Bird's Nest Astrology: ಈ ಹಕ್ಕಿ ನಿಮ್ಮನೆಯಲ್ಲಿ ಗೂಡು ಕಟ್ಟಿದ್ರೆ ಅದೃಷ್ಟನೇ ಬದಲಾಗುತ್ತೆ

ಮರಗಳು, ಸಸ್ಯಗಳು, ಪ್ರಾಣಿಗಳು ಮತ್ತು ಪಕ್ಷಿಗಳನ್ನು ಹಿಂದೂ ಧರ್ಮದಲ್ಲಿ ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಜ್ಯೋತಿಷ್ಯದಲ್ಲಿ ಸಹ ಪ್ರಾಣಿ-ಪಕ್ಷಿಗಳಿಗೂ ವಿಶೇಷ ಪ್ರಾಮುಖ್ಯತೆ ನೀಡಲಾಗಿದೆ. ಕೆಲವೊಮ್ಮೆ ನಮ್ಮ ಮನೆಗಳಲ್ಲಿ ಹಕ್ಕಿಗಳು ಗೂಡು ಕಟ್ಟುತ್ತವೆ. ಅವು ಸಾಮಾನ್ಯವಾಗಿ ಕಿಟಕಿಗಳು, ಕಟ್ಟಡಗಳಲ್ಲಿ ಮತ್ತು ಟ್ರಾಫಿಕ್ ಮುಕ್ತ ಪ್ರದೇಶಗಳಲ್ಲಿ ಗೂಡುಕಟ್ಟುತ್ತವೆ. ನಾವು ಇದನ್ನು ಹಲವಾರು ಬಾರಿ ನೋಡಿ ಆನಂದಿಸುತ್ತೇವೆ. ಆದರೆ ಜ್ಯೋತಿಷ್ಯ ಈ ಬಗ್ಗೆ ಏನು ಹೇಳುತ್ತದೆ ಗೊತ್ತಾ?

ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಮನೆಯಲ್ಲಿ ಪಕ್ಷಿಗಳು, ಪಾರಿವಾಳದ ಗೂಡುಗಳು ಅಥವಾ ಜೇನುನೊಣಗಳು ನಮಗೆ ಕೆಲವು ಪ್ರಮುಖ ಮಾಹಿತಿಗಳನ್ನು, ಅದೃಷ್ಟ, ಸಮಸ್ಯೆಯನ್ನು ನೀಡುತ್ತವೆ ಎಂದು ಹೇಳಲಾಗುತ್ತದೆ. ಶಾಸ್ತ್ರವು ಪಕ್ಷಿಗಳಿಗೆ ಸಂಬಂಧಿಸಿದ ಕೆಲವು ಶುಭ ಮತ್ತು ಅಶುಭ ಸಂಕೇತಗಳನ್ನು ಸೂಚಿಸುತ್ತವೆ. ಹಾಗಿದ್ರೆ ಮನೆಯಲ್ಲಿ ಹಕ್ಕಿಗಳು ಗೂಡು ಕಟ್ಟಿದ್ರೆ ಒಳ್ಳೆಯದಾ, ಯಾವ ಹಕ್ಕಿ ಗೂಡು ಕಟ್ಟಿದ್ರೆ ಒಳ್ಳೆಯದು ಈ ಎಲ್ಲಾ ಮಾಹಿತಿ ಕೆಳಗಿನ ಲೇಖನದಲ್ಲಿದೆ ಓದಿ.

ಗುಬ್ಬಚ್ಚಿಯ ಗೂಡು: ಒಂದು ಮನೆಯಲ್ಲಿ ಪಕ್ಷಿಗಳು ಅಥವಾ ಗುಬ್ಬಚ್ಚಿಗಳು ಗೂಡುಕಟ್ಟುವುದು ಆ ಮನೆಯಲ್ಲಿ ವಾಸಿಸುವವರಿಗೆ ಮಂಗಳಕರವೆಂದು ಜ್ಯೋತಿಷ್ಯವು ನಂಬುತ್ತದೆ.

ಗುಬ್ಬಚ್ಚಿ ಗೂಡು ಕಟ್ಟಿದ ಮನೆಯಲ್ಲಿ, ಸಂತೋಷ ಮತ್ತು ಸಮೃದ್ಧಿ ಬರುತ್ತದೆ ಎಂದು ಶಾಸ್ತ್ರ ಹೇಳುತ್ತದೆ. ಹಾಗೆಯೇ ಇದು ಮನೆಯನ್ನು ಆಶೀರ್ವದಿಸುತ್ತದೆ. ಅದೇ ರೀರಿ ದುರಾದೃಷ್ಟವು ಬದಲಾಗಿ ಅದೃಷ್ಟ ಒಲಿಯುತ್ತದೆ ಎಂದು ಹೇಳಲಾಗಿದೆ.

ಪಾರಿವಾಳದ ಗೂಡು: ಮನೆಯಲ್ಲಿ ಪಾರಿವಾಳದ ಗೂಡು ಕಟ್ಟುವುದು ಮನೆಯಲ್ಲಿರುವವರಿಗೆ ಹಣ ಬರುವ ಸಂಕೇತವಾಗಿದೆ. ಪಾರಿವಾಳವನ್ನು ಲಕ್ಷ್ಮಿ ದೇವಿಯ ಭಕ್ತ ಎಂದು ಪರಿಗಣಿಸಲಾಗುತ್ತದೆ. ಹಾಗಾಗಿಯೇ ಮನೆಯಲ್ಲಿ ಪಾರಿವಾಳ ಗೂಡು ಇಟ್ಟರೆ ಶುಭ. ಪಾರಿವಾಳಗಳು ಗೂಡು ಕಟ್ಟುವ ಮನೆ ಸಂಪತ್ತು, ಸಂತೋಷ ಮತ್ತು ಶಾಂತಿಯನ್ನು ತರುತ್ತದೆ ಎಂದು ನಂಬಲಾಗಿದೆ.

ಬಾವಲಿ ಮನೆಗೆ ಬಂದರೆ ಏನಾಗುತ್ತೆ?:  ಬಾವಲಿಗಳು ಒಂಟಿ ಪಕ್ಷಿಗಳು. ಒಬ್ಬರ ಮನೆಯಲ್ಲಿ ಬಾವಲಿಯ ಗೂಡು ಇದೆ ಎಂದರೆ ಅದು ಆ ಮನೆಯವರಿಗೆ ಕೆಟ್ಟದ್ದನ್ನು ತರುತ್ತದೆ. ಹಾಗೆಯೇ ಮನೆಯೊಳಗೆ ಬಾವಲಿಗಳು ಬರುವುದು ಒಳ್ಳೆಯದಲ್ಲ. ಇದರರ್ಥ ನೀವು ಭವಿಷ್ಯದಲ್ಲಿ ಜಾಗರೂಕರಾಗಿರಬೇಕು.

ಜೇನುಗೂಡು: ಅನೇಕ ಬಾರಿ ಜೇನುನೊಣಗಳು ಕೆಲವರ ಮನೆಯಲ್ಲಿ ಗೂಡುಕಟ್ಟಿರುತ್ತವೆ. ಆದರೆ ಜ್ಯೋತಿಷ್ಯದ ಪ್ರಕಾರ ಇದು ಒಳ್ಳೆಯದಲ್ಲ. ನಿಮ್ಮ ಮನೆಯಲ್ಲೂ ಜೇನು ಗೂಡು ಇದ್ದರೆ ತಕ್ಷಣ ತೆಗೆಯದಿದ್ದರೆ ದೊಡ್ಡ ಅನಾಹುತವೇ ಸಂಭವಿಸಬಹುದು.