಿಕೊಳ್ಳಬೇಕು. ವಾಸ್ತುಶಾಸ್ತ್ರದಲ್ಲಿ ಮುಖ್ಯದ್ವಾರಕ್ಕೆ ಮಹತ್ವವಿದೆ. (ಸಾಂದರ್ಭಿಕ ಚಿತ್ರ)

ಮುಖ್ಯದ್ವಾರದ ವಾಸ್ತುವಿನಲ್ಲಿ ದೋಷವಿದ್ರೆ ಋಣಾತ್ಮಕ ಶಕ್ತಿಯು ಮನೆಗೆ ಪ್ರವೇಶಿಸುತ್ತದೆ. ಆದ್ದರಿಂದ ಮುಖ್ಯ ದ್ವಾರವು ವಾಸ್ತು ದೋಷಗಳಿಂದ ಮುಕ್ತವಾಗಿರಬೇಕು. ದೋಷವಿದ್ರೆ ನೀವೂ ಎಷ್ಟೇ ಹಣ ಗಳಸಿದರೂ ಅದು ನಿಮ್ಮ ಬಳಿ ಉಳಿಯಲ್ಲ. ಮುಖ್ಯದ್ವಾರದ ವಾಸ್ತು ಹೇಗಿರಬೇಕು ಎಂಬುದರ ಮಾಹಿತಿ ಇಲ್ಲಿದೆ. (ಸಾಂದರ್ಭಿಕ ಚಿತ್ರ)

ಮುಖ್ಯದ್ವಾರದ ಮೇಲಿರಲಿ ಗಣೇಶನ ಚಿತ್ರ
ಯಾವುದೇ ಶುಭಕಾರ್ಯ ನಡೆದರೂ ಮೊದಲು ವಿಘ್ನ ವಿನಾಯಕನಿಗೆ ಪೂಜೆ ಸಲ್ಲಿಸಲಾಗುತ್ತದೆ. ಮನೆಯ ಪ್ರಮುಖ ದ್ವಾರಕ್ಕೆ ಅಥವಾ ಮೇಲೆ ಗಣೇಶನ ಮೂರ್ತಿ, ಫೋಟೋ ಹಾಕಿರಬೇಕು. ಹೀಗೆ ಮಾಡುವದರಿಂದ ಮನೆಯೊಳಗೆ ಋಣಾತ್ಮಕ ಶಕ್ತಿ ಪ್ರವೇಶಿಸಲ್ಲ. ಪ್ರತಿಯೊಂದು ಪ್ರಯತ್ನದಲ್ಲೂ ಯಶಸ್ಸಿನ ಸಾಧ್ಯತೆಗಳು ಹೆಚ್ಚಿರುತ್ತವೆ. (ಸಾಂದರ್ಭಿಕ ಚಿತ್ರ )

ಶಮಿ ವೃಕ್ಷ ಬೆಳೆಸಿ
ಜ್ಯೋತಿಷ್ಯ ಶಾಸ್ತ್ರದಲ್ಲಿ ಶಮಿ ಗಿಡ ಶನಿ ದೇವರಿಗೆ ಸೇರಿದ್ದು ಎಂದು ನಂಬಲಾಗಿದೆ. ಶಮಿಗೆ ಸೇರಿದ ಎರಡು ಗಿಡಗಳನ್ನು ಮನೆಯ ಮುಂದೆ ಬೆಳೆಸಬೇಕು. ಸ್ಥಳಾವಕಾಶ ಇರದಿದ್ರೆ ಕುಂಡದಲ್ಲಿ ಬೆಳೆಸಬಹುದು. ಇದರಿಂದ ಕೆಟ್ಟ ಸಮಯ ನಿಮ್ಮ ಹತ್ರ ಸುಳಿಯಲ್ಲ. (ಸಾಂದರ್ಭಿಕ ಚಿತ್ರ)

ಶಮಿ ವೃಕ್ಷಕ್ಕೆ ಪ್ರತಿದಿನ ನೀರು ಹಾಕುತ್ತಿರಬೇಕು. ಶಮೀ ವೃಕ್ಷ ಮುಖ್ಯದ್ವಾರದ ಬಳಿ ಶಮಿ ವೃಕ್ಷವಿದ್ರೆ ನಕಾರಾತ್ಮಕ ಶಕ್ತಿ ಮನೆಯೊಳಗೆ ಪ್ರವೇಶಿಸಲ್ಲ. ಶಮಿ ವೃಕ್ಷಕ್ಕೆ ನೀರು ಹಾಕುವದರಿಂದ ಅದೃಷ್ಟ ಸಿಗುತ್ತೆ ಅಂತ ಹೇಳ್ತಾರೆ. (ಸಾಂದರ್ಭಿಕ ಚಿತ್ರ)

ಮನೆಯ ಮುಖ್ಯದ್ವಾರದ ಮೇಲೆ ಸ್ವಸ್ತಿಕ ಗುರುತು ಹಾಕಿ. ಈ ಗುರುತು ಹಾಕೋದನ್ನು ಮಂಗಳಕರ ಎಂದು ಹೇಳುತ್ತಾರೆ. ಮನೆಯ ಮುಖ್ಯ ಬಾಗಿಲಿಗೆ ದೇವತೆ ಲಕ್ಷ್ಮಿ ಪಾದುಕೆ ಅಥವಾ ಗೊಂಬೆಯನ್ನು ಇರಿಸೋದರಿಂದ ಐಶ್ವರ್ಯ ಹೆಚ್ಚಳವಾಗುತ್ತದೆ. (ಸಾಂದರ್ಭಿಕ ಚಿತ್ರ)

ಮಾರುಕಟ್ಟೆಯಲ್ಲಿ ವಿವಿಧ ಲೋಹಗಳ ಸೂರ್ಯ ದೇವರ ವಿಗ್ರಹಗಳು ಸಿಗುತ್ತವೆ. ಮುಖ್ಯದ್ವಾರಕ್ಕೆ ತಾಮ್ರದ ಸೂರ್ಯದೇವನ ಪ್ರತಿಮೆ ಹಾಕಬೇಕು. ಇದರಿಂದ ಗ್ರಹದೋಷಗಳು ನಿವಾರಣೆ ಆಗುತ್ತವೆ ಮತ್ತು ಮನೆಯಲ್ಲಿ ಧನಾತ್ಮಕ ಶಕ್ತಿಗಳು ಉಳಿಯುತ್ತವೆ. (ಮೇಲಿನ ಲೇಖನದ ವರದಿಯೂ ಧಾರ್ಮಿಕ ನಂಬಿಕೆಗಳು ನಡೆದ ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)