Shani Doshaದಿಂದ ಮುಕ್ತಿ ಬೇಕು ಅಂದ್ರೆ ಶನಿವಾರ ಮಿಸ್ ಮಾಡ್ದೇ ಈ ಕೆಲಸ ಮಾಡಿ

ಶನಿ ದೇವರು ನಮ್ಮ ಕಾರ್ಯಗಳಿಗೆ ಅನುಗುಣವಾಗಿ ಯಾವಾಗಲೂ ಫಲ ನೀಡುವ ದೇವರು ಎನ್ನಲಾಗುತ್ತದೆ. ಆದರೆ ಹೆಚ್ಚಾಗಿ ಜನರಿಗೆ ಶನಿ ಎಂದರೆ ಬಹಳ ಭಯ ಇರುತ್ತದೆ. ಒಮ್ಮೆ ಶನಿಕಾಟ ಆರಂಭವಾದರೆ ಅದರಿಂದ ಹೊರ ಬರುವುದು ಬಹಳ ಕಷ್ಟ.

ಶನಿಯ ದೋಷ ಅಥವಾ ಸಾಡೇಸಾತಿ ಆರಂಭವಾದರೆ ಜೀವನದಲ್ಲಿ ಸಾಲಾಗಿ ಸಮಸ್ಯೆಗಳು ಬರುತ್ತದೆ. ಯಾಕಾದರೂ ಬದುಕಿದ್ದೇವೆಯೋ ಎನ್ನುವಷ್ಟು ಕಷ್ಟ ಬರುತ್ತದೆ. ಆದರೆ ಅದಕ್ಕೂ ಪರಿಹಾರವಿದೆ. ಆ ಪರಿಹಾರವೇನು ಎಂಬುದು ಇಲ್ಲಿದೆ.

ಶನಿ ದೋಷ ನಿವಾರಣೆ ಆಗಬೇಕು ಎಂದರೆ 11 ರೂಪಾಯಿ ಮತ್ತು ಕಾಳುಮೆಣಸನ್ನು ಕಪ್ಪು ಬಟ್ಟೆಯಲ್ಲಿ ಕಟ್ಟಿ ಶನಿದೇವರ ದೇವಸ್ಥಾನದಲ್ಲಿ ಯಾರಿಗಾದರೂ ದಾನ ಮಾಡಬೇಕು ಎನ್ನಲಾಗುತ್ತದೆ. ಇದರಿಂದ ಆರ್ಥಿಕ ಸಮಸ್ಯೆಗೆ ಪರಿಹಾರ ಸಿಗುತ್ತದೆ.

ಇನ್ನು ಪ್ರತಿ ಶನಿವಾರ ತಪ್ಪದೇ ಶನಿಯ ದೇವಸ್ಥಾನಕ್ಕೆ ಹೋಗಿ ಎಳ್ಳಿನ ದೀಪವನ್ನು ಹಚ್ಚುವುದು ನಿಮಗೆ ಶನಿಯ ಕಾಟದಿಂದ ಮುಕ್ತಿ ನೀಡುತ್ತದೆ. ನೀವೇ ಮನೆಯಲ್ಲಿ ದೀಪವನ್ನು ತಯಾರಿಸಿಕೊಂಡು ಹೋಗಿ ಹಚ್ಚಿದರೆ ಉತ್ತಮ.

ಹಾಗೆಯೇ ಶನಿವಾರ ಶನಿ ದೇವಾಲಯಕ್ಕೆ ಕಪ್ಪು ಎಳ್ಳನ್ನು ಹಾಗೂ ಎಳ್ಳಿನ ಎಣ್ಣೆಯನ್ನು ದಾನ ಮಾಡಬೇಕು. ಇದನ್ನು 9 ವಾರಗಳ ಮಾಡಿದರೆ ಕಷ್ಟಗಳಿಂದ ಸ್ವಲ್ಪ ಮುಕ್ತಿ ಸಿಗುತ್ತದೆ. ಅಲ್ಲದೇ, ಸಾಡೇಸಾತಿ ಸಮಸ್ಯೆ ಇದ್ದರೆ ತಪ್ಪದೇ ಈ ಕೆಲಸ ಮಾಡಬೇಕು.

ಇನ್ನು ಶನಿವಾರ ಮನೆಯಿಂದ ಹೊರಡುವಾಗ ಮನೆಯ ಮುಖ್ಯ ಬಾಗಿಲಿಗೆ ಕಾಳುಮೆಣಸನ್ನು ಇಡಬೇಕು. ನಂತರ ಮನೆಯಿಂದ ಹೊರಡುವಾಗ ನೇರವಾಗಿ ಮೆಣಸಿನ ಮೇಲೆ ಹೆಜ್ಜೆ ಇಟ್ಟು ಹೊರಟರೆ ಯಾವುದೇ ಕೆಲಸವಾದರೂ ಸರಿ ಯಶಸ್ಸು ಸಿಗುತ್ತದೆ.

ಶನಿವಾರ ಕೇವಲ ಶನಿಗೆ ಮಾತ್ರವಲ್ಲದೇ ಆಂಜನೇಯನಿಗೆ ಸಹ ವೀಳ್ಯದೆಲೆ ಹಾರವನ್ನು ಕೊಟ್ಟರೆ ಒಳ್ಳೆಯದಾಗುತ್ತದೆ. ಅಲ್ಲಧೆ, ಶನಿ ದೇವಸ್ಥಾನಕ್ಕೆ ಗ್ರಹಗಳ ಅನುಸಾರ ಬೇಳೆ-ಕಾಳುಗಳನ್ನು ದಾನ ಮಾಡಬೇಕು.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)