Buddha Idol Vastu: ಮನೆಯ ಈ ಮೂಲೆಯಲ್ಲಿ ಬುದ್ದನ ವಿಗ್ರಹ ಇಟ್ರೆ ನೆಗೆಟಿವ್ ಎನರ್ಜಿ ಬರಲ್ಲ

ಗೌತಮ ಬುದ್ಧನ ಬಗ್ಗೆ ನಾವು ಹೆಚ್ಚಾಗಿ ಹೇಳುವ ಅವಶ್ಯಕತೆ ಇಲ್ಲ. ಅವರು ಹಾಕಿಕೊಟ್ಟ ದಾರಿಯಲ್ಲಿ ನಾವು ನಡೆಯುವುದು ಬುದುಕಿನಲ್ಲಿ ಮಹತ್ತರವಾದ ಬದಲಾವಣೆಯಾಗುತ್ತದೆ. ಜೀವನಕ್ಕೆ ಬೇಕಾದ ಬಹುಮುಖ್ಯ ಪಾಠವನ್ನು ತಿಳಿಸಿಕೊಟ್ಟವರು ಈ ಬುದ್ಧ.

ಗೌತಮ ಬುದ್ಧನ ಮೂರ್ತಿ ವಾಸ್ತುಶಾಸ್ತ್ರದಲ್ಲಿ ಬಹಳ ಪ್ರಾಮುಖ್ಯತೆಯನ್ನು ಹೊಂದಿದೆ. ಇದನ್ನು ಮಾನಸಿಕ ಶಾಂತಿ ಮತ್ತು ಬುದ್ದಿವಂತಿಕೆಯ ಸಂಕೇತ ಎಂದು ಪರಿಗಣಿಸಲಾಗುತ್ತದೆ. ಈ ಬುದ್ಧನ ವಿಗ್ರಹವನ್ನು ಮನೆಯಲ್ಲಿ ಇಟ್ಟರೆ ಹಲವಾರು ಸಮಸ್ಯೆಗಳಿಗೆ ಪರಿಹಾರ ಸಿಗುತ್ತದೆ. ಮನೆಯಲ್ಲಿ ಬುದ್ಧನ ವಿಗ್ರಹವನ್ನು ಹೇಗೆ ಇಡಬೇಕು ಎಂಬುದು ಇಲ್ಲಿದೆ.

ಮೊದಲು ಮನೆಯ ಮುಖ್ಯದ್ವಾರದ ಬಾಗಿಲಿನ ಮುಂದೆ ಬುದ್ಧನ ವಿಗ್ರಹವನ್ನು ಇಡುವುದು ಮನೆಯ ಒಳಗೆ ನೆಗೆಟಿವ್ ಎನರ್ಜಿ ಬರದಂತೆ ತಡೆಯುತ್ತದೆ. ಅಲ್ಲದೇ ಇದರ ಸುತ್ತ-ಮುತ್ತಲಿನ ಪರಿಸರವನ್ನು ರಕ್ಷಣೆ ಮಾಡುತ್ತದೆ ಎನ್ನಲಾಗುತ್ತದೆ. ಆದರೆ ಈ ವಿಗ್ರವನ್ನು ನೆಲದ ಮೇಲೆ ಇಡಬಾರದು, ನೆಲದಿಂದ 3 ರಿಂದ 4 ಅಡಿ ಎತ್ತರದಲ್ಲಿ ಇಡಬೇಕು.

ವಾಸ್ತುಶಾಸ್ತ್ರದ ಪ್ರಕಾರ ಮನೆಯ ಲೀವಿಂಗ್ ರೂಂನಲ್ಲಿ ಬುದ್ಧನ ವಿಗ್ರಹವನ್ನು ಇಡಬಹುದು. ಆದರೆ ಪಶ್ಚಿಮ ದಿಕ್ಕಿನ ಕಡೆ ಮುಖ ಮಾಡಿ ಇಡಬೇಕು. ಲೀವಿಂಗ್ ರೂಂನಲ್ಲಿ ವಿಗ್ರವಿದ್ದರೆ ಮನೆಯಲ್ಲಿ ಶಾಂತಿ ಇರುತ್ತದೆ, ಯಾವುದೇ ರೀತಿಯ ಕಿರಿಕಿರಿ ಇರುವುದಿಲ್ಲ.

ನಿಮ್ಮ ಮನೆಯ ಗಾರ್ಡನ್​ ಏರಿಯಾದಲ್ಲಿ ನೀವು ಬುದ್ದನ ವಿಗ್ರಹವನ್ನ ಇಡಬಹುದು. ಈ ರೀತಿ ಇಡುವುದರಿಂದ ಮಾನಸಿಕ ಆರೋಗ್ಯ ಚೆನ್ನಾಗಿರುತ್ತದೆ ಮತ್ತು ಆರ್ಥಿಕ ಸಮಸ್ಯೆ ಸಹ ಬರುವುದಿಲ್ಲ ಎನ್ನುತ್ತದೆ ವಾಸ್ತುಶಾಸ್ತ್ರ

ದೇವರ ಕೋಣೆಯಲ್ಲಿ ಸಹ ನೀವು ಬುದ್ಧನ ವಿಗ್ರಹವನ್ನು ಇಡಬಹುದು. ಆದರೆ ಅದನ್ನು ಪೂರ್ವಾಭಿಮುಖವಾಗಿ ಇಡಬೇಕು. ಮತ್ತೊಂದು ಮುಖ್ಯವಾದ ವಿಚಾರ ಎಂದರೆ ನಿಮ್ಮ ಕಣ್ಣಿನ ನೇರಕ್ಕೆ ವಿಗ್ರಹ ಇರಬೇಕು. ಕೆಳಗೆ ಇರಬಾರದು.

ನೀವು ಮಕ್ಕಳ ಓದುವ ಕೋಣೆಯಲ್ಲಿ ಸಹ ಈ ವಿಗ್ರಹವನ್ನು ಇಡಬಹುದು, ಆದರೆ ಪೂರ್ತಿ ವಿಗ್ರಹ ಇಡುವ ಬದಲಾಗಿ ಕೇವಲ ಮುಖವನ್ನು ಇಟ್ಟುಕೊಂಡರೆ ಉತ್ತಮ. ಇದರಿಂದ ಮಕ್ಕಳಲ್ಲಿ ಏಕಾಗ್ರತೆ ಹೆಚ್ಚಾಗುತ್ತದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)