Shani Dev: ಈ ಕೆಲಸಗಳನ್ನು ಮಾಡಿದ್ರೆ ಸಾಡೆಸಾತಿ ಕಾಟ ಇರೋದಿಲ್ಲ

ಶನಿ ದೇವರನ್ನು ನ್ಯಾಯದ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಶನಿ ಬಲವಾಗಿದ್ದರೆ ನಿಮಗೆ ಅನ್ಯಾಯವಾಗುವುದಿಲ್ಲ. ಸಾಮಾನ್ಯವಾಗಿ ಶನೀಶ್ವರನನ್ನು ಎಲ್ಲಾ ಜನರು ಭಕ್ತಿಯಿಂದ ಕಾಣುತ್ತಾರೆ. ಶನೀಶ್ವರನ ಕ್ರಪೆಗೆ ಪಾತ್ರರಾಗಲು ಕಾಯುತ್ತಾರೆ.

ಎಲಿನಾಟಿ ಶನಿ, ಅಷ್ಟಮ ಶನಿ, ಅರ್ಧಾಷ್ಟಮ ಶನಿ ಈ ಹೆಸರುಗಳನ್ನು ಕೇಳಿದರೆ ಜನರಲ್ಲಿ ಒಂದು ರೀತಿಯ ನಡುಕ ಉಂಟಾಗುತ್ತದೆ. ಆದರೆ ಶನಿಯು ಎಲ್ಲರಿಗೂ ಶಿಕ್ಷೆ ನೀಡುವುದಿಲ್ಲ. ಮಾಡಬಾರದ ಕೆಲವು ಕೆಲಸಗಳಿವೆ. ಆ ದುಷ್ಕೃತ್ಯಗಳನ್ನು ಮಾಡುವವರನ್ನು ಕಠಿಣವಾಗಿ ಶಿಕ್ಷಿಸುವನು. ಆ ವಿಷಯಗಳ ಬಗ್ಗೆ ಇಲ್ಲಿ ತಿಳಿದುಕೊಳ್ಳೋಣ.

ಎಲ್ಲಾ ಧರ್ಮದ ಪ್ರಕಾರ ಪ್ರಾಣಿಗಳಿಗೆ ಹಿಂಸೆ ಕೊಡಬಾರದು. ಅದರಲ್ಲೂ ನಾಯಿಗಳಿಗೆ, ಹಸುಗಳಿಗೆ, ಬೆಕ್ಕಿಗೆ ಈ ರೀತಿ ಸಾಕಿದ ಪ್ರಾಣಿಗಳಿಗೆ ಯಾರು ತುಂಬಾ ಸಹಾಯ ಮಾಡುತ್ತಾ, ಋಣಿಯಾಗಿರುತ್ತಾರೋ ಅವರಿಗೆ ಶನಿ ದೇವರ ಆಶಿರ್ವಾದ ಇರುತ್ತದೆ.

ಯಾರು ತಮ್ಮ ಜೀವನದಲ್ಲಿ ಹೆಚ್ಚಿನ ಶುಚಿತ್ವವನ್ನು ಕಾಪಾಡುತ್ತಾರೋ ತಮ್ಮ ಮನೆಯನ್ನು ತುಂಬಾ ಸ್ವಚ್ಛವಾಗಿಡುತ್ತಾರೋ ಅವರೆಲ್ಲರಿಗೂ ಶನಿ ದೇವ ಒಲಿಯುತ್ತಾನೆ.

ಶನಿಯು ಕರ್ಮವನ್ನು ಕೊಡುವವನು ಎಂದು ಕರೆಯುತ್ತಾರೆ. ಆದ್ದರಿಂದಲೇ ಬಡವರಿಗೆ ಮತ್ತು ಅಸಹಾಯಕರಿಗೆ ತೊಂದರೆ ನೀಡಿದವರನ್ನು ಕಠಿಣವಾಗಿ ಶಿಕ್ಷಿಸುತ್ತಾನೆ. ಆದ್ದರಿಂದ ಯಾರೆಲ್ಲಾ ಬಡವರಿಗೆ ಸಹಾಯ ಮಾಡುತ್ತಾರೋ ಅವರಿಗೆ ಶನಿದೇವ ಒಲಿಯುತ್ತಾನೆ.

ಹಿರಿಯರನ್ನು ಅವಮಾನಿಸಿದೆ ಸನ್ನಡತೆ  ತೋರಿದ ಕಡೆ ಶನಿ ಒಳ್ಳೆಯದನ್ನೇ ಮಾಡುತ್ತಾನೆ. ತಾಯಿಯನ್ನು ಅವಮಾನಿಸುವ ವ್ಯಕ್ತಿ ಶನಿದೇವನ ಕೋಪಕ್ಕೆ ಗುರಿಯಾಗುತ್ತಾನೆ. ಆದ್ದರಿಂದ ನಿಮ್ಮ ತಾಯಿ ಹಾಗೂ ಗುರು -ಹಿರಿಯರನ್ನು ಗೌರವಿಸ

ಅಮವಾಸ್ಯೆ ಅಥವಾ ಶನಿವಾರದಂದು ಮದ್ಯ ಸೇವಿಸುವವರನ್ನು ಶನಿಯು ಕ್ಷಮಿಸುವುದಿಲ್ಲ. ಅಂತಹವರಿಗೆ ಶನಿ ಮಹಾದಶಾ ಬಿದ್ದರೆ ಪ್ರತಿ ಹಂತದಲ್ಲೂ ಸಂಕಷ್ಟ ಅನುಭವಿಸಬೇಕಾಗುತ್ತದೆ. ಹಾಗಾಗಿ ನೀವು ಮದ್ಯಪಾನ ಮಾಡದೇ ಇರಬೇಕು.

ಶನಿ ದೋಷವನ್ನು ತೊಡೆದುಹಾಕಲು, ಶನಿವಾರದಂದು ಶನಿ ಮೂರ್ತಿಗೆ ಎಣ್ಣೆಯನ್ನು ಅರ್ಪಿಸಿ ಮತ್ತು ಬಡವರಿಗೆ ಮತ್ತು ನಿರ್ಗತಿಕರಿಗೆ ಸಹಾಯ ಮಾಡಿ, ನಿಯಮಿತವಾಗಿ ಶನಿ ಚಾಲೀಸಾವನ್ನು ಪಠಿಸಿ.