Bad Dreams: ಜಾಸ್ತಿಯಾಗಿ ಕೆಟ್ಟ ಕನಸುಗಳು ಬೀಳುತ್ತಾ ಇದ್ಯಾ? ಹೆದರಬೇಡಿ, ಹೀಗೆ ಮಾಡಿ ಸಾಕು

ನಿದ್ದೆ ಮಾಡುವಾಗ ಕನಸು ಬೀಳುವುದು ಸಾಮಾನ್ಯ ಸಂಗತಿ. ಕನಸುಗಳು ಯಾವುದೇ ರೀತಿಯದ್ದಾಗಿರಬಹುದು. ಕೆಲವು ಕನಸುಗಳು  ಖುಷಿ ನೀಡುತ್ತವೆ. ಆದರೆ ಕೆಲವು ಕೆಟ್ಟವು ಮತ್ತು ಭಯಾನಕವಾಗಿರುತ್ತದೆ. ಅಂತಹ ಕನಸುಗಳು ನಮ್ಮನ್ನು ನಿದ್ದೆಯಿಂದ ಎಚ್ಚರಗೊಳಿಸುತ್ತದೆ.

ಯಾವಾಗ್ಲೂ ಕೆಟ್ಟ ಕನಸುಗಳು ಬೀಳುತ್ತಾ ಇದೆ ಅಂತ ಭಯ ಪಡಬೇಡಿ. ಕೆಟ್ಟ ಕನಸುಗಳು ರಾತ್ರಿಯಲ್ಲಿ ನಿಮ್ಮನ್ನು ಎಚ್ಚರಗೊಳಿಸುವುದು ಮಾತ್ರವಲ್ಲ, ನೀವು ಕಣ್ಣು ಮುಚ್ಚಿದಾಗ, ಭಯಾನಕ ಸಂಗತಿಗಳು ಕಾಣಿಸಿಕೊಳ್ಳುತ್ತವೆ. ಜ್ಯೋತಿಷ್ಯದ ಪ್ರಕಾರ ಕೆಟ್ಟ ಕನಸುಗಳಿಗೆ  ಹಲವು ಕಾರಣಗಳು ಇವೆ. ಇಂತಹ ಕನಸುಗಳು ಬೀಳಬಾರದು ಎಂದರೆ ಏನು ಮಾಡಬೇಕು ಎಂದು ಶಾಸ್ತ್ರಗಳಲ್ಲಿ ಅನೇಕ ಪರಿಹಾರಗಳನ್ನು ತಿಳಿಸಲಾಗಿದೆ.

ಜ್ಯೋತಿಷಿಗಳ ಪ್ರಕಾರ, ಒಬ್ಬ ವ್ಯಕ್ತಿ ರಾತ್ರಿ ಭಯಾನಕ ಕನಸುಗಳನ್ನು ಕಂಡರೆ, ಮಲಗುವಾಗ ತನ್ನ ದಿಂಬಿನ ಕೆಳಗೆ ಅರಳಿ ಮರದ ಸಣ್ಣ ಬೇರನ್ನುಇಟ್ಟುಕೊಳ್ಳಬೇಕು.ಇದರೊಂದಿಗೆ 'ಓಂ ನಮೋ ಭಗವತೇ ವಾಸುದೇವಾಯ ನಮಃ  ' ಎಂದು 5 ಬಾರಿ ಜಪಿಸಿ. ಇದು ಕೆಟ್ಟ ಮತ್ತು ಭಯಾನಕ ಕನಸುಗಳು ಬೀಳುವುದನ್ನು ತಡೆಯುತ್ತದೆ.

ಶಿವ ಮಂತ್ರದ ಪರಿಹಾರ:  ರಾತ್ರಿಯಲ್ಲಿ ನೀವು ಇದ್ದಕ್ಕಿದ್ದಂತೆ ನಿಮ್ಮ ನಿದ್ರೆಯಲ್ಲಿ ಏನನ್ನಾದರೂ ನೋಡಿದರೆ ಅದು ತುಂಬಾ ಭಯಾನಕವಾಗಿದ್ದರೆ , ನಿಮಗೆ ನಿದ್ರೆ ಬರುವುದಿಲ್ಲ, ಆಗ ನೀವು ಮಹಾದೇವನ ಈ ಮಂತ್ರವನ್ನು ಪಠಿಸಬೇಕು - "ಓಂ ನಮಃ ಶಿವಾಯ". ಹೀಗೆ ಈ  ಮಂತ್ರವನ್ನು 11 ಬಾರಿ ಪಠಿಸುವುದರಿಂದ ಅಶುಭ, ಕೆಟ್ಟ ಕನಸುಗಳು ಬರುವುದಿಲ್ಲ.

ಅಶುಭ ಕನಸಿನ ದೋಷ ನಿವಾರಣೆ ಮಂತ್ರ :  ಓಂ ನಮಃ ಶಿವ ದುರ್ಗಾ ಗಣಪತಿ ಕಾರ್ತಿಕೇಯನ ದಿನೇಶ್ವರಮ್.  ಧರ್ಮ, ಗಂಗಾ, ತುಳಸಿ, ರಾಧಾ, ಲಕ್ಷ್ಮಿ, ಸರಸ್ವತಿ. ನಮನ್ಯೇತಾನಿ ಭದ್ರಾಣಿ ಜಲೇ ಸ್ನಾತ್ವಾ ಚ ಯೋ ಜಪೇತ್ ॥ ಈ ಶ್ಲೋಕವನ್ನು ಜಪಿಸಿ ಮಲಗುವುದರಿಂದ ಯಾವುದೇ ಕೆಟ್ಟ ಕನಸುಗಳು  ಬೀಳುವುದಿಲ್ಲ.

ನಿದ್ರಾದೇವಿಯ ಮಂತ್ರ - ನಿದ್ರೆ ಮಾಡುವಾಗ  ನಮ್ಮನ್ನು ಕಾಪಾಡುವ ದೇವಿಯನ್ನು  ನಿದ್ರಾದೇವಿ ಎಂದು ಕರೆಯಲಾಗುತ್ತದೆ, ಆದ್ದರಿಂದ ನಿದ್ರಾದೇವಿಯ ಮಂತ್ರಗಳನ್ನು ಮಲಗುವ ಮೊದಲು ಪಠಿಸಬೇಕು. ಆಕೆ ಕಾಪಾಡುತ್ತಾಳೆ ಎಂಬುದು ನಂಬಿಕೆ.

ನಿದ್ರಾದೇವಿಯ ಮಂತ್ರ ಹೀಗಿದೆ: ವಾರಣಾಸಿಯಾನ್ ದಕ್ಷಿಣೇ ತು ಕುಕ್ಕುತೋ ನಾಂ ವೈ ದ್ವಿಜ:,  ತಸ್ಯ ಸ್ಮರಣಮಾತ್ರೇಣ ದು:ಸ್ವಪನ: ಸುಖದೋ ಭವೇತ್ ।। ಈ ಮಂತ್ರವನ್ನು ಪಠಣೆ ಮಾಡಿ ಮಲಗಿ. ಮಕ್ಕಳಿಗೂ ಕೂಡ ಈ ಶ್ಲೋಕ ಅನ್ವಯವಾಗುತ್ತದೆ.

ಕೆಟ್ಟ ಆಲೋಚನೆಗಳನ್ನು ಮಾಡದೆ , ನಾಳೆಯ ದಿನ ಹೇಗಿರಬೇಕು ಎಂಬುದು ಯೋಚನೆ ಮಾಡುತ್ತಾ ಮಲಗಿ. ( Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)