Holi 2023: ಹೋಳಿ ಹಬ್ಬದ ಮೊದಲು ಈ ಪೂಜೆ ಮಾಡಿದ್ರೆ ಸಕ್ಸಸ್​ ಗ್ಯಾರಂಟಿ

ಫೆಬ್ರವರಿ 27ರಂದು ಅಂದರೆ ನಿನ್ನೆಯಿಂದ ಹೋಲಾಷ್ಟಕ ಆರಂಭವಾಗಿದ್ದು, ಈ ಸಮಯದಲ್ಲಿ ವಿಶೇಷ ಪೂಜೆ ಮಾಡುವುದರಿಂದ ಅನೇಕ ಲಾಭಗಳು ಸಿಗಲಿದೆ. ಇನ್ನು ಹೋಲಾಷ್ಟಕದಿಂದ ಹೋಳಿ ಹಬ್ಬದವರೆಗೆ ಯಾರನ್ನು ಪೂಜಿಸಬೇಕು, ಪೂಜಾ ವಿಧಾನಗಳು ಹೇಗಿರಬೇಕು ಎಂಬುದು ಇಲ್ಲಿದೆ.

ಹೋಳಿಗೆ ಎಂಟು ದಿನಗಳ ಮೊದಲು ನರಸಿಂಹನನ್ನು ಪೂಜಿಸುವ ನಿಯಮವನ್ನು ಗ್ರಂಥಗಳಲ್ಲಿ ಉಲ್ಲೇಖಿಸಲಾಗಿದೆ. ಇದು ಕಾಯಿಲೆಗಳನ್ನು ಗುಣಪಡಿಸುತ್ತದೆ ಎನ್ನುವ ನಂಬಿಕೆ ಇದೆಪುರಾಣಗಳು ಈ ದಿನಗಳಲ್ಲಿ ವಿಷ್ಣು ಮತ್ತು ಶ್ರೀಕೃಷ್ಣನ ಆರಾಧನೆಯನ್ನು ಮಾಡಬೇಕು ಎಂದು ನಿರ್ದಿಷ್ಟವಾಗಿ ಹೇಳಿದೆ ಕೂಡ.

ಹೋಲಾಷ್ಟಕ ಸಮಯದಲ್ಲಿ ವಿಷ್ಣು ಸಹಸ್ತ್ರನಾಮವನ್ನು ಪಠಿಸುವುದರಿಂದ ನಿಮ್ಮ ಇಷ್ಟಾರ್ಥಗಳು ಈಡೇರುತ್ತವೆ. ಇಷ್ಟೇ ಅಲ್ಲದೇ, ಈ ದಿನಗಳಲ್ಲಿ ಶಿವಶಕ್ತಿಯನ್ನು ಪೂಜಿಸುವ ಪದ್ಧತಿಯೂ ಇದೆ. ಹಾಗೆಯೇ, ಈ ದಿನಗಳಲ್ಲಿ ಯಾವುದೇ ಶುಭ ಕಾರ್ಯಗಳು ನಡೆಯುವುದಿಲ್ಲ.

ನರಸಿಂಹ ಸ್ವಾಮಿಯ ಪೂಜಾ ವಿಧಾನ: ನರಸಿಂಹ ಸ್ವಾಮಿಯ ಪೂಜೆಗೆ ಸೂರ್ಯೋದಯಕ್ಕೆ ಮುಂಚೆ ಎದ್ದು ಸ್ನಾನ ಮಾಡಿ ಹಳದಿ ಬಣ್ಣದ ಬಟ್ಟೆಗಳನ್ನು ಧರಿಸಬೇಕು. ಅರಿಶಿನ ಶ್ರೀಗಂಧ ಅಥವಾ ಕುಂಕುಮ ತಿಲಕವನ್ನು ಹಚ್ಚಿಕೊಳ್ಳಿ. ನಂತರ ಶುದ್ಧ ನೀರಿನ ಅಭಿಷೇಕ ಮಾಡಬೇಕು. ಹಾಗೆಯೇ ಅರಿಶಿನ ಅಥವಾ ಕುಂಕುಮವನ್ನು ಬೆರೆಸಿದ ಹಾಲಿನ ಅಭಿಷೇಕವನ್ನು ಸಹ ಮಾಡಬೇಕು. ಆ ನಂತರ ಅರಿಶಿನ ಶ್ರೀಗಂಧವನ್ನು ದೇವರಿಗೆ ತಿಲಕವಾಗಿ ಅರ್ಪಿಸಬೇಕು. ಬಳಿಕ ಕುಂಕುಮ, ಅಕ್ಷತೆ, ಹಳದಿ ಹೂವು, ಹಳದಿ ವಸ್ತ್ರಗಳನ್ನು ಅರ್ಪಿಸಬೇಕು. ಅದರ ನಂತರ, ಹಣ್ಣುಗಳನ್ನು ಅರ್ಪಿಸಬೇಕು.

ವಿಷ್ಣು ಅಥವಾ ಕೃಷ್ಣನ ಆರಾಧನೆಯ ವಿಧಾನ: ಸೂರ್ಯೋದಯಕ್ಕೆ ಮೊದಲು ಸ್ನಾನ ಮಾಡಿ ಮತ್ತು ಹಳದಿ ಬಟ್ಟೆಗಳನ್ನು ಧರಿಸಿ. ಗಣೇಶನ ಪೂಜೆಯ ನಂತರ ನೀವು ವಿಷ್ಣುವಿನ ಪೂಜೆ ಮಾಡಬೇಕು. ದೇವರ ವಿಗ್ರಹಗಳನ್ನು ನೀರಿನಿಂದ ಸ್ವಚ್ಛ ಮಾಡಿ, ನಂತರ ಪಂಚಾಮೃತ ಅಭಿಷೇಕ ಮಾಡಬೇಕು.

ಇದರ ನಂತರ ಶಂಖದಲ್ಲಿ ಕೇಸರಿ ಮಿಶ್ರಿತ ಹಾಲನ್ನು ತುಂಬಿ ಅಭಿಷೇಕ ಮಾಡಬೇಕು. ಈ ಪೂಜೆಯನ್ನು ಮಾಡಿ ಧೂಪದೀಪಗಳನ್ನು ಹಚ್ಚಿ ತುಳಸಿ ದಳವನ್ನು ಅರ್ಪಿಸಬೇಕು. ಪೂಜೆಯಲ್ಲಿ ಅನ್ನದ ಬದಲು ಎಳ್ಳನ್ನು ಅರ್ಪಿಸಿ. ಇನ್ನು ಓಂ ನಮೋ ಭಗವತೇ ವಾಸುದೇವೈ ಅಥವಾ ಕ್ಲೀಂ ಕೃಷ್ಣಾಯೈ ನಮಃ ಎಂಬ ಮಂತ್ರವನ್ನು ಪೂಜೆ ಮಾಡುವಾಗ ಪಠಿಸಬೇಕು.

ಶಿವ-ಶಕ್ತಿ ಪೂಜೆ: ಹೋಲಾಷ್ಟಕದಲ್ಲಿ ಮಹಾಮೃತ್ಯುಂಜಯ ಮಂತ್ರವನ್ನು ಪಠಿಸುವುದರಿಂದ ಎಲ್ಲಾ ರೀತಿಯ ದೋಷಗಳು ದೂರವಾಗುತ್ತವೆ. ಹಾಗೆಯೇ ಈ ಸಮಯದಲ್ಲಿ ರುದ್ರಾಭಿಷೇಕವನ್ನೂ ಮಾಡಬೇಕು. ಹೋಳಿಯ ಎಂಟು ದಿನಗಳಲ್ಲಿ ದುರ್ಗಾ ಸಪ್ತಶತಿಯನ್ನು ಪಠಿಸುವುದರಿಂದ ಕಷ್ಟಗಳು ನಿವಾರಣೆಯಾಗುತ್ತದೆ ಎನ್ನಲಾಗುತ್ತದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)