Somavati Amavasya 2023: ಸೋಮಾವತಿ ಅಮಾವಾಸ್ಯೆ ದಿನ ಈ ಕೆಲಸ ಮಾಡಿದ್ರೆ ಗಂಡನ ಆಯಸ್ಸು ಹೆಚ್ಚಾಗುತ್ತೆ

ವರ್ಷದ ಮೊದಲ ಸೋಮಾವತಿ ಅಮವಾಸ್ಯೆ ಫೆಬ್ರವರಿ 20 ರಂದು ಬಂದಿದೆ. ಸೋಮವಾರದಂದು ಬರುವ ಅಮಾವಾಸ್ಯೆಯನ್ನು ಸೋಮಾವತಿ ಅಮವಾಸ್ಯೆ ಎನ್ನುತ್ತಾರೆ. ಈ ದಿನ ಶಿವ ಪಾರ್ವತಿಯರನ್ನು ಪೂಜಿಸಲಾಗುತ್ತದೆ. ವಿವಾಹಿತ ಸ್ತ್ರೀಯರು ತಮ್ಮ ಗಂಡನ ದೀರ್ಘಾಯುಷ್ಯಕ್ಕಾಗಿ ಈ ದಿನ ಉಪವಾಸ ಮಾಡುತ್ತಾರೆ.

ಸೋಮಾವತಿ ಅಮಾವಾಸ್ಯೆಯಂದು ಪಾರ್ವತಿ ಮತ್ತು ಶಿವನನ್ನು ಪೂಜಿಸುವುದು ವಿಶೇಷ ಲಾಭವನ್ನು ನೀಡುತ್ತದೆ. ಹಾಗೆಯೇ ಈ ದಿನ ಮಹಿಳೆಯರು ಶಿವಲಿಂಗಕ್ಕೆ ಹಸಿ ಹಾಲಿನಿಂದ ಅಭಿಷೇಕ ಮಾಡಬೇಕು. ಇದರ ಜೊತೆ ಪಾರ್ವತಿಗೆ ಸುಗಂಧ ದ್ರವ್ಯಗಳನ್ನು ಅರ್ಪಿಸಬೇಕು. ಹೀಗೆ ಮಾಡುವುದರಿಂದ ಅಪಾರ ಸಂಪತ್ತು ಸಿಗುತ್ತದೆ. ಇದಲ್ಲದೇ ಪತಿಗೆ ಆರೋಗ್ಯ ಸಂಬಂಧಿ ಸಮಸ್ಯೆಗಳಿಂದ ಮುಕ್ತಿ ದೊರೆಯುತ್ತದೆ.

ಸೋಮಾವತಿ ಅಮಾವಾಸ್ಯೆಯಂದು, ನಿಮ್ಮ ಪೂರ್ವಜರನ್ನು ಮೆಚ್ಚಿಸಲು, ದೇವಾಲಯಕ್ಕೆ ಹೋಗಿ ಅಲ್ಲಿರುವ ಅರಳಿ ಮರಕ್ಕೆ ಪೂಜೆ ಮಾಡಿ. ಹೀಗೆ ಮಾಡುವುದರಿಂದ ಪೂರ್ವಜರು ನೆಮ್ಮದಿಯಿಂದ ಇರುತ್ತಾರೆ. ಅಲ್ಲದೇ ಅರಳಿ ಮರ ಪೂಜಿಸುವುದರಿಂದ ನಿಮಗೆ ಪ್ರಗತಿಯ ಬಾಗಿಲು ತೆರೆದುಕೊಳ್ಳುತ್ತದೆ.

ಪಿತೃ ದೋಷವನ್ನು ಕಡಿಮೆ ಮಾಡುತ್ತದೆ: ಸೋಮಾವತಿ ಅಮಾವಾಸ್ಯೆಯಂದು, ಹವನಮಾಡಿ. ಅದಕ್ಕೆ ಕುಂಕುಮವನ್ನು ಅರ್ಪಿಸಿ, ತಿಳಿದು ಅಥವಾ ತಿಳಿಯದೇ ಮಾಡಿದ ತಪ್ಪುಗಳಿಗಾಗಿ ಕ್ಷಮೆಯನ್ನು ಕೇಳಿ. ಈ ರೀತಿ ಮಾಡುವುದರಿಂದ ಪಿತೃ ದೋಷ ಕಡಿಮೆಯಾಗುತ್ತದೆ ಮತ್ತು ಉತ್ತಮ ಫಲಿತಾಂಶ ಸಿಗುತ್ತದೆ.

ಕಾಳಸರ್ಪ ದೋಷಕ್ಕೆ: ಸೋಮಾವತಿ ಅಮವಾಸ್ಯೆಯಂದು ಬೆಳಗ್ಗೆ ಶಿವನ ಪೂಜೆಯ ಸಮಯದಲ್ಲಿ ರುದ್ರಾಭಿಷೇಕವನ್ನು ಮಾಡಿ. ಇದರ ನಂತರ, ಒಂದು ದೇವಾಲಯಕ್ಕೆ ಹೋಗಿ, ಬೆಳ್ಳಿಯ ಜೋಡಿ ಹಾವುಗಳನ್ನು ಅರ್ಪಿಸಿ. ಹೀಗೆ ಮಾಡುವುದರಿಂದ ಕಾಳಸರ್ಪ ದೋಷ ನಿವಾರಣೆಯಾಗುವುದಲ್ಲದೆ ಸಂಪತ್ತು ವೃದ್ಧಿಯಾಗುತ್ತದೆ

ಪತಿ-ಪತ್ನಿಯರ ನಡುವೆ ನಿತ್ಯ ಜಗಳ ನಡೆಯುತ್ತಿದ್ದರೆ ಸೋಮಾವತಿಯ ಅಮಾವಾಸ್ಯೆಯಂದು ಹಸುವಿಗೆ ಐದು ಬಗೆಯ ಹಣ್ಣುಗಳನ್ನು ತಿನ್ನಿಸಿ. ಇದರ ನಂತರ, ಶ್ರೀ ಹರಿ ಮಂತ್ರವನ್ನು ಪಠಿಸಿ, ತುಳಸಿಗೆ 108 ಬಾರಿ ಪ್ರದಕ್ಷಿಣೆ ಹಾಕಿ. ಹೀಗೆ ಮಾಡುವುದರಿಂದ ವೈವಾಹಿಕ ಜೀವನದಲ್ಲಿನ ಸಮಸ್ಯೆಗಳು ದೂರವಾಗುತ್ತವೆ.

ಆರೋಗ್ಯ ವೃದ್ಧಿಗೆ: ಸೋಮಾವತಿ ಅಮಾವಾಸ್ಯೆಯಂದು, ರೋಗಗಳಿಂದ ಪರಿಹಾರ ಪಡೆಯಲು ರೋಗಿಯು ಅವರ ಗಾತ್ರದ ದಾರವನ್ನು ಕತ್ತರಿಸಿ ಅದನ್ನು ಅರಳಿ ಮರಕ್ಕೆ ಸುತ್ತಬೇಕು. ಹೀಗೆ ಮಾಡುವುದರಿಂದ ಆರೋಗ್ಯದ ಜೊತೆಗೆ ಶನಿ ದೋಷ ನಿವಾರಣೆಯಾಗುತ್ತದೆ. ಇದರೊಂದಿಗೆ ಜೀವನ, ಉದ್ಯೋಗ ಮತ್ತು ವ್ಯಾಪಾರದಲ್ಲಿ ಪ್ರಗತಿ ಸಿಗಲಿದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)